Навіны на тэму: свабода мірных сходаў
27.05.2020 Блог Паўла Сапелкі: "Біябомбы" пад арыштам
У новым выпуску блога "Слова аб праве" ў "Белгазеце" юрыст Праваабарончага цэнтра "Вясна" Павел Сапелка разважае аб адміністрацыйным пераследзе актывістаў і іх арыштах ва ўмовах распаўсюджвання COVID-19, як парушэнні права на жыццё і здароўе чалавека.
26.05.2020 Human Rights Watch: Адвольнае затрыманне мірных крытыкаў улады стварае рызыкі для здароўя
Напярэдадні жнівеньскіх прэзідэнцкіх выбараў беларускія ўлады ўзмацнілі ганенні на незалежных актывістаў і журналістаў, заявіла сёння Human Rights Watch.
25.05.2020 Суды над удзельнікамі мірных акцый і сустрэч працягваюцца
У Беларусі працягваюцца суды над удзельнікамі сустрэч з блогерам Сяргеем Ціханоўскім і акцый па "кармленні галубоў".
25.05.2020 На Статкевіча і Троцкага склалі пратаколы за ўскладанне кветак
На палітыка Мікалая Статкевіча складзены пратакол аб адміністрацыйным правапарушэнні за несанкцыянаваную акцыю, да якой прыраўнялі ўскладанне кветак 8 траўня да помніка савецкім салдатам на Вайсковых могілках.
24.05.2020 Станіслаў Паўлінковіч выйшаў з магілёўскага ІЧУ і паведаміў, што яму далі яшчэ 15 сутак
У чацвер 21 траўня магілёўскага актывіста Станіслава Паўлінковіча, які адбываў 15-суткавы арышт, таемна вывезлі з ізалятара ў суд Ленінскага раёна, дзе суддзя Ратнікава прысудзіла яго да 15 сутак арышту за непадпарадкаванне работнікам міліцыі і да 1000 рублёў штрафу за абразу міліцыянта. Пра гэта паведамляе сайт пра правы чалавека ў Магілёве mspring.online.
24.05.2020 Гомельскі актывіст Юрый Уласаў на волю так і не выйшаў. Ён атрымаў яшчэ 15 сутак
Асуджаны на 15 сутак за ўдзел у акцыі салідарнасці з Сяргеем Ціханоўскім у Гомелі Юрый Уласаў мусіў выйсці 22 траўня ў 18.35 з гомельскага ІЧУ, але, са словаў яго жонкі Юліі, якой патэлефанавалі супрацоўнікі ІЧУ, ён будзе адбываць яшчэ 15 сутак за ўдзел у іншым несанкцыянаваных масавым мерапрыемстве (арт. 23.34 КоАП РБ). Такое рашэнне вынес суд Цэнтральнага раёну Гомля.
22.05.2020 Палітычны пераслед у траўні: прамежкавыя вынікі і расклад новых судоў
У Беларусі ў перыяд з 6 траўня зафіксавана каля 150 выпадкаў адвольных затрыманняў па палітычных матывах. Пад пераслед трапілі людзі, якія прыходзілі на сустрэчы з блогерам Сяргеем Ціханоўскім у розных гарадах краіны, выходзілі на акцыі ў яго падтрымку пасля затрымання блогера, “кармілі галубоў” на плошчах сваіх гарадоў ці ўдзельнічалі ў іншых акцыях пратэсту. Пад пераслед трапілі таксама праваабаронцы і журналісты, якія назіралі ці асвятлялі акцыі.
22.05.2020 У Віцебску затрымалі актывіста Аляксея Прохарава – ён у ІЧУ да панядзелка
Віцебскага актывіста Аляксея Прохарава запрасілі ў аддзел аховы правапарадку Чыгуначнага раёну Віцебску для дачы тлумачэнняў пра ягоны ўдзел у "кармленні галубоў" 3 траўня.
22.05.2020 Віцебская суддзя не змагла выдаліць з залы 15 чалавек на працэсе Аляксея Саламаненкі
Суд Чыгуначнага раёну Віцебску 22 траўня разглядаў справу актывіста «Краіны для жыцьця» Аляксея Саламаненкі, якога вінавацілі ва ўдзеле ў несанкцыянаваным масавым мерапрыемстве – «кармленьні галубоў».
22.05.2020 Камісарка па правах чалавека Германіі заклікае Беларусь паважаць асноўныя правы
20 траўня Упаўнаважаная Федэральнага ўрада Германіі па пытаннях правоў чалавека і гуманітарнай дапамогі Бэрбель Кофлер выступіла з заявай у сувязі з масавымі затрыманнямі журналістаў і блогераў у Беларусі.
22.05.2020 Беларусь прадставіла сваю пазіцыю па сітуацыі пераследу брэсцкіх актывістаў
Мінпрыроды прадставіла ў Камітэт па выкананні Орхускай канвенцыі тлумачэнні сваёй пазіцыі па сітуацыі, звязанай з будаўніцтвам акумулятарнага завода каля Брэста і выпадкамі затрыманняў актывістаў.
21.05.2020 У рэгіёнах працягваюць судзіць актывістаў, караюць штрафамі і суткамі
З раніцы 21 траўня ў Маладзечна працягнуўся судовы працэс над Паўлам Пясковым. Пасля абеду ў Вілейцы будуць судзіць Андрэя Кудзіка і Андрэя Кастэнка па дапрацаваных пратаколах.
21.05.2020 Гародня: палююць на ўдзельніка сустрэчы з блогерам Ціханоўскім
Гарадзенцу Зміцеру Фурманаву 20-га траўня патэлефанаваў чалавек, які прадставіўся участковым, і паведаміў, што ў дачыненні яго заведзеная адміністрацыйная справа па артыкуле 23.34 КаАП за ўдзел у несанкцыянаваным мерапрыемстве.
20.05.2020 Фота і інтэрв'ю — гэта пікет. Як прайшлі суды ў Вілейцы, Маладзечне і Мінску
19 і 20 траўня ў Вілейцы, Маладзечне і Мінску працягнуліся суды над удзельнікамі сустрэч з блогерам Сяргеем Ціханоўскім, а таксама акцый салідарнасці з берасцейскімі актывістамі («кармленне галубоў»).
20.05.2020 Бяздарны дэтэктыў па-пінску: як судзілі Анатоля Чэшуіна
Суд Пінскага раёна і горада Пінска 19 траўня пакараў адміністрацыйным штрафам у памеры 20-ці базавых велічынь жыхара горада Анатоля Чэшуіна.