Навіны на тэму: крымінальная справа Алеся Бяляцкага
26.07.2012 Пікет у падтрымку палітвязняў у Бярозе не дазволілі
Праваабаронцы з Бярозы Сяржук Русецкі і Тамара Шчапёткіна, а таксама сябра Партыі БНФ Анатоль Сахаруша атрымалі адмову з райвыканкаму на правядзенне пікету 4 жніўня. Пікет планаваўся ў падтрымку старшыні Праваабарончага цэнтра “Вясна” Алеся Бяляцкага і іншых палітвязняў.
26.07.2012 Маладэчна: пікет у падтрымку Алеся Бяляцкага і ўсіх палітвязняў забаронены
Старшыня райвыканкама Фёдар Дамаценка ў сваім адказе нагадаў, што Алесь Бяляцкі прызнаны судом вінаватым і асуджаны па крымінальнай справе, а “выказванне публічнага пратэсту ў форме пікетавання ў дадзеным выпадку не прадугледжана заканадаўствам”.
24.07.2012 Бяляцкі ня выведзены з шэрагу «злосных парушальнікаў»
Жонка палітвязьня Алеся Бяляцкага Натальля Пінчук расказала «Свабодзе», што днямі быў атрыманы адказ з упраўленьня Дэпартамэнту пакараньняў па Магілёўскай вобласьці на скаргу, накіраваную ў Дэпартамэнт выкананьня пакараньняў МУС Беларусі.
23.07.2012 “Пакуль Алесь Бяляцкі і іншыя палітвязні голасу ЕС не чуюць”
Такі асноўны пасыл публікацыі ў аўтарытэтным незалежным палітычным выданні EUobserver.com, аўтар якой, Прэзідэнт Міжнароднай федэрацыі за правы чалавека Суэр Белхасэн, звяртаецца да Еўрасаюза ў сувязі з пагаршэннем сітуацыі з палітвязнямі ў Беларусі.
20.07.2012 “Собеседник”: Спявачку Ларын забароняць у Беларусі?
“Акрамя свайго выступу на цырымоніі адкрыцця фестывалю, зорка запомнілася сваім смелым і нечаканым выпадам супраць існуючага ў краіне палітычнага ладу, які называюць "апошняй дыктатурай Еўропы”, - піша расійскае выданне Собеседник.ru. “Я прыехала, каб выказаць сваё меркаванне, таму што я свабодны чалавек”, - каментуе свой учынак Ларын.
13.07.2012 Спявачка Ларын – Алесю Бяляцкаму: “Трымайцеся свайго сэрца і розуму!” (фота)
Пераможца “Еўрабачання-2012” шведская спявачка Ларын 13 ліпеня ў Менску сустрэлася з жонкай палітвязня Алеся Бяляцкага, праваабаронцам з “Вясны” Валянцінам Стэфановічам і незалежнымі журналістамі - каб больш даведацца пра лёс беларускіх палітвязняў і сітуацыю ў Беларусі.
12.07.2012 Менгарсуд не задаволіў скаргу Алеся Бяляцкага на рашэнне суду аб спагнанні з яго пені
Скарга зняволенага старшыні Праваабарончага цэнтру “Вясна” Алеся Бяляцкага датычылася рашэння суду Першамайскага раёна Менска аб спагнанні з яго больш за 140 мільёнаў пені за несвоечасовую ўплату сумы запазычанасці.
09.07.2012 Кіргізскія праваабаронцы нагадалі беларускім дыпламатам пра справу Алеся Бяляцкага
Талекан Ісмаілава, кіраўнік Праваабарончага цэнтра «Грамадзяне супраць карупцыі», распавяла пра ўражанні кіргізскіх праваабаронцаў, якія спрабавалі наведаць у Бішкеку афіцыйны прыём з нагоды дня незалежнасці Беларусі - з патрабаваннем вызвалення кіраўніка "Вясны" і віцэ-прэзідэнта FIDH Алеся Бяляцкага.
09.07.2012 Алесь Бяляцкі ўзнагароджаны прэміяй Петры Келі
Палітычны зняволены кіраўнік праваабарончага цэнтру "Вясна" Алесь Бяляцкі ўзнагароджаны прэміяй Петры Келі, якую прысудзіў беларускаму праваабаронцу нямецкі фонд імя Генрыха Бёля.
07.07.2012 Суд вырашыў канфіскаваць офіс «Вясны»
Пра гэта Натальля Пінчук, жонка кіраўніка «Вясны» Алеся Бяляцкага, паведаміла Радыё «Свабода».
04.07.2012 “Барыс Звозскаў быў надзейным паплечнікам, неверагодна сьціплым і сумленным чалавекам”
Пра сьмерць праваабаронцы і свайго сябра Барыса Звозскава Алесь Бяляцкі даведаўся ў дзень развітаньня з ім, 19 чэрвеня. “Якраз у гэты час я, прыйшоўшы з працы, прачытаў у “Народнай Волі” гэтую трагічную навіну”, - піша палітвязень у нядаўнім лісьце з бабруйскай калоніі.
03.07.2012 За кантакты зь Бяляцкім іншых вязьняў саджаюць у ШЫЗА
Пра гэта інфармацыйна-асьветніцкай установе «Плятформа» паведаміў адзін з былых вязьняў калёніі у Бабруйску.
27.06.2012 У Магілёве сёння нагадалі пра палітвязняў
Чарговая акцыя з заклікам “Свабоду палітвязням!” адбылася ў абласным цэнтры 27 чэрвеня. Гэтым разам актывісты “Нашага Магілёва” зладзілі распаўсюд лістовак у цэнтры горада на пешаходнай вуліцы Ленінскай. Ва ўлётках распавядаецца, што ў месцах пазбаўлення волі, якія знаходзяцца на Магілёўшчыне, утрымліваецца 7 з 13-ці палітвязняў. Сярод іх - палітык Мікола Статкевіч і праваабаронца Алесь Бяляцкі.
27.06.2012 У Камітэце па правах чалавека ААН зарэгістраваная скарга, пададзеная ад імя Алеся Бяляцкага
Са скаргай у Камітэт па правах чалавека ААН ад імя Алеся Бяляцкага, старшыні Праваабарончага цэнтра "Вясна" і Віцэ-Прэзідэнта Міжнароднай Федэрацыі за правы чалавека (FIDH), які адбывае зняволенне ў папраўчай калоніі г. Бабруйска, звярнуліся яго жонка Наталля Пінчук і Антуан Бернар, Генеральны дырэктар Міжнароднай Федэрацыі за правы чалавека (FIDH).
26.06.2012 Аляксандар Казулін: «Перакананы, што Бяляцкага не зламаюць»
Праваабаронцу Алеся Бяляцкага ў калёніі абмяжоўваюць у кантактах зь вязьнямі. Падобная практыка ціску была адпрацаваная яшчэ на пачатку мінулага дзесяцігоддзя, кажуць былыя беларускія палітвязьні.
