Навіны на тэму: крымінальная справа Алеся Бяляцкага
11.10.2011 Алесь Бяляцкі. Партрэт на фоне кратаў
“Спачатку яны цябе не заўважаюць. Пасьля сьмяюцца зь цябе. Пасьля змагаюцца з табою. А пасьля ты перамагаеш”.
10.10.2011 Нобелеўская лаўрэатка Аун Сан Су Чжы выказала салідарнасць Алесю Бяляцкаму
Адна з самых вядомых у свеце дысідэнтаў, лаўрэат Нобелеўскай прэміі міру 1991 году Аун Сан Су Чжы з Бірмы далучылася да міжнароднай кампаніі ў абарону пераследуемага ўладамі Беларусі праваабаронцы, віцэ-прэзідэнта Міжнароднай Федэрацыі за правы чалавека Алеся Бяляцкага.
10.10.2011 Адбыўся марафонскі забег Уладзіміра Малея ў абарону Алеся Бяляцкага
Юрыст-праваабаронца Уладзімір Малей прыняў удзел у 28-ым Міжнародным марафонскім забегу на 10 кіламетраў падчас “Дажынак” у Маларыце 8 кастрычніка. За мерапрыемтсвам сачыла шмат міліцыі, вялася відэаздымка.
10.10.2011 Мінская пракуратура не задаволіла скаргу магілёўскага праваабронцы
Барыс Бухель абскарджваў незадавальненне свайго паручальніцтва за праваабаронцу Алеся Бяляцкага, які з 4 жніўня знаходзіцца пад вартай. У паручальніцтве Барыс Бухель хадайнічаў аб змяненні яму меры стрымання.
10.10.2011 Гародня: за акцыю ў падтрымку Алеся Бяляцкага аштрафаваны праваабаронца Віктар Сазонаў
Судовы разгляд справы суддзёй Ксеніяй Стасюкевіч пачаўся яшчэ 21 верасня, але быў перанесены ажно на 10 кастрычніка. Сёння Віктара Сазонава засудзілі да штрафу – ён мусіць выплаціць 21 базавую велічыню. Праваабаронца не згодзен з такім прысудам.
07.10.2011 Шырын Эбадзі, лаўрэат Нобелеўскай прэміі міру, зрабіла заяву па справе Алеся Бяляцкага (відэа)
"Сітуацыя праваабаронцаў па ўсім свеце застаецца крытычнай. Прыкладам таму служыць сітуацыя майго сябра і калегі, беларускага праваабаронцы Алеся Бяляцкага, віцэ-прэзідэнта FIDH, арыштаванага 4 жніўні гэтага года, які ўсё яшчэ неабгрунтавана знаходзіцца пад вартай. Алесь Бяляцкі павінен быць неадкладна вызвалены і атрымаць магчымасць працягваць сваю мужную і легітымную працу, так патрэбную людзям яго краіны і ўсяго рэгіёну".
06.10.2011 Кульбіты мазырскіх чыноўнікаў
Сёння, 6 кастрычніка, праваабаронца ўрэшце атрымаў выпіску з рашэння райвыканкама пра заключэнне дамоваў з адпаведнымі службамі і накіраваўся да начальніка Мазырскага РАУС Пятра Зыкуна. Той зняў копію і сказаў, што будзе рабіць пісьмовы запыт у райвыканкам, каб цалкам азнаёміцца з гэтым рашэннем райвыканкама ("я могу десятки таких ответов и выписок наделать...").
06.10.2011 Дэкларацыя ў падтрымку Алеся Бяляцкага падпісана ў ПАРЭ
Па ініцыятыве кіраўніка дэлегацыі парламента Эстоніі ў ПАРЭ, і на дадзены момант дакладчыка па Беларусі Андрэса Херкеля ў ПАРЭ складзеная пісьмовая дэкларацыя ў падтрымку А. Бяляцкага,якую падпісалі дзесяткі сябраў парламентаў з усіх парламенцкіх фракцый і краін Рады Еўропы.
06.10.2011 Гомель: суд падтрымаў гарвыканкам па скарзе праваабаронцаў
6 кастрычніка суддзя суду Цэнтральнага раёна Гомеля Сяргей Шыцікаў адмовіў у задавальненні скарг праваабаронцаў Анатоля Паплаўнага і Леаніда Судаленкі на адмову гарвыканкама ў правядзенні пікетаў у падтрымку арыштаванага праваабаронцы Алеся Бяляцкага, паведамляе "Гомельская вясна".
05.10.2011 Марафон салідарнасці з Алесем Бяляцкім
У Маларыце 8 кастрычніка ўдзельнікі 18-га Міжнароднага марафону праваабаронцы Уладзімір Малей і Васіль Матусевіч пабягуць у майках з надпісам: “Свабоду Алесю Бяляцкаму”. Па словах Уладзіміра Малея, яны хочуць звярнуць увагу мясцовага насельніцтва на чарговае злачынства ўлады ў адносінах да лепшых людзей Беларусі.
04.10.2011 Словы падтрымкі Алесю Бяляцкаму перадаюць сірыйскія праваабаронцы
“Мы, сябры сірыйскай праваабарончай арганізацыі SAWASIAH, успрынялі навіну пра затрыманне віцэ-прэзідэнта FIDH Алеся Бяляцкага з вялікай занепакоенасцю наконт яго фізічнай і псіхалагічнай недатыкальнасці. SAWASIAH заклікае беларускія ўлады прыняць аператыўныя захады дзеля неадкладнага вызвалення сп. Алеся Бяляцкага”.
04.10.2011 Споўнілася два месяцы з моманту затрымання Алеся Бяляцкага
Сёння, 4 кастрычніка, споўнілася два месяцы з моманту затрымання вядомага беларускага праваабаронцы, віцэ-прэзідэнта Міжнароднай федэрацыі правоў чалавека Алеся Бяляцкага. Cправа перададзена ў пракуратуру, а затым будзе накіраваная ў суд. Следчая за два месяцы не дазволіла Алесю Бяляцкаму ніводнай сустрэчы з жонкай.
04.10.2011 Херкель: Я з задавальненьнем сустрэўся б з Алесем Бяляцкім
У Страсбуры ў рамках сэсіі Парлямэнцкай асамблеі Рады Эўропы абмеркавана сытуацыя ў Беларусі. Падчас адмысловых слуханьняў выступіў новы дакладчык Асамблеі па Беларусі, эстонскі дэпутат Андрэс Херкель.
03.10.2011 Алеся Бяляцкага вылучаць на Нобелеўскую прэмію міру
Старшыня праваабарончага цэнтру “Вясна”, віцэ-прэзідэнт Міжнароднай федэрацыі правоў чалавека Алесь Бяляцкі вылучаны на Нобелеўскую прэмію міру за заслугі ў справе абароны правоў чалавека 2012 года.
02.10.2011 Алесь Бяляцкі ўзнагароджаны дыпломам “За мужнасць і барацьбу за свабоду”
2 кастрычніка на ўрачыстай цырымоніі закрыцця V Міжнароднага фестывалю праваабарончых фільмаў у Бішкеку старшыня ПЦ “Вясна” і віцэ-прэзідэнт Міжнароднай Федэрацыі за правы чалавека Алесь Бяляцкі ўзнагароджаны дыпломам “За мужнасць і барацьбу за свабоду”.
