Праваабарончы цэнтр «ВЯСНА»

Навіны на тэму: крымінальная справа Алеся Бяляцкага

01.10.2011 ЗАПРАШАЕМ НА ПРЭС-КАНФЕРЭНЦЫЮ

У панядзелак, 3 кастрычніка, лідары грамадзянскай супольнасці Беларусі праводзяць прэс-канферэнцыю, прысвечаную міжнароднай кампаніі ў абарону старшыні Праваабарончага цэнтру “Вясна”, віцэ-прэзідэнта Міжнароднай Федэрацыі за правы чалавека Алеся Бяляцкага.

30.09.2011 "Свечку праўды Алеся Бяляцкага" пакажуць на фестывалі праваабарончых фільмаў у Бішкеку

"Мы ўсе любім і паважаем Алеся і хочам яго вызвалення. Таму паказваем гэты фільм у рамках праваабарончай салідарнасці", - кажа дырэктар фестывалю Талекан Ісмаілава. Прэзентаваць фільм будзе сцэнарыст Паліна Сцепаненка.

30.09.2011 Адказ пракурора - мера стрымання адпаведная цяжару злачынства

Гомельскія праваабаронцы Анатоль Паплаўны і Леанід Судаленка атрымалі адказ ад першага намесніка пракурора Мінска Канстанціна Кежуна. Старшы саветнік юстыцыі лічыць, што мера стрымання ў дачыненні да Алеся Бяляцкага выбрана з улікам цяжару здзейсненага злачынства і устаноўленых па справе акалічнасцяў.

29.09.2011 Калегі па FIDH выказваюць сваю падтрымку Алесю Бяляцкаму

Ліст салідарнасці, напісаны з вялікай пранікнёнасцю, адправілі Алесю Бяляцкаму ў менскае СІЗА яго сябры і калегі па Міжнароднай Федэрацыі за правы чалавека - Генеральны сакратар FIDH Луіс-Гільерма Пэрэс (Калумбія), віцэ-прэзідэнты FIDH Кэці Галахер (ЗША), Паўліна Вега (Мексіка), Вільмэ Нуньес (Нікарагуа), Сарайя Гуцьерэс Аргуэлья (Калумбія), Хуан-Карлас Капура (Аргенціна) і адказныя за напрамкі ў дзейнасці FIDH Алірыё Урыбэ (Калумбія) і Франсіска Саберон (Перу).

29.09.2011 Ажубаліс: «Выпадак зь Бяляцкім – дывэрсія недэмакратычных сілаў»

Міністар замежных справаў Літвы Аўдронюс Ажубаліс выступіў у разьдзеле камэнтароў на інфармацыйным партале delfi.lt з выкладам пазыцыі міністэрства ў справе падтрымкі дэмакратычных працэсаў у Беларусі і ў сувязі з інцыдэнтам з Алесем Бяляцкім.

29.09.2011 Паштоўкі ў падтрымку Алеся Бяляцкага з Варшавы

Падчас пікету каля будынку гатэля “Сафітэль”, у якім праходзіла сустрэча АБСЕ па чалавечым вымярэнні, праваабаронцы сабралі каля 200 паштовак са словамі падтрымкі для Алеся Бяляцкага.

29.09.2011 Казахскі праваабаронца Яўген Жоўціс падтрымаў Алеся Бяляцкага лістом

Вядомы праваабаронца з Казахстана Яўген Жоўціс, які адбывае пакаранне ў выглядзе 4 гадоў пазбаўлення волі ў папраўчай калоніі ў горадзе Усць-Каменагорску, даслаў ліст у падтрымку арыштаванага старшыні Праваабарончага цэнтру “Вясна” Алеся Бяляцкага.

29.09.2011 На канферэнцыі АБСЕ абмеркавалі дзеянні па неадкладным вызваленні беларускіх палітвязняў

28 верасня ў рамках штогадовай канферэнцыі АБСЕ па чалавечым вымярэнні ў Варшаве адбылося паралельнае мерапрыемства “Алесь Бяляцкі: сімвалічная справа парушэнняў палітычных і грамадзянскіх правоў у Беларусі пасля прэзідэнцкіх выбараў 2010”, арганізаванае кааліцыяй праваабарончых арганізацыяў. У дыскусіі ўзялі ўдзел прадстаўнікі праваабарончых арганізацыяў, былыя палітвязні Аляксандр Атрошчанкаў, Уладзімір Кобец, Віталь Рымашэўскі, лідэры беларускіх дэмакратычных партыяў.

28.09.2011 Фотарэпартаж з варшаўскіх пікетаў за вызваленне Алеся Бяляцкага

Прадстаўнікі шэрагу праваабарончых арганізацый – з Польшчы, Нарвегіі, Кіргізіі, Арменіі, Расіі, Украіны, Узбекістана, Таджыкістана, Грузіі, Беларусі і Міжнароднай Федэрацыі за правы чалавека – 27 верасня зладзілі пікет з патрабаваннем вызвалення беларускіх палітвязняў. Адзін з пікетаў адбыўся каля будынку гатэля “Сафітэль”, у якім гэтымі днямі праходзіць сустрэча АБСЕ па чалавечым вымярэнні. Пікетоўцы выйшлі з плакатамі “Свабоду палітвязням!”, “Свабоду Алесю Бяляцкаму!” і партрэтамі вязняў.

28.09.2011 Сустрэча АБСЕ па чалавечым вымярэнні пачалася з рэзкай крытыкі Беларусі

На адкрыцці сустрэчы АБСЕ па чалавечым вымярэнні ў якасці ганаровага госця выступіла Генеральны сакратар Міжнароднай Федэрацыі за правы чалавека (FIDH) Хадзіжа Шэрыф. Яна асобна спынілася на сітуацыі з віцэ-прэзідэнтам Федэрацыі Алесем Бяляцкім і заклікала да яго неадкладнага вызвалення. У гэты момант у залі ўсталі некалькі дзесяткаў праваабаронцаў з розных краінаў постсавецкай прасторы ў майках з выявай Алеся Бяляцкага. Маўклівая акцыя салідарнасці з беларускім праваабаронцам выклікала вялікі рэзананс.

27.09.2011 Акцыя ў падтрымку праваабаронцы Алеся Бяляцкага ў Варшаве

Акцыя ў падтрымку кіраўніка праваабарончага цэнтра “Вясна” Алеся Бяляцкага прайшла 27 верасня ў Варшаве. Польская сталіца была абраная невыпадкова – цяпер там праходзіць штогадовая канферэнцыя АБСЕ па правах чалавека, якая сабрала каля тысячы прадстаўнікоў урадаў і актывістаў грамадзянскай супольнасці з 56 краін- удзельніц АБСЕ.

27.09.2011 27 верасьня ў Варшаве будуць пікетаваць у падтрымку Бяляцкага

Хэльсынскі фонд правоў чалавека (Польшча) ладзіць у Варшаве пікет, каб падтрымаць зьняволенага ў Беларусі кіраўніка праваабарончага цэнтру "Вясна" Алеся Бяляцкага.

26.09.2011 Фюле: Эўразьвяз павінен ахоўваць рахункі з дапамогай рэпрэсаваным грамадзтвам

Штэфан Фюле, камісар Эўразьвязу ў пытаньнях пашырэньня і эўрапейскай палітыкі суседзтва, напісаў адкрыты ліст Форуму грамадзянскай супольнасьці Ўсходняга партнэрства пра арышт беларускага праваабаронцы Алеся Бяляцкага і высновы зь яго.

26.09.2011 У Мінску пачынаецца бестэрміновая акцыя ў падтрымку Алеся Бяляцкага

Праваабаронцы-актывісты, выпускнікі «Адукацыйнага курсу па правах чалавека» з 26 верасня абвяшчаюць бестэрміновую акцыю «Ні дня без заяўкі ў абарону Бяляцкага!».