Навіны на тэму: Плошча-2010
30.12.2010 Рэпрэсіі ў Беларусі адсочвае міжнародны камітэт
У Менску пачаў працу Камітэт міжнароднага кантролю за сытуацыяй з правамі чалавека ў Беларусі. Утварыць яго пастанавіла кааліцыя няўрадавых арганізацый краін АБСЭ 27 сьнежня 2010 года.
30.12.2010 У БАЖ прыйшоў чарговы «трывожны» ліст з Мінюсту
Міністэрства цікавіць, хто з журналістаў, за якіх публічна заступаецца арганізацыя, з’яўляюцца яе сябрамі.
30.12.2010 У кватэрах нацыянал-бальшавікоў у Мінску пачаліся ператрусы
На дадзены момант праходзіць ператрус ў кватэры Яўгена Контуша, лідэра Нацыянал-бальшавіцкай партыі Беларусі, паведаміў прэс-сакратар арганізацыйнага камітэта па стварэнні партыі Дзмітры Сіняк на сваім блозе.
30.12.2010 Чатыры былыя кандыдаты пераведзены ў статус абвінавачаных
29 снежня прад'яўлена абвінавачанне па арт. 293 КК РБ чатыром былым кандыдатам у прэзідэнты - Уладзімеру Някляеву, Андрэю Саньнікаву, Мікалаю Статкевічу і Віталю Рымашэўскаму. Акрамя іх у арганізацыі масавых беспарадкаў у Мінску абвінавачваюць Паўла Севярынца і Аляксандра Атрошчанкава.
30.12.2010 У Магілёве й Бабруйску дапыталі ў КДБ васьмярых актывістаў
29 сьнежня цягам дня супрацоўнікі Камітэту дзяржаўнай бясьпекі дапыталі як сьведкаў васьмярых сябраў ініцыятыўнай групы кандыдата ў прэзыдэнты Ўладзімера Някляева. Паводле актывістаў, сьледчыя тлумачылі допыты расьсьледаваньнем крымінальнай справы аб масавых беспарадках і несанкцыянаваных мерапрыемствах, што адбыліся ў Менску 19 сьнежня.
29.12.2010 УВАГА! Шукаем Антона Давыдзенку, які сёння павінен быў выйсці на волю з ізалятара ў Жодзіна
Калі хтосьці валодае інфармацыяй адносна таго, дзе зараз знаходзіцца АНТОН ДАВЫДЗЕНКА, які павінен быў сёння, 29 снежня, пакінуць ізалятар у Жодзіна пасля 10-сутачнага арышту, просім паведаміць пра гэта.
29.12.2010 Яшчэ адзін верагодны падазраваны па крымінальнай справе аб масавых беспарадках -- Уладзімір Лобан
Уладзімір Лобан сёння адбыў 10-сутачны адміністрацыйны арышт за ўдзел у акцыі пратэсту 19 снежня і збіраўся выйсці на волю, але па яго прыехалі супрацоўнікі КДБ і забралі ў следчы ізалятар -- "амерыканку". Уладзімір Лобан, верагодна, пераведзены ў статус падазраваемага па крымінальнай справе аб масавых беспарадках.
29.12.2010 У праваабаронцы Алены Танкачовай праводзіцца ператрус
У праваабаронцы Алены Танкачовай прыкладна ў 20 гадзін супрацоўнікі КДБ пачалі ператрус. Згодна з пастановай, ператрус адбываецца ў межах расследавання падзеяў 19 снежня.
29.12.2010 Арыштаваныя на суткі выходзяць з ізалятараў
Са следчых ізалятараў пачалі выпускаць людзей, якія атрымалі адміністрацыйны арышт тэрмінам на 10 сутак за ўдзел у мірнай акцыі акцыі пратэсту супраць вынікаў выбараў, што адбыўся 19 снежня ў Мінску на плошчы Незалежнасці.
29.12.2010 Пракуратура пагадзілася з абсурдным прысудам прэс-сакратарцы Някляева
Пракурор Першамайскага раёна А.Млявы адмовіў Валерыю Дранчуку абараняць сваю дачку Юлію Рымашэўскую, прэс-сакратара кандыдата ў прэзідэнты: бацька не мае натарыяльна заверанай даверанасці. Пры нязгодзе з рашэннем пракурора бацька можа абскардзіць гэтае рашэнне ці ў пракуратуры Мінска, ці ў Першамайскім судзе.
29.12.2010 Затрыманы Франак Вячорка
У 17 гадзін паступіла інфармацыя, што пяць хвілін таму проста на вуліцы Мінска затрыманы моладзевы актывіст Франак Вячорка. Па папярэдняй інфармацыі, яго накіроўваюць у РУУС Маскоўскага раёна. Прычыны затрымання -- невядомыя.
29.12.2010 Журналіста звольнілі за адмову асуджальна напісаць пра Плошчу
Алесь Ляўчук, карэспандэнт газеты "Знамя Юности" і супрацоўнік рэдакцый недзяржаўных СМІ звольнены.
29.12.2010 Ператрус у «Нашай Ніве» і яе рэдактара: шукалі відэа з Плошчы
Прыкладна ў 18.50 28 снежня ў дзверы Беларускага ПЭН-цэнтра, што месціцца на вуліцы Казлова, 7 у кватэры 101, пачалі грукаць невядомыя. Журналіст «Нашай Нівы» Зміцер Панкавец дзверы адмыкаць адмовіўся. У кватэры таксама быў Андрэй Расінскі. Тады налётчыкі вырубілі электрычнасць.
28.12.2010 Дзмітрыю Дашкевічу і Эдуарду Лобаву абвінавачанне не прад'яўлена, але па 10 сутак яны яшчэ правядуць у ізалятары
Сёння, 28 снежня, скончыліся 10 дзён з моманту затрымання маладафронтаўцаў Дзмітрыя Дашкевіча, Эдуарда Лобава і Дзяніса Лазара па падазрэнні ў здзяйсненні хуліганскіх дзеянняў. Зранку быў адпушчаны на волю Дзяніс Лазар і ўсе падазрэнні з яго знятыя. Дзмітрыю Дашкевічу і Эдуарду Лобаву абвінавачанне таксама не было прад'яўлена, але іх знаходжанне пад арыштам працягнута яшчэ на 10 сутак.
28.12.2010 Арышт Мікіту Ліхавіду адменены, ён будзе праходзіць па крымінальнай справе
Адносна актывіста Руху "За свабоду" Мікіты Ліхавіда, асуджанага на 15 сутак арышту за ўдзел у акцыі пратэсту 19 снежня, адменена адміністратыўнае пакаранне і ён з'яўляецца падазраваным па крымінальнай справе аб масавых беспарадках. Сёння або заўтра Мікіта Ліхавід будзе дастаўлены з ізалятара часовага ўтрымання Жодзіна ў ізалятар КДБ у Мінску.
