Навіны на тэму: выбары-2012
11.09.2012 Вяскоўцаў агітуюць прыйсці на выбары на адмысловых канцэртах
Жыхароў Кармянскага раёна заклікаюць прыйсці на выбары на адмысловых канцэртах. «Фальклорны калектыў Цэнтра адпачынку і культуры «Дабрыца» выехаў у складзе аўтаклуба ў вёску Бераставец. Гэта мерапрыемства прысвечана кампаніі па выбарам дэпутатаў у Палату прадстаўнікоў. Назва канцэрта – Песні маёй краіны».
11.09.2012 Што думаюць гарадзенцы пра сёлетнюю выбарчую кампанію (відэа)
Гарадзенскія назіральнікі "Праваабаронцы за свабодныя выбары" правялі апытанне мясцовых кандыдатаў ад апазіцыйных партый на тэму сёлетняй выбарчай кампаніі, ці адрозніваецца яна ад папярэдніх, наколькі важным яны лічаць удзел у ёй і ці спадзяюцца на перамогу.
11.09.2012 Маладэчна: ЦВК адмяніла папярэджанне кандыдату ад Партыі БНФ
Кандыдат па Маладэчанскай гарадской акрузе №72 Ян Лагвіновіч атрымаў з ЦВК адказ на сваю скаргу аб нязгодзе з папярэджаннем, вынесеным яму акруговая камісіяй з-за таго, што ён не прадаставіў дакументы аб сыходзе ў перадвыбарчы адпачынак. Папярэджанне было адменена, таму што на момант яго вынясення кандыдат знаходзіўся ў чарговым адпачынку.
11.09.2012 Брэст: агітацыйныя пікеты ладзяць пакуль толькі прадстаўнікі апазіцыі
Першыя масавыя мерапрыемствы падчас агітацыйнай кампаніі адбыліся ў аабласным цэнтры з удзелам кандыдатаў у дэпутаты Палаты прадстаўнікоў, якіх вылучыла Беларуская сацыял-дэмакратычная партыя (Грамада).
11.09.2012 Светлагорскі раён: недзяржаўныя сайты пра выбары не пішуць
Недзяржаўныя інтэрнет-рэсурсы, якія маюць раздзелы навінаў, да гэтай тэмы інтарэсу не маюць. Незалежны рэгіянальны партал “Светлагорск” аднойчы змясціў у чэрвені інфармацыю пра падрыхтоўку назіральнікаў, але гэта не мясцовы матэрыял. Прыватны партал “Парычы” тэму выбараў увогуле не закранае.
11.09.2012 У назіральнікаў ад місіі СНД нараканняў на выбары няма
Старшыня місіі Яўген Слабада падвёў прамежкавыя вынікі назірання за парламенцкай кампаніяй ў Беларусі. Па ягоных словах, усім кандыдатам забяспечваюць роўныя ўмовы для агітацыі, а сябры камісій дэманструюць імкненне правесці выбары на высокім узроўні.
11.09.2012 Праграмы кандыдатаў ад БНФ ужо апублікаваны, а праўладных — перад выбарамі
На пытанні кандыдатаў у дэпутаты, а чаму разам з усімі кандыдатамі не апублікавала праграму кандыдата ў дэпутаты Алы Сопікавай, рэдактар “Працы” адказала, што яе праграму “мы апублікуем пазней і асобна”.
10.09.2012 Пінск: Першы агітацыйны пікет правяла дзеючая дэпутат
Інфармацыя пра пікет аператыўна з’явілася на сайце Пінскага гарвыканкама. Аўтар матэрыяла падкрэсліў, што гэта пакуль адзіная падобная акцыя, якая адбылася ў горадзе і што іншыя кандыдаты такія формы агітацыі чамусці не прымяняюць.
10.09.2012 “Тэлерадыёкампанія “Брэст” выканала ролю цэнзара
Кандыдат у дэпутаты Палаты прадстаўнікоў ад АГП Анжэла Камбалава атрымала ліст ад кіраўніцтва “Тэлерадыёкампанія “Брэст”, да якога яна звярталася яшчэ 29 жніўня з просьбай патлумачыць прычыны, па якіх яе выступ 28 жніўня не паказалі па тэлеканалу “Беларусь 2”.
10.09.2012 Орша: Першы агітацыйны пікет (фота)
Кандыдат у дэпутаты па Аршанскай гарадской выбарчай акрузе № 26 ад кампаніі “Гавары праўду” Канстанцін Анташкевіч са сваёй камандай правялі першы агітацыйны пікет. На пікеце акрамя валанцёраў прысутнічаў і сам кандыдат з даверанымі асобамі, сярод якіх быў і адзін з лідэраў кампаніі "Гавары праўду" Аляксандр Фядута.
10.09.2012 На Аршаншчыне вяскоўцы адмаўляюцца ўдзельнічаць у выбарах
Жыхары вёскі Ставры Аршанскага раёна напісалі адкрыты ліст Аляксандру Лукашэнку. У лісце яны сцвярджаюць, што ў сувязі з тым, што праблемы ў іх вёсцы не вырашаюцца доўгія гады «давер да мясцовай улады і дэпутатаў усіх узроўняў згублены».
10.09.2012 Пінскі раён: сустрэчы выбаршчыкаў – у працоўны час
У Пінскім раёне кандыдат Аляксандар Палейчук праводзіць сустрэчы з выбаршчыкамі ў працоўны час на прадпрыемствах і ў дзяржаўных установах. Ягоны канкурэнт Аляксандар Баран плануе сустракацца ў асноўным у сельскіх дамах культуры і пасля працоўнага дня.
10.09.2012 Ярмошына лічыць выбарчую кампанію “бездакорнай”
"Няма ніводнай скаргі пра тое, што на кандыдатаў ці сябраў ініцыятыўных груп аказваецца ціск або што хтосьці замінае праводзіць перадвыбарчыя мерапрыемствы. Гэта кажа пра тое, што ўлады на месцах працуюць вельмі дэмакратычна. Кожнаму прадастаўляецца рэальная магчымасць удзельнічаць у выбарах".
10.09.2012 Салігорск: Кандыдат не спыніў сваіх службовых паўнамоцтваў
Паводле выбарчага закандаўства, кандыдат у дэпутаты Палаты прадстаўнікоў вызваляецца ад выканання працоўных ці службовых абавязкаў з даты рэгістрацыі да дня выбараў. Аднак, па інфармацыі супрацоўнікаў “ЖКГ “Комлекс”, іх начальнік Ігар Дзялендзік працягвае выконваць абавязкі дырэктара, нягледзячы на рэгістрацыю кандыдатам.
10.09.2012 Светлагорск: Агітацыйныя матэрыялы – на падрапаных прыватных абвестках (фота)
Стэндаў для выбарчых плакатаў на вуліцах Светлагорску няма. Для агітацыі вызначаны звычайныя афішныя тумбы і дошкі аб’яў, а таксама вітрыны гандлёвых установаў. 7 верасня на падрапаныя прыватныя абвесткі былі абы-як развешаны агітацыйныя ўлёткі старшыні райсавета Галіны Філіповіч, якія абяцаюць “разам зрабіць наша жыццё лепш”.
