Навіны на тэму: крымінальная справа Алеся Бяляцкага
11.01.2012 Зварот прадстаўнікоў грамадзянскай супольнасці з нагоды пачатку збору сродкаў для праваабаронцы Алеся Бяляцкага
Грошы ў любым памеры могуць быць пералічаныя на рахунак, адкрыты на імя жонкі Алеся Бяляцкага: Філіял №529 “Белсвязь” ААТ “АСБ Беларусбанк”, код банка 720, аддзяленне 112. № банкаўскага ўкладу: 01053568 (да запатрабавання) від плацяжа: ахвяраванне (альбо дабраахвотны плацеж) Атрымальнік плацяжа: Пінчук Наталля Сяргееўна.
10.01.2012 Жыхары Бярозы змаглі пазнаёміцца з “Апошнім словам праваабаронцы Алеся Бяляцкага на судзе”
Стваральнікі “Бярозавага веніка” такім чынам вырашылі зрабіць больш публічнай інфармацыю пра дзейнасць Праваабарончага цэнтру “Вясна” і рэпрэсіўныя дзеянні ўлады, якая супрацьдзейнічае намаганням па абароне грамадзян, правы якіх парушаюцца.
06.01.2012 Шэсць фактаў па справе Алеся Бяляцкага, пра якія не распавядае БТ і не пішуць у “Советской Белоруссии”
Афіцыйныя сродкі масавай інфармацыі, якія распачалі шалёную кампанію дыфамацыі супраць вядомага беларускага праваабаронцы Алеся Бяляцкага, вельмі любяць распавядаць пра ягоную маёмасць. У сувязі з гэтым мы, калегі Алеся Бяляцкага, вырашылі агучыць рэальныя факты, якія замоўчваюцца ці скажаюцца штатнымі прапагандыстамі ў мэтах дыскрэдытацыі зняволенага праваабаронцы.
05.01.2012 Прэзідэнт FIDH Суэр Белхасен: «Няхай у Новым годзе справядлівасць пераможа»
"Страта бацькі - гэта страшны парог у жыцці кожнага. Словы - нішто ў такі момант. Але ўсё ж мне хацелася б, каб ты ведаў - ні ў тваім горы, ні ў тваёй штучна створанай адзіноце, на самой справе, ты не адзінокі! Мы ўсе з табой у гэты цяжкі час. Няхай у Новым годзе справядлівасць пераможа і ўсе палітычныя вязні Беларусі здабудуць доўгачаканую свабоду".
05.01.2012 Амерыканскія юрысты прадставілі экспертнае заключэнне па справе Алеся Бяляцкага (копія дакумента)
Заключэнне Амерыканскай Асацыяцыі Юрыстаў (American Bar Association, ABA) прадстаўлена ў якасці аб’ектыўнай, юрыдычна абгрунтаванай і праўдзівай экспертнай заявы - на падставе матэрыялаў справы і ў адпаведнасці з нормамі міжнароднага права. Копію дакумента ABA намерана перадаць у Менскі гарадскі суд, дзе будзе разглядацца касацыйная скарга на прысуд Алесю Бяляцкаму.
29.12.2011 Збор сродкаў для Алеся Бяляцкага: сабрана больш за 600 мільёнаў рублёў
Сям’я і калегі Алеся Бяляцкага выказваюць вялікую ўдзячнасць усім, хто змог дапамагчы зняволенаму праваабаронцу, а таксама ўсім, хто ў гэтыя цяжкія для яго дні падтрымліваў маральна, дасылаючы лісты і паштоўкі ў турму.
28.12.2011 Крэсла з выявай Алеся Бяляцкага на прэзентацыі ў Баку (ФОТА, ВІДЭА)
27 сьнежня падчас прэзентацыі штогадовай справаздачы за 2011 год Абсерваторыі па абароне праваабаронцаў у Баку прадстаўнікі Праваабарончага Цэнтра Азербайджана выставілі сімвалічнае крэсла з выявай арыштаванага віцэ-прэзідэнта FIDH і старшыні Праваабарончага Цэнтра «Вясна» Алеся Бяляцкага.
27.12.2011 Алесю Бяляцкаму адвялі 10 хвілінаў на развітаньне з бацькам (відэа)
Сёньня ў 8 гадзін раніцы праваабаронца Алесь Бяляцкі змог развітацца з бацькам, які памёр 24 сьнежня. Гэта адбылося ў менскім моргу на Даўгінаўскім тракце. Алесю дазволілі пабыць з бацькам каля 10 хвілінаў. Ён памаліўся каля труны і сказаў колькі словаў сваім блізкім. Адразу пасьля гэтага ён быў адканваіраваны назад у Жодзіна. Пра смерць бацькі Алесь даведаўся ў дзень пахаваньня.
27.12.2011 Збор сродкаў для Алеся Бяляцкага: палова шляху пройдзена
Працягваецца збор сродкаў, якія былі прысуджаныя Алесю Бяляцкаму да выплаты ў якасці “шкоды, нанесенай злачынствам”. На дадзены момант сабрана больш за палову ад неабходнай сумы. Разам з квітанцыямі аб унясеньні ахвяраваньняў, людзі з розных гарадоў Беларусі дасылаюць словы падтрымкі Алесю Бяляцкаму і Натальлі Пінчук.
26.12.2011 Слонімскі выканкам не ведае сваіх рашэнняў, міліцыя – таксама
Аказваецца, што сам старшыня райвыканкама Іосіф Паўлюкевіч не ведае рашэнняў выканкама. Сёлета ў верасні было прынята новае рашэнне аб вызначэнні месцаў для правядзення масавых мерапрыемстваў, а ў адмове на правядзенне пікета ў падтрымку Алеся Бяляцкага старшыня выканкаму спасылаецца на пастанову 2002 года.
26.12.2011 Задзейнічаныя ўсе магчымыя інстанцыі, каб атрымаць дазвол на развітанне Алеся Бяляцкага з бацькам
Ранкам 26 снежня жонка праваабаронцы Алеся Бяляцкага Наталля яшчэ раз звярнулася ў вышэйшыя інстанцыі, якія б маглі ўзяць на сябе рашэнне прадставіць магчымасць Алесю развітацца з родным бацькам, які памёр 24 снежня.
24.12.2011 Сустрэцца з бацькам Алесь Бяляцкі не паспеў...
24 снежня на 83-годдзе пайшоў з жыцця Бяляцкі Віктар Усцінавіч, бацька асуджанага праваабаронцы Алеся Бяляцкага. Дыягназ - рак лёгкага - дактары паставілі ў верасні, ужо пасля арышту Алеся. Было вядома, што Віктару Усцінавічу жыць засталося няшмат. У апошні час, калі стан здароўя хворага значна пагоршыўся, родныя прыклалі ўсе намаганні, каб атрымаць дазвол на сустрэчу бацькі з сынам, каб яны змаглі пабачыцца... і развітацца яшчэ пры жыцці Калегі і сябры выказваюць спачуванні родным Алеся Бяляцкага з прычыны смерці бацькі
23.12.2011 Алесь Бяляцкі віншуе ўсіх з Калядамі і Новым Годам!
Кіраўнік "Вясны", якому давядзецца сустракаць Каляды і 2012-ты год у турэмных засценках, даслаў на волю для сяброў віншаванне з надыходзячымі святамі. Алесь жадае ўсім добрага настрою, пазітыўных эмоцыяў, займальнага адпачынку, вясёлых Калядаў і шчаслівага Новага Году! І дадае: “Будзем спадзявацца, што новы год будзе спакайнейшым персанальна для нас і, можа, урэшце, вызначальным для ўсёй краіны. Тады жыццё пацячэ ў патрэбным накірунку…”
22.12.2011 Дэпартамент выкананьня пакараньняў адмовіў Алесю Бяляцкаму ў сустрэчы з бацькам
Жонка зняволенага праваабаронцы Наталля паведаміла, што атрымала адмову з Дэпартамента выкананьня пакараньняў МУС - пакуль у вуснай форме.
20.12.2011 Крэсла віцэ-прэзідэнта FIDH Алеся Бяляцкага пуставала ў Ерэване
Падчас прэзентацыі ў Ерэване гадавой справаздачы Абсерваторыі па абароне правоў праваабаронцаў месца віцэ-прэзідэнта FIDH Алеся Бяляцкага ў залі заставалася вольным. Такім чынам армянскія праваабаронцы заклікалі да вызвалення свайго беларускага калегі.
