Навіны на тэму: відэа
18.06.2012 Жыхары змагаюцца за права на здаровае навакольнае асяроддзе (відэа)
"Мы людзі, а не насякомыя, якіх можна бясконца труціць усялякімі хімікатамі", - скардзіцца жанчына з вёскі Якімава Слабада Светлагорскага р-ну. 7 гадоў жыхары вёскі спрабуюць адстаяць сваё канстытуцыйнае права на здаровае навакольнае асяроддзе, звяртаюцца да чыноўнікаў усіх магчымых інстанцый. У адказ - пустыя абяцанні і адпіскі.
13.06.2012 Складанасці людзей з абмежаванымі магчымасцямі ў Маладэчне (відэа)
Канстытуцыя Рэспублікі Беларусь гарантуе роўнасць правоў для ўсіх сацыяльных груп насельніцтва краіны. Нягледзячы на некаторыя захады і дзяржпраграмы, актуальнай праблемай для інвалідаў-калясачнікаў з'яўляецца недаступнасць гарадской інфраструктуры і адсутнасць у шматкватэрных жылых дамах безбар'ернага асяроддзя — наяўнасць высокіх бардзюраў, парогаў і адсутнасць пандусаў. Пры гэтым, паводле розных падлікаў, у Беларусі ад 20 да 22 тысяч чалавек перамяшчаюцца на інвалідных калясках.
12.06.2012 Відэафільм берасцейскага праваабаронцы адзначаны прэміяй
Дакументальны фільм “Пальчыкі або Урок гісторыі. Берасце” Уладзіміра Вялічкіна ўвайшоў у тройку прызёраў сярод 130 фільмаў, дасланых на конкурс асацыяцыі Belfilm. Праваабаронца раскрывае праблему прымусовай дактыласкапіі праз факты гвалту над асобай, якія мелі месца ў гісторыі, пачынаючы з часоў фашысцкай Германіі.
11.06.2012 Ігар Сімбіроў: "Гітару не вернуць" (відэа)
Міліцыянты забралі гітару разам з іншымі рэчамі музыкі на наступны дзень пасля Плошчы. Гэта адбылося падчас ператрусу, хоць, па словах Ігара Сімбірова, ні гітара, ні нетбук, ні ключы ад кватэры, ні мікрафон, ні чарнавікі песень не могуць мець ніякага дачынення да падзеяў 19 снежня 2010 году.
11.06.2012 Сёння і заўтра Магілёўскага Праваабарончага Цэнтру (відэа)
Праваабарончых арганізацыяў ў Беларусі лічаныя адзінкі, да таго ж і легальны статус з іх маюць не ўсе. Адна з афіцыйна зарэгістраваных - "Магілёўскі праваабарончы цэнтр" - 5 чэрвеня правяла справаздачна-выбарчы сход, на якім падсумавала вынікі сваёй дзейнасці. Пра дасягненні, праблемы і будучыню арганізацыі распавядаюць новаабраныя кіраўнікі МПЦ.
10.06.2012 Распаўсюдніка "Витебского курьера" затрымліваў міліцыянт у шортах (відэа)
6 чэрвеня ў Кастрычніцкім райсудзе Віцебску разглядалася справа Сяргея Кандакова. Суддзя Іна Грабоўская прызнала распаўсюдніка недзяржаўнай прэсы вінаватым у парушэнні часткі 2 артыкулу 22.9 Кодэксу аб адміністрацыйных правапарушэннях («незаконны распаўсюд прадукцыі сродкаў масавай інфармацыі») і прысудзіла яму штраф у памеры 20 базавых велічынь.
09.06.2012 Аўтара відэа пра міліцыянта-безбілетніка наведаў РУУС (відэа)
Аўтар відэа пра міліцыянта-безбілетніка Раман Гарадзінскі распавёў, што 8 чэрвеня яго выклікалі для дачы паказаньняў у Фрунзенскі РУУС.
09.06.2012 Як правільна адстойваць грамадскія інтарэсы і правы (відэа)
З вопыту паспяховай інфармацыйная кампаніі ў горадзе Светлагорску.
08.06.2012 Севярынец: Палітвязьні цягнуць крыж за ўсю Беларусь (відэа)
Лідар БХД Павал Севярынец, асуджаны на 3 гады абмежавання волі за падзеі Плошчы, так званай "хіміі", говорыць, што палітвязні "цягнуць крыж", пакутуюць за ўсю Беларусь.
08.06.2012 Гомельскаму актывісту не ўдалося дамагчыся кампенсацыі маральнай шкоды (відэа)
Гомельскі пенсіянер МУС, сябра АГП і Руху «За свабоду» Уладзімір Няпомняшчых упэўнены, што калі б ён змог адсудзіць хоць невялікую суму за нанесеную яму маральную шкоду, то ўся наша карная сістэма развалілася б, як картачны домік.
06.06.2012 Барысаў: «Мы не пячорныя людзі, мы абараняем сваё права на нармальнае жыццё» (відэаадказ)
На нядаўняй прэс-канферэнцыі старшыня Мінаблвыканкама Барыс Батура назваў пратэст жыхароў вёскі Пчэльнік Барысаўскага раёна супраць будаўніцтва смеццеперапрацоўчага завода «жаданнем жыць пры першабытнаабшчынным ладзе». Настроі і дзеянні жыхароў вёскі каментуе актывіст Алег Лыско.
06.06.2012 Віктар Сідарэнка распавядае пра наведванне Алеся Бяляцкага ў калоніі (відэа)
Магчымасць наведаць бабруйскую калонію і асуджанага праваабаронцу з’явілася ў Віктара Сідарэнкі ў сувязі з тым, што ён з’яўляецца старшынём грамадскай назіральнай камісіі пры Галоўным упраўленні юстыцыі Магілёўскага аблвыканкама па наглядзе за месцамі пазбаўлення волі ў Магілёўскай вобласці.
05.06.2012 У Жодзіна так і не апублікавалі афіцыйныя дадзеныя пра стан ракі (відэа)
У пачатку сакавіка гэтага года ў Жодзіна адбылася лакальная экалагічная катастрофа: з-за аварыі на Жодзінскай ЦЭЦ у вадасховішча на рацэ Пліса вылілася масла. Аднак да гэтага часу праз мясцовыя СМІ адпаведныя інстанцыі так і не знайшлі час апублікаваць вынікі даследаванняў вады.
01.06.2012 Віктар Адзіночанка: Ёсць вялікія праблемы з рэалізацыяй права на свабоду сумлення ў нашай краіне (відэа)
Па афіцыйным меркаванні рэлігійная сітуацыя ў Беларусі стабільная і бесканфліктная, хоць найбольшая вага і належыць Беларускай праваслаўнай царкве. Між тым, ёсць і іншыя погляды на праблему з рэалізацыяй права на свабоду сумлення.
30.05.2012 Барыс Хамайда - як заўсёды на сваім звычайным месцы (відэа)
Вядомага рэгіянальнага апазіцыянера Барыса Хамайду, які амаль штодня стаіць у цэнтры гораду ля так званага Сіняго дому і распаўсюджвае пад нацыянальным сцягам (ці парасонам) беларускія незалежныя выданні, можна смела назваць жывой легендай Віцебску. Ні бясконцыя затрыманні, ні суды, ні арышты, ні штрафы не далі мясцовым уладам жаданага выніку - спыніць ягоную дзейнасць.