Навіны на тэму: крымінальная справа Алеся Бяляцкага
09.11.2011 Выйшаў новы фільм у падтрымку Алеся Бяляцкага (ВІДЭА)
Абсерваторыя па абароне правоў праваабаронцаў, прэзентуючы дакументальны фільм, канстатуе ўзмацненне рэпрэсій супраць праваабаронцаў ва Усходняй Еўропе і Цэнтральнай Азіі. На фоне дэманстрацый у падтрымку Алеся Бяляцкага яго калегі з розных краінаў распавядаюць пра найбольш распаўсюджаныя тыпы пераследу ў рэгіёне.
09.11.2011 Ад Еўрасаюза патрабуюць выразнай пазіцыі ў дачыненні да рэпрэсій у Беларусі
На старонках уплывовага французскага выдання Le Monde, у рубрыцы “Трыбуна” нумара ад 3 лістапада, апублікаваны зварот лідэраў міжнароднай грамадскасці да Еўрапейскага Саюза з заклікам “заняць агульную, выразную і прынцыповую пазіцыю, патрабуючы неадкладнага вызвалення Алеся Бяляцкага і ўсіх палітычных зняволеных, таксама як і незваротных дэмакратычных зменаў, каб больш не аказвацца адным з бакоў такога ганебнага па сваёй сутнасці гандлю”.
09.11.2011 Чэшскі Хельсінскі камітэт выказаў абурэнне працэсам Бяляцкага
Чэшскі Хельсінскі камітэт распаўсюдзіў адмысловую заяву з нагоды судовага працэсу па крымінальнай справе старшыні Праваабарончага цэнтру “Вясна” Алеся Бяляцкага. “Чэшскі Хельсінскі камітэт абураны судовым працэсам, які гэтымі днямі праходзіць у Мінску”,- гаворыцца ў заяве.
08.11.2011 Туніскія калегі працягваюць сачыць за лёсам Алеся Бяляцкага
Беларускі праваабаронца, віцэ-прэзідэнт FIDH наведваў Туніс сёлета ў сакавіку, адразу пасля рэвалюцыі і падзення рэжыму Бен Алі, каб падтрымаць праваабаронцаў з гэтай арабскай краіны, натхнёных поспехам рэвалюцыі, і падзяліцца з імі беларускім досведам пераходнага перыяду. Палітычныя рэжымы Беларусі і Тунісу Алесь Бяляцкі назваў братамі-двайнятамі – у плане падаўлення грамадзянскіх свабодаў і ціску на грамадзянскую супольнасць. Цяпер туніскія праваабаронцы дасылаюць словы падтрымкі свайму калегу, які пераследуецца беларускімі ўладамі за сваю дзейнасць.
07.11.2011 Трэці дзень суду над Алесем Бяляцкім: Відавочныя прыкметы палітычна матываванага працэсу
Абсерваторыя па абароне правоў праваабаронцаў заклікае ўрад Беларусі неадкладна вызваліць Алеся Бяляцкага і адмовіцца ад усіх высунутых супраць яго абвінавачанняў, паколькі яго арышт і судовы пераслед відавочна накіраваны на тое, каб перашкодзіць яго праваабарончай дзейнасці, і сам судовы працэс служыць наглядным доказам гэтага імкнення.
07.11.2011 Міжнародная назіральная місія: кароткі агляд трэцяга дня судовага пасяджэння па справе Бяляцкага
4 лістапада 2011 г. у Мінску адбылося ужо 3-е пасяджэнне суда па справе кіраўніка праваабарончага цэнтра "Вясна", віцэ-прэзідэнта Міжнароднай Федэрацыі правоў чалавека Алеся Бяляцкага. З аглядамі папярэдніх пасяджэнняў можна азнаёміцца тут: і тут: За ходам працэсу таксама можна сачыць у Твітэры Міжнароднай назіральнай місіі ў Беларусі: https://twitter.com/ #! / IOMission.
05.11.2011 Алесь Бяляцкі ўказаў суду на тых, хто замовіў крымінальную справу супраць яго
"Я сцвярджаю, што гэта справа пачыналася і праводзілася з відавочным палітычным падтэкстам з мэтай пераследу сябраў Праваабарончага цэнтра "Вясна", у прыватнасці мяне, за праваабарончую дзейнасць", - заявіў суду абвінавачаны Алесь Бяляцкі 4 лістапада, у трэці дзень судовага працэсу. У пацверджанне сваіх словаў праваабаронца зачытаў некалькі дакументаў з тома першага крымінальнай справы № 11081100188, якія пракурор, даследуючы матэрыялы справы, згадаў толькі мімаходзь.
05.11.2011 Міжнародная назіральная місія: кароткі агляд другога дня судовага пасяджэння па справе Бяляцкага
3 лістапада 2011 года ў Мінску працягнуўся суд па справе кіраўніка праваабарончага цэнтра "Вясна", віцэ-прэзідэнта Міжнароднай федэрацыі правоў чалавека Алеся Бяляцкага. Міжнародная назіральная місія Камітэта міжнароднага кантролю за сітуацыяй з правамі чалавека ў Беларусі сочыць за ходам судовага паседжання. З аглядам першага дня можна азнаёміцца тут. Сённяшняе судовае пасяджэнне ў асноўным было прысвечана допыту сведак.
04.11.2011 Міхась Скобла: Ліст да Алеся Бяляцкага
Ужо трэці дзень ты глядзіш на сваіх блізкіх і сяброў з-за кратаў – з падканвойнай клеткі. Клетку нібы адмыслова для цябе пафарбавалі – яна таксама белая. Што ж, белы колер спрадаўна азначаў чысьціню, незаплямленую годнасьць. Нездарма і на сьцягу нашым пераважае бель, і краіна наша застаецца ці не адзінай у сьвеце, у чыёй назьве на першым месцы – белы колер.
04.11.2011 Судовы працэс Бяляцкага: дзень трэці
У Першамайскім судзе Мінску 4 лістапада працягнецца судовы працэс у крымінальнай справе старшыні Праваабарончага цэнтру «Вясна» віцэ-прэзідэнта Міжнароднай фэдэрацыі правоў чалавека Алеся Бяляцкага. Чакаецца, што суд прыступіць да вывучэньня пісьмовых матэрыялаў справы.
03.11.2011 Другі дзень працэсу над Алесем Бяляцкім
У Першамайскім судзе Мінску працягваецца судовы працэс у крымінальнай справе старшыні Праваабарончага цэнтру «Вясна» віцэ-прэзідэнта Міжнароднай фэдэрацыі правоў чалавека Алеся Бяляцкага. У першы дзень пракурор зачытаў абвінавачваньне. Суд пачаў дапытваць Бяляцкага. Сёньня чакаецца допыт сьведак па справе. Гэта – знаёмыя і родныя Алеся Бяляцкага, калегі па праваабарончай дзейнасьці.
03.11.2011 Amnesty International: Вызваліце Бяляцкага
Міжнародная праваабарончая арганізацыя Amnesty International заявіла ў сувязі з другім днём працэсу над Алесем Бяляцкім, што беларускія ўлады павінны вызваліць «вядомага праваабаронцу, арышт якога па абвінавачаньні ў сур'ёзным ухіленьні ад выплаты падаткаў, як мяркуюць, меў палітычную падаплёку».
03.11.2011 Улады адмовілі ў візе прэзідэнтцы і ганароваму прэзідэнту FIDH дзеля наведвання суда над Бяляцкім
Парыж-Жэнева, Парыж, 2 лістапада 2011 г. – Абсерваторыя па Абароне Праваабаронцаў, сумесная праграма Міжнароднай Федэрацыі Правоў Чалавека (FIDH) і Сусветнай арганізацыі супраць катаванняў (OMCT) рашуча асуджаюць адмову ўладаў Беларусі выдаць уязныя візы прэзідэнтцы FIDH, Суэр Белассен, і ганароваму прэзідэнту, Патрыку Бадуэну, дзеля назірання за судом над віцэ-прэзідэнтам FIDH, Алесем Бяляцкім, які ўтрымліваўся пад арыштам 4 жніўня 2011 года на абвінавачванні ва "ўхіленні ад выплаты падаткаў у асабліва буйным памеры".
03.11.2011 Заява віцэ-старшыні Front Line ў сувязі з судом над Алесем Бяляцкім
Дублін, Ірландыя, 2 лістапада 2011. Суд над праваабаронцам Алесем Бяляцкім пачаўся ў судзе Маскоўскага раёна г. Мінска. Віцэ-старшыня Front Line Эндру Андэрсан застаўся ў Дубліне, пазбаўлены магчымасці наведаць ў Беларусь каб сустрэцца з членамі сям'і Бяляцкага ды яго калегамі з Праваабарончага Цэнтра “Вясна”.
03.11.2011 Міжнародная назіральная місія: кароткі агляд першага дня судовага пасяджэння па справе Алеся Бяляцкага
2 лістапада ў Менску пачаўся суд над Алесем Бяляцкім, кіраўніком праваабарончага цэнтра "Вясна" і віцэ-прэзідэнтам Міжнароднай федэрацыі правоў чалавека (FIDH).