Навіны на тэму: крымінальная справа Алеся Бяляцкага
19.09.2011 Салідарныя з Беларуссю: паштоўка зняволенаму Алесю Бяляцкаму
«Дарагі Алесь, мы жадаем Табе радавацца свабодзе ў сваёй краіне як мага хутчэй!» - ужо некалькі тысяч віншавальных паштовак з такім пажаданнем адпраўленыя з Польшчы вядомаму ва ўсім свеце беларускаму праваабаронцу, які вымушаны сустракаць свой 49-ты год нараджэння ў следчым ізалятары.
16.09.2011 Рэзалюцыя Еўрапейскага Парламента па Беларусі ад 15 верасня 2011 года: арышт праваабаронцы Алеся Бяляцкага
ТЭКСТ ДАКУМЕНТА
16.09.2011 У Гомелі распачата акцыя “Павіншуй Бяляцкага з Днём народзінаў!”
16 верасьня гомельскія праваабаронцы Анатоль Паплаўны і Леанід Судаленка распачалі у абласным цэнтры акцыю, прысвечаную Дню народзінаў палітычна зняволенага праваабаронцы Алеся Бяляцкага, які ён будзе сустракаць верагодна за кратамі 25 верасьня.
16.09.2011 Сёння Валянцін Стэфановіч у Францыі сустракаецца з прадстаўнікамі МЗС і журналістамі
16 верасня ў Парыжы Валянцін Стэфановіч прыме ўдзел у шэрагу сустрэчаў з прадстаўнікамі МЗС Францыі, а таксама шэрагу французскіх СМІ. Пасля праваабаронца выступіць перад студэнтамі вышэйшай школы палітычных навук. Сённяшнія мерапрыемствы з’яўляюцца працягам сустрэчаў намесніка старшыні ПЦ “Вясна” і сябраў Міжнароднай Федэрацыі за правы чалавека (FIDH) з прадстаўнікамі ЕС і ПАСЕ дзеля вызвалення кіраўніка “Вясны” і віцэ-прэзідэнта FIDH Алеся Бяляцкага і ўсіх палітвязняў у Беларусі.
16.09.2011 Еўрапарламент заклікаў вызваліць Алеся Бяляцкага і іншых палітвязняў
15 верасня Еўрапарламент у Страсбургу прыняў рэзалюцыю, у якой еўрадэпутаты запатрабавалі неадкладна і без папярэдніх умоваў вызваліць Бяляцкага і зняць выстаўленыя супраць яго абвінавачанні.Ад беларускіх уладаў патрабуюць спыніць усе формы пераследу Бяляцкага, сяброў цэнтру "Вясна" і ўсіх праваабаронцаў і актывістаў грамадзянскай супольнасці. Рэзалюцыя па Бяляцкім і сітуацыі ў Беларусі была прынятая аднадушна.
15.09.2011 Афішы Салідарнасці ў Менску
Раніцай 15-га верасня на цэнтральных вуліцах гораду на афішных тумбах з’явіліся ўлёткі з інфармацыяй пра арышт правабаронцы Алеся Бяляцкага і заклікам далучыцца да яго абароны.
14.09.2011 Amnesty International: Беларусь павінна вызваліць Алеся Бяляцкага
Уплывовая міжнародная праваабарончая арганізацыя распаўсюдзіла заяву з патрабаваннем да беларускіх уладаў вызваліць вядомага праваабаронцу, дасудовае зняволенне якога лічыцца палітычна матываваным.
13.09.2011 “Сьвечка праўды Алеся Бяляцкага” – на YouTube
“Сьвечка праўды Алеся Бяляцкага” – відэасюжэт пад такой назвай зьмешчаны сёньня на відэапартале YouTube. Сябры, калегі і вядомыя людзі Беларусі спрабуюць вызначыць ролю і месца вядомага беларускага праваабаронцы ў нашым грамадстве і выказваюць сваю пазіцыю наконт ягонага перасьледу і зьняволеньня.
13.09.2011 «Група Замежжа» заклапочаная адказам польскай генпракуратуры
Рабочая група ў складзе недзяржаўных арганізацый згуртаваных у «Групе Замежжа» атрымала адказ з Генеральнай Пракуратуры на свой запыт у спараве магчымай выдачы Польшчай Беларусі дадзеных пра іншых, акрамя Алеся Бяляцкага, беларускіх апазіцыянэраў.
12.09.2011 Сітуацыю з Алесем Бяляцкім абмяркуюць падчас дэбатаў па Беларусі ў Савеце па правах чалавека ААН
Савет па правах чалавека ААН правядзе дэбаты па Беларусі. Гэта адбудзецца на 18-ай сесіі ААН у Жэневе, якая адкрылася сёння і завершыцца 30 верасня. Падчас дэбатаў будзе абмяркоўвацца пытанне старшыні Праваабарончага цэнтра “Вясна” Алеся Бяляцкага, якое прадставіць віцэ-старшыня цэнтра Валянцін Стэфановіч.
12.09.2011 Паручальніцтвы салігорскіх грамадзкіх актывістаў за Алеся Бяляцкага не задаволілі
Абсалютна аднолькавыя адказы без пазначэньня імёнаў і прозьвішчаў атрымальніка знайшлі ў сваіх паштовых скрынях салігорскія грамадзкія актывісты, якія накіроўвалі некалькі тыдняў таму свае паручальніцтвы за зьняволеннага праваабаронцу Алеся Бяляцкага.
12.09.2011 Акцыя “Свабоду Алесю Бяляцкаму!” - у Бярозе
Бярозаўскія праваабаронцы 11 верасня правялі акцыю ў падтрымку арыштаванага кіраўніка праваабарончага цэнтра “Вясна”Алеся Бяляцкага. Улёткі з заклікам “Свабоду Алесю Бяляцкаму!” раздаваліся ў найбольш шматлюдным месцы - на вялікім гарадскім рынку.
12.09.2011 “Як напісана ў Бібліі, запаліўшы свечку, не хаваюць яе ў шуфляду…”
Водгукі сяброў і калегаў пра арыштаванага кіраўніка Праваабарончага цэнтру “Вясна” Алеся Бяляцкага апублікавала беларуская інфармацыйна-аналітычная інтэрнет-газета Euramost.org.
09.09.2011 Жыхары Брэста атрымалі ўлёткі «Свабоду Алесю Бяляцкаму!»
«Свабоду праваабаронцу Алесю Бяляцкаму!» – з такім заклікам брэсцкія праваабаронцы Уладзімір Малей і Юры Жыдовіч раздалі ўлёткі з інфармацыяй пра дзейнасць Алеся Бяляцкага і абвінавачванні ў яго адрас з боку беларускай улады.
09.09.2011 Мазырскаму праваабаронцу не даюць правесці пікет у падтрымку Алеся Бяляцкага
Праваабаронца з Мазыра Уладзімір Целяпун 6 верасня атрымаў адмову на свой паўторны зварот у райвыканкам аб дазволе на правядзенне пікета у падтрымку Алеся Бяляцкага.
