03.08.2007 “Малады фронт” падаў у суд супраць упраўленьня юстыцыі
Управа Маладога Фронту падала зыск у суд горада Менска супраць Упраўленьня юстыцыі Менгарвыканкама з патрабаваньнем прытрымлівацца закону аб грамадзкіх аб'яднаньнях і зарэгістраваць Малады Фронт.
03.08.2007 Міжнародная падтрымка Франака Вячоркі
Сёньня ў другой палове дня са спецпрыёмніка-размеркавальніка на Акрэсьціна выходзіць на волю сябра Рады моладзі БНФ старшыня культурніцкай камісіі партыі БНФ Франак Вячорка.
03.08.2007 Актывістаў, затрыманых разам са Зьміцерам Лісіенка, пакаралі штрафамі
Суд Ленінскага раёну Менску аштрафаваў учора моладзевых актывістаў апазыцыі Яну Карповіч, Сержука Палаўкова і Артура Дасанава на дзьве базавыя велічыні - 62 тысячы рублёў.
03.08.2007 Вярхоўны Суд прыпыніў дзейнасьць ПКБ
Вярхоўны Суд прыпыніў дзейнасьць Партыі камуністаў беларускай на 6 месяцаў. Паседжаньне скончылася ўчора а 17:40 менскага часу. Рашэньне ўступіла ў сілу адразу пасьля зачытваньня прысуду і ня можа быць абскарджана.
02.08.2007 Праваабаронцы за стварэньне незалежнай псіхіятрычнай экспертызы
Міжнародная асацыяцыя абароны правоў чалавека выступіла ініцыятарам стварэння ў Беларусі незалежнай псіхіатрычнай экспертызы. Падставай для такого рашэння, як заяўляюць праваабаронцы, сталіся факты рэпрэсіўнай псіхіатрыіі ў адносінах да беларускіх грамадзянаў.
02.08.2007 Лукашэнка за ўмацаваньне кантролю за электроннымі мэдыямі
Лукашэнка сёньня ў часе наведваньня рэдакцыі газэты "Советская Белоруссия" у прыватнасьці сказаў, што распаўсюджаныя “жоўтай прэсай” чуткі аб кадравых перастаноўках зьяўляюцца звычайным прэсінгам: "Жоўтая прэса” перажывае, хто там наступны, каго здымуць, пачалі мусоліць фігуру прэм'ер-міністра. Гэта звычайны прэсінг. Яго можна было б у нейкай ступені пазьбегнуць, калі б мы абнародавалі поўную інфармацыю аб тым, што сапраўды адбываецца вакол тых або іншых людзей і падзей".
02.08.2007 У Менску пасьля ператрусу затрыманыя моладзевыя актывісты, лёс Зьміцера Лісіенкі невядомы
Мінулай ноччу людзі ў цывільным, якія прадставіліся супрацоўнікамі міліцыі па барацьбе з арганізаванай злачыннасьцю, уварваліся ў кватэру на вуліцы Палявой, 26, якую здымае Крысьціна Шацікава ў Менску. Пры гэтым было заяўлена, што ўсіх прысутнічаючых падазраюць у незаконным знаходжаньні ў чужым памяшканьні і крадзяжы маёмасьці. Гэта міліцыянты і запісалі ў рапарце.
02.08.2007 Сустрэнь палітвязьня!
Сёньня 2 жніўня, выходзяць на волю з ізалятара часовага ўтрыманьня на вуліцы Акрэсьціна, актывісты моладзевага руху - Сяргей Клюеў, Валянцін Сакалоўскі і Аляксей Бондар.
02.08.2007 Штраф за адну налепку
Учора Сябра Партыі БНФ Сьцяпана Сьвідзерскага пастановаю адміністрацыйнай камісіі Ленінскага раёну Горадні аштрафавалі на 4 базавыя велічыні. Хлопца абвінавачваюць у парушэньні артыкулу 21.14 КаАП РБ (Парушэньне правілаў добраўпарадкаваньня гарадоў і гарадзкіх пасёлкаў) за тое, што ён наляпіў адну (і гэта зафіксавана ў пратаколе) налепку на будынак па адрасе вуліца Савецкая, 15.
31.07.2007 Алеся Шульжыцкага судзілі – судзілі і …не асудзілі
Аляксандр Дзямешчык, суддзя суда Смаргонскага раёна, 30 ліпеня вынес пастанову па адміністрацыйнай справе ў дачыненьні да грамадскага актывіста Уладзіміра Шульжыцкага.
31.07.2007 Праваабаронцы “Вясны” спрабуюць зарэгістравацца ізноў
Ініцыятыўная група праваабаронцаў 23 ліпеня падала ў Міністэрства юстыцыі дакументы для рэгістрацыі грамадскага праваабарончага аб’яднаньня “Вясна”. У той час, калі ўлады ліквідуюць многія грамадскія арганізацыі і адмаўляюць ім у рэгістрацыі, як гэта зусім нядаўна сталася з праваабарончым рухам “За свабоду”, група беларускіх праваабаронцаў вырашыла аб’яднацца. Аб прычынах, якія паўплывалі на такое рашэньне і аб становішчы з правамі грамадзян на асацыяцыю ў Беларусі расказвае віцэ-прэзідэнт Міжнароднай федэрацыі правоў чалавека (FIDH), вядомы праваабаронца Алесь Бяляцкі:
30.07.2007 Асуджаны моладзевыя актывісты Франак Вячорка і Яраслаў Грышчэня
У судзе Заводскага раёну Менска сёньня разглядалася адміністрацыйная справа сябра партыі БНФ Франака Вячоркі. Актывіст быў затрыманы 27 ліпеня пад час правядзеньня акцыі, прымеркаванай да гадавіны прыняцьця Дэкларацыі аб суверэнітэце Беларусі.
28.07.2007 Спіс затрыманых пад час акцый да Дня абвяшчэньня суверэнітэту Беларусі 27 ліпеня
(Гэтая інфармацыя дапаўняецца і ўдакладняецца праваабаронцамі)
28.07.2007 Франак Вячорка правёў ноч на Акрэсціна
У Менску пад час святкаваньня Дня прыняцьця Дэкларацыі аб дзяржаўным суверэнітэце Беларусі 27 ліпеня было затрымана блізу двух дзесяткаў актывістаў. Большасьць з іх пазней адпусцілі. Сярод тых, хто застаўся ў пастарунку Франак Вячорка і Яраслаў Грышчэня.
28.07.2007 У Віцебску затрыманы Вячаслаў Токараў
Пад час святкаваньня дня прыняцця Дэкларацыі аб дзяржаўным суверэнітэце Беларусі ў Віцебску быў затрыманы кіраўнік гарадской філіі Партыі БНФ Вячаслаў Токараў. Як зафіксавалі на відэакамеру пераапранутыя супраўнікі міліцыі, менавіта ён запусціў у неба над горадам бел-чырвона-белы сцях на надзіманых шарах.
