Навіны на тэму: крымінальная справа Алеся Бяляцкага
04.08.2013 Еўрадэпутаты выступілі з заявай з нагоды Міжнароднага дня салідарнасці з Беларуссю
Па ініцыятыве дэпутата Марэка Мігальскага і праваабарончай арганізацыі Libereco - Partnership for Human Rights 15 дэпутатаў зрабілі заяву аб сітуацыі з правамі чалавека ў Беларусі.
04.08.2013 БАЖ накіравала зварот кіраўніку Папраўчай калоніі №2 у Бабруйску
Сябры журналісцкай арганізацыі адзначаюць, што па атрыманай інфармацыі нядаўна адміністрацыяй калоніі да зняволенага праваабаронцы былі прымененыя неабгрунтаваныя меры пакарання.
03.08.2013 Заява Дзяржадэпартамента ЗША з нагоды другой гадавіны з дня арышту Алеся Бяляцкага
4 жніўня – другая гадавіна арышту Алеся Бяляцкага, старшыні вядучай беларускай праваабарончай арганізацыі ПЦ “Вясна” і лаўрэата Прэміі Дзяржаўнага дэпартамента ў галіне абароны правоў чалавека за 2011 год. Бяляцкі аказваў прававую і практычную падтрымку ахвярам палітычных рэпрэсій і іх сем'ям, і рэгістраваў парушэнні правоў чалавека.
03.08.2013 Міклаш Харашці заклікае ўрад вызваліць Алеся Бяляцкага і спыніць пераслед праваабаронцаў
ЖЭНЕВА (2 жніўня 2013 г.) - Спецыяльны дакладчык ААН па пытанні аб становішчы ў галіне правоў чалавека ў Беларусі Міклаш Харашці заклікаў урад Беларусі "неадкладна і безумоўна" вызваліць і рэабілітаваць праваабаронцу Алеся Бяляцкага. "Зняволенне сп. Бяляцкага з'яўляецца сімвалам рэпрэсій супраць праваабаронцаў", — сказаў ён.
02.08.2013 Алесь Бяляцкі: “Гомельскія руляць!”
Алесь Бяляцкі даслаў з-за кратаў водгук на кнігу “Зямля пад крыламі Фенікса” (Нарысы з паралельнай гісторыі Беларусі) пісьменьніка-постмадэрніста Сяргея Балахонава, які жыве і працуе ў Гомелі.
02.08.2013 Адам Бяляцкі: Я ўдзячны ўсім, хто падтрымлівае нашу сям’ю
4-га жніўня – сумная гадавіна. Два гады таму быў арыштаваны стваральнік і кіраўнік Праваабарончага цэнтра “Вясна” Алесь Бяляцкі. У студыі Беларускага Радыё Рацыя - ягоны сын Адам Бяляцкі.
01.08.2013 Магілёўскім праваабаронцам адмоўлена ў правядзенні пікета
Мерапрыемства з патрабаваннем вызвалення праваабаронцы Алеся Бяляцкага мусіла адбыцца 4 жніўня ў цэнтры горада. Адпаведны адказ за подпісам кіраўніка справамі Магілёўскага гарвыканкама Ігара Аўсенкі атрымалі праваабаронцы Барыс Бухель і Аляксей Колчын.
01.08.2013 Кнігу «Справа Бяляцкага» прэзэнтуюць у Маскве
4 жніўня, у другую гадавіну арышту праваабаронцы Алеся Бяляцкага, у многіх краінах сьвету пройдуць акцыі ў рамках Міжнароднага дня салідарнасьці з грамадзянскай супольнасьцю Беларусі.
01.08.2013 Баранавіцкі гарвыканкам забараніў пікет у падтрымку Алеся Бяляцкага
Праваабаронца Сяргей Гоўша і грамадскі актывіст Віктар Сырыца атрымалі лісты за подпісам намесніка старшыні Баранавіцкага гарвыканкама Дз. Касцюкевіча. У іх паведамляецца, што гарвыканкам не дае згоды на правядзенне 4 жніўня інфармацыйнага пікету ў падтрымку зняволенага праваабаронцы Алеся Бяляцкага, які ўжо 2 гады знаходзіцца ў турме.
31.07.2013 Гарадзенскіх праваабаронцаў чыноўнікі не лічаць патрэбным інфармаваць пра лёс заяўкі на пікет у падтрымку Алеся Бяляцкага
Паводле закону, які рэгулюе правядзенне масавых мерапрыемстваў, органы мясцовай улады абавязаны даць адказ заяўнікам не пазней чым за 5 дзён да плануемага пікету ці мітынгу. У іншых мясцовасцях праваабаронцы адказы, хоць і адмоўныя, атрымалі. У Гародні ж чыноўнікі не лічаць патрэбным нават інфармаваць заяўнікаў і выконваць нормы заканадаўства.
29.07.2013 Шэсце ў падтрымку Алеся Бяляцкага ў Гомелі ўлады не дазволілі
Шэсце ў падтрымку Алеся Бяляцкага ў Гомелі ўлады не дазволілі, бо па маршруту шэсця размешчаны падземны пераход і будынак выканкаму. Гомельскі гарвыканкам разглядзеў заяву грамадзян Юрыя Варонежцава, Леаніда Судаленкі і Анатоля Паплаўнага на правядзенне вулічнага шэсця і не даў на масавае мерапрыемства дазвол.
29.07.2013 Дашліце паштоўку салідарнасці Алесю Бяляцкаму!
Усе жадаючыя падтрымаць праваабаронцу-палітвязня Алеся Бяляцкага, два гады з дня арышту якога міне 4 жніўня, могуць падпісаць паштоўкі для яго ў офісе ПЦ "Вясна" па адрасе: г. Мінск, вул. Мяржынскага, 8-26.
26.07.2013 Віцебскія праваабаронцы падалі заяўкі на пікеты салідарнасці з Бяляцкім
Усяго заплянавана правядзеньне 4-х пікетаў у Віцебску. Заяўкі на 3 зь іх падаў у раённыя адміністрацыі гораду Павал Левінаў, прадстаўнік РПГА «Беларускі Хэльсынскі камітэт» па Віцебску і Віцебскай вобласьці. Яшчэ аднy заяўку накіраваў у адміністрацыю Чыгуначнага раёну Віцебску праваабаронца Леанід Сьвецік.
24.07.2013 Далучайцеся да кампаніі салідарнасці з Алесем Бяляцкім у сацыяльных сетках!
Міжнародная федэрацыя за правы чалавека (FIDH) распачынае кампанію салідарнасці з палітзняволеным віцэ-прэзідэнтам Федэрацыі і старшынёй Праваабарончага цэнтру "Вясна" Алесем Бяляцкім і запрашае далучыцца да гэтай акцыі ўсіх неабыякавых людзей з розных краінаў.
23.07.2013 Бабруйск: паштоўкі салідарнасці і пікет у падтрымку палітвязняў (фота)
У Бабруйску мясцовыя актывісты пастаянна дасылаюць палітвязням лісты падтрымкі. Акцыя салідарнасці яшчэ працягваецца, далучыцца да яе можа кожны жадаючы. Таксама ў Бабруйску была пададзеная заяўка на правядзенне пікета салідарнасці з палітвязнямі на вызначаным гарвыканкамам месцы. Пікет плануецца правесці 4 жніўня.
