Навіны на тэму: свабода мірных сходаў
29.07.2020 Каля КДБ у Мінску затрымалі каля 50 чалавек. Спісы
У Мінску 28 чэрвеня каля КДБ і ў самім будынку было затрымана больш за 50 чалавек. Сярод іх — людзі, якія прыйшлі падаць хадайніцтва аб змене для палітвязняў Віктара і Эдуарда Бабарыкаў мер стрымання, а таксама журналісты, якія прыйшлі асвятліць гэта.
28.07.2020 Новыя суды над удзельнікамі акцыі 14 ліпеня масава пераносяць на невызначаны тэрмін
У раённых судах Мінска 28 ліпеня прызначан шэраг судоў над удзельнікамі масавай мірнай акцыі салідарнасці, якая прайшла 14 ліпеня і скончылася вялікай колькасцю затрыманняў. Судовыя пасяджэнні масава пераносяць на невызначаныя даты, у асноўным з-за няяўкі сведкаў.
27.07.2020 Міхаіла Чамураку асудзілі да сутак і штрафу
Як стала вядома Праваабарончаму цэнтру "Вясна", 27 ліпеня ў судзе Дубровенскага раёна адбыўся адміністрацыйны працэс у дачыненні да Міхаіла Чамуракі.
27.07.2020 "У мяне скралі прэзідэнта". Жыхарку Гарадку будуць судзіць за фота ў Instagram
Як паведамляе "Віцебская Вясна", Алёну Віннік вінавацяць у правядзенні несанкцыянаванага пікетавання (ч.1 арт. 23.34 КаАП).
24.07.2020 Суд-абсурд. У Магілёве анлайн засудзілі Сяргея Ціханоўскага за пікет двухмесяцовай даўнасці
Суддзя Ленінскага суда Алена Літвіна 23 ліпеня правяла працэс над блогерам Сяргеем Ціханоўскім, паведамляе mspring.online. На думку ўладаў, лідэр каманды «Краіна для жыцця» зладзіў несанкцыянаванае масавае мерапрыемства прама падчас законнага пікету па зборы подпісаў за вылучэнне Святланы Ціханоўскай кандыдаткай у прэзідэнты Рэспублікі Беларусь 27 траўня перад ГЦ «Атрыум» у Магілёве.
23.07.2020 Таццяну Севярынец аштрафавалі на 810 рублёў: скандавала «Жыве Беларусь!» і «Стоп таракан!»
Чарговы судовы працэс над актывісткай БХД Таццянай Севярынец прайшоў 22 ліпеня ў судзе Чыгуначнага раёну Віцебску.
22.07.2020 “У іх загад “тэрорыць” усіх палітычных”. Яўген Міхасюк пра арышт за велапрабег
Яўген распавёў “Вясне”, чаму ўчастковы ў РУУС не хацеў складаць на яго пратакол, якое стаўленне “на сутках” да палітычных, чаму палову арышту ён правёў у карцары, а таксама іншыя падрабязнасці свайго затрымання і ўтрымання пад вартай.
22.07.2020 Патрабуем прыняцця мер пракурорскага рэагавання па спыненні незаконных дзеянняў міліцыі. Петыцыя праваабаронцаў
На сайце petitions.by размешчаная петыцыя, накіраваная ў Генеральную пракуратуру Рэспублікі Беларусь. Яе аўтары паведамляюць, што 7 ліпеня 2020 года з Генпракуратуры быў атрыманы адказ на электронны зварот праваабаронцаў, які тычыўся спынення незаконных дзеянняў міліцыі.
21.07.2020 Затрыманні на мірных акцыях 14 і 15 ліпеня. Лічбы і геаграфія
Па дадзеных праваабаронцаў “Вясны”, на мірных акцыях супраць нерэгістрацыі кандыдатамі ў прэзідэнты Віктара Бабарыкі і Валерыя Цапкалы, а таксама на іншых акцыях салідарнасці (і пасля іх), якія праходзілі 14 і 15 ліпеня, у Беларусі было затрымана як мінімум 420 чалавек.
21.07.2020 Актывіста кампаніі супраць акумулятарнага заводу ў Брэсце асудзілі на 15 сутак
20 ліпеня суд Ленінскага раёну Брэста асудзіў актывіста Віталя Казака на 15 сутак адміністрацыйнага арышту па ч. 3 арт. 23.34 КаАП («Парушэнне парадку арганізацыі або правядзення масавых мерапрыемстваў паўторна на працягу году»).
20.07.2020 Справаздача па маніторынгу агітацыйнага пікету 19 ліпеня ў Мінску
19 ліпеня ў Мінску ў Парку Дружбы народаў адбыўся агітацыйны пікет кандыдаткі ў прэзідэнты Рэспублікі Беларусь Святланы Ціханоўскай.
20.07.2020 Справаздача па маніторынгу агітацыйнага пікету ў Мінску 18 ліпеня
18 ліпеня ў Мінску ў Парку Дружбы народаў адбыўся агітацыйны пікет кандыдата ў прэзідэнты Рэспублікі Беларусь Андрэя Дзмітрыева.
17.07.2020 Братоў Аляксандра і Віктара Куўшынавых асудзілі на суткі
Другія суткі браты-айцішнікі Віктар і Аляксандр Куўшынавы, якія выпадкова сустрэліся ў аўтазаку, сядзяць у ізалятары на Акрэсціна, піша TUT.BY.
17.07.2020 Суды праходзяць у Брэсце і 17 ліпеня: затрыманых штрафуюць і адпраўляюць на суткі
17 ліпеня ў Брэсце працягваюць судзіць затрыманых па адміністрацыйных справах за акцыю салідарнасці з незарэгістраванымі кандыдатамі ў прэзідэнты Віктарам Бабарыкам і Валерыем Цапкалам.
17.07.2020 Падтрымай арыштаваных паштоўкай салідарнасці!
Некалькі дзясяткаў затрыманых 14 і 15 ліпеня па ўсёй краіне асудзілі на арышты ад 5 да 20 сутак. Мы заклікаем падтрымаць маладых людзей і падпісаць ліст ці паштоўку салідарнасці.
