Навіны на тэму: дапамога
04.04.2011 Журналіст Лапцэвіч і актывіст Салаўёў абскарджваюць адміністратыўныя арышты
Старшыня Магілёўскай абласной арганізацыі БНФ “Адраджэньне” Зміцер Салаўёў і журналіст БелаПАН Уладзімір Лапцэвіч абскардзілі ў Магілёўскім абласным судзе пастанову суда Ленінскага раёна аб адміністратыўным спагнанні ў выглядзе адміністратыўнага арышту.
04.04.2011 Паштоўкі салідарнасці дайшлі да палітвязняў
Дэмакратычныя актывісты Бялыніцкага раёна з 2 красавіка пачалі атрымліваць лісты з падзякамі за віншаванні ў Дзень Волі ад палітычных зняволеных. Напярэдадні 25 сакавіка бялыніцкія сябры руху БНФ “Адраджэнне” і кампаніі “Гавары праўду!” даслалі палітвязням больш за пяцьдзесят паштовак з найлепшымі пажаданнямі і словамі падтрымкі.
02.04.2011 Сяргей Каваленка праводзіць дзве галадоўкі пратэсту запар
Віцебскі актывіст КХП БНФ адбыў тыднёвы арышт паводле абвінавачання ў хуліганстве і арганізацыі несанкцыянаванага пікету, а цяпер адбывае 15-суткавы арышт за парушэнне рэжыму адбывання “умоўнага” пакарання. “На волі” паміж двума арыштамі Сяргею Каваленку ўдалося пабыць усяго 5 хвілін. На знак пратэсту супраць несправядлівага абвінавачання ён адгаладаваў першыя 7 дзён і мяркуе галадаваць яшчэ 15.
02.04.2011 Правальскага не пусцілі на цырымонію ўзнагароджання ў Віцебскі аблвыканкам
Экс-прэтэндэнт на ўдзел у прэзідэнцкіх выбарах стаў адным з пераможцаў конкурсу "лепшы прадпрымальнік Віцебскай вобласці ў 2010 годзе". Аднак на цырымонію ўзнагароджання яго не пусцілі: калі 1 красавіка Уладзімір Правальскі з жонкай прыбылі на ўрачыстасць, сакратар аргкамітэта сустрэў яго словамі: “Вам туды нельга”. Прыз так і застаўся ў аблвыканкаме.
02.04.2011 Пісьменнік Сяргей Малалеткін абвясціў галадоўку з патрабаваннем вызвалення палітвязняў
Непасрэдным падставай для вырашэння звярнуцца да такога крайняга сродку пратэсту, якім з'яўляецца галадоўка, для Малалеткіна стаў прысуд яшчэ аднаму ўдзельніку плошчы - Мікіту Ліхавіду, які таксама абвясціў галадоўку пасля суду. Як тлумачыць сам Сяргей, яго сын з'яўляецца практычна аднагодкам Мікіты Ліхавіда. У знак пратэсту з відавочна несправядлівым і жорсткім прысудам прыняў для сябе рашэнне - галадаць столькі ж, колькі Мікіта Ліхавід.
02.04.2011 Праваабаронца раіць патрабаваць кампенсацыі за маральную шкоду ад вінаватых у адмене канцэртаў
У Маладэчне па мясцоваму радыё абвесцілі, што канцэрт гурта “Ляпис Трубецкой”, які мусіў адбыцца 5 красавіка, адменены, як і па ўсёй Беларусі. Па неафіцыйных звестках, амаль усе квіткі былі загадзя прададзеныя. У самім Палацы культуры, дзе гурт павінен быў выступаць, чамусьці колькасць праданых квіткоў паведаміць адмовіліся.
02.04.2011 У Оршы замініравалі помнік Леніну?
У апошні сакавіцкі дзень жыхары Оршы маглі назіраць незвычайную карціну - Цэнтральная плошча горада была ачэпленая міліцыяй і на яе тэрыторыю нікога не прапускалі. Як стала вядома, у той дзень ля падножжа помніка Леніну на плошчы быў знойдзены муляж выбуховага прыстасавання.
01.04.2011 У Магілёве выйшаў на волю журналіст Уладзімір Лапцэвіч
1 красавіка а 17-ай гадзіне з ізалятара часовага ўтрымання выйшаў на волю журналіст БелаПАН Уладзімір Лапцэвіч. Уладзімір быў затрыманы 25 сакавіка на Дзень Волі і атрымаў сем сутак адміністратыўнага арышту.
01.04.2011 Вадзіма Раманава адпусцілі з РУУС
З Маскоўскага РУУС Мінска ў 15.50 адпушчаны на волю без прад'яўлення абвінавачванняў жыхар Слуцку Вадзім Раманаў, затрыманы напярэдадні ў Мінску на здымнай кватэры па вуліцы Бялецкага. Маладога чалавека пратрымалі ў міліцыі каля 17 гадзін.
01.04.2011 Раман Кісляк накіраваў скаргу генпракурору
Брэсцкі юрыст-праваабаронца Раман Кісляк просіць генпракурора Рыгора Васілевіча прыцягнуць да адказнасці дзяжурнага Ленінскага РАУС г. Брэста Івана Каліту, які з прымяненнем фізічнай сілы 28 сакавіка спрабаваў узяць адбіткі пальцаў у праваабаронцы.
01.04.2011 Новая хваля прымусовай дактыласкапіі – і на Берасцейшчыне
Факты прымусовай дактыласкапіі выяўлены праваабаронцамі ў Маларыцкімі, Бярозаўскім, Кобрынскім, Пружанскім, Берасцейскім раёнах Брэсцкай вобласці, а таксама ў абласным цэнтры.
01.04.2011 ДАІ да незвычайнай машыны не чапляецца
Па барысаўскіх вуліцах вось ужо больш за месяц раз'язджае незвычайны аўтамабіль. Незвычайнасць яго складаецца ў тым, што на бакавым шкле прылепленыя партрэты экс-кандыдата ў прэзідэнты Уладзіміра Някляева са словамі «Свабоду Някляеву!».
01.04.2011 Сваякам Вадзіма Раманава параілі шукаць адваката
Жыхара Слуцка Вадзіма Раманава, затрыманага напярэдадні ў Мінску на здымнай кватэры, дапытаў следчы Маскоўскага РУУС горада Мінска Сяргей Канецкі. У тэлефоннай размове следчы параіў сваякам Вадзіма шукаць яму адваката.
01.04.2011 Пікет супраць забароны пікетаў запланаваны ў Салігорску
Заяўкі на шэраг пікетаў былі пададзены ў Салігорску дэмакратычным актывістам і прадпрымальнікам Уладзімірам Шылам. Правядзенне усіх пікетаў запланавана ў афіцыйна адведзеным мясцовымі ўладамі для гэта месцы – на стадыёне “Будаўнік”.
01.04.2011 Звольнены пасля выбараў актывіст працы ў Кіраўску так і не знайшоў
На гэтым тыдні Аляксандра Барана, актывіста ініцыятыўнай групы кандыдата ў прэзідэнты Уладзіміра Някляева, напаткала яшчэ адна непрыемнасць: 28 сакавіка ўрачэбная камісія ў горадзе Бабруйску пазбавіла яго трэццяй групы інваліднасці. Зараз ён застаўся практычна без сродкаў да існавання.
