10.08.2007 Затрыманьні маладафронтаўцаў у Салігорску
Сёньня з самае раніцы блізу 10 супрацоўнікаў міліцыі і службы аховы затрымалі 4 актывістаў моладзевага руху, сярод якіх Ільля Шыла, Андрусь Тычына і Барыс Пархамчук, якія вярталіся з маладафронтўскага летніку. Прычынаю затрыманьня стаўся нацыянальны бел-чырвона-белы сьцяг, што юнакі трымалі ў рукох.
10.08.2007 Што рабіць, калі вас хочуць схіліць да супрацоўніцтва з КГБ
Выклік у дэканат, размова з невядомымі, але абазнанымі ў вашым прыватным жыцьці дзядзькамі, прапанова даць інфармацыю ў абмен на вырашэньне праблемаў з вучобай, прозьба нікому не казаць пра размову, прапанова падпісаць пагадненьне пра супрацоўніцтва... У апошні час даводзілася па некалькі разоў выслухоўваць падобныя гісторыі ад моладзі: хлопцаў і дзяўчат, студэнтаў і не студэнтаў. Як вы ўжо здагадаліся, гаворка ідзе пра КГБ.
10.08.2007 Горадня: пікет у абарону палітычных вязьняў забаранілі
Пра гэта заяўнікам, сябрам Беларускага Хэльсынскага камітэту — Раману Юргелю і Сьвятлане Рудкоўскай, а таксама сябру Аб’яднанай грамадзянскай партыі Андрэю Янушкевічу паведамілі праз тэлефон сёньня раніцай зь Ленінскага РУУС Горадні.
10.08.2007 Прадаецца помнік рэспубліканскага значэння!
Ён месціцца ў вёсцы Краскі Ваўкавыскага раёна і сёння ў гаротным стане. Гэта сведчанне таго, як дзяржава насамрэч ставіцца да гістарычнай спадчыны.
10.08.2007 9 жніўня Мінюст афіцыйна заявіў пра прыпыненне дзейнасці цягам шасці месяцаў Партыі камуністаў Беларускай
Мінюст паведамляе, што падставай для прыпынення дзейнасці апазіцыйнай кампартыі сталіся парушэнні з боку кіраўніцтва партыі, якія пацяглі за сабой шэраг пісьмовых папярэджанняў на працягу 2006-2007 гадоў.
10.08.2007 9 жніўня ў Гомелі быў затрыманы моладзевы лідэр Андрусь Цянюта
Рэгіянальны лідэр Маладога Фронту Андрусь Цянюта быў затрыманы ў цэнтры Гомеля на вуліцы Палескай невядомымі ў цывільным. Як высьветлілася, гэта былі супрацоўнікі праваахоўных органаў, якія суправадзілі моладзевага актывіста ў аддзел міліцыі Чыгуначнага р-на.
09.08.2007 Сёньня ў Наваполацку ўначы быў затрыманы грамадзкі актывіст Аляксей Трубкін.
Моладзевы актывіст ішоў па вуліцы Алімпійскай, калі яго спыніў міліцэйскі патруль. Без усялякіх тлумачэньняў з боку міліцыянтаў, Аляксея абшукалі і знайшлі ў кішэні некалькі налепак з лагатыпам Еўрапейскага маршу за свабоду.
09.08.2007 Тэлепраект Аляксандра Зімоўскага выклікаў пратэсты эколагаў
Група актывістаў Беларускага экалагічнага руху распаўсюдзіла адкрыты зварот да грамадзян краіны з нагоды рэкламавання на айчынным тэлебачанні забойстваў жывёлаў у Нацыянальных парках Беларусі.
09.08.2007 Франак Вячорка апраўданы
Адбыўся суд над кіраўніком культурніцкай камісіі Партыі БНФ Франакам Вячоркам, які абвінавачваўся ў парушэньні арт. 21.14 Адміністрацыйнага кодэксу РБ (Парушэньне правілаў добраўпарадкаваньня гарадоў і гарадзкіх паселішчаў).
09.08.2007 БАЖ атрымаў адказ з Палаты прадтаўнікоў на афіцыйны запыт аб абмежаваньні свабоды слова
Камісія па правах чалавека, нацыянальных дачыненнях і сродках масавай інфармацыі Палаты прадстаўнікоў лічыць, што працэдура ўзгаднення размяшчэння СМІ з мясцовымі органамі ўлады зусім не абмяжоўвае свабоды стварэння СМІ.
08.08.2007 Смалявіцкі раённы суд апраўдаў хлопца, абвінавачанага міліцыянтам у брыдкаслоўі
7 жніўня ў горадзе Смалявічы, што на Меншчыне, на цэнтральнай плошчы насупраць райвыканкаму была праведзена акцыя пад назвай «Дзе Сьвятло?». Праз некаторы час участковы міліцыянт затрымаў маладзёна Аляксандра Сырычко і склаў на яго адміністратыўны пратакол за нібыта хуліганцкія паводзіны. Аднак сёньня мясцовы суд апраўдаў хлопца.
08.08.2007 7 жніўня ў Менску былі затрыманыя лідэры моладзі БНФ Сяржук Семянюк і Ірына Сьмяян
Падчас затрыманьня каля станцыі мэтро "Усход" яны разам зь іншымі актывістамі моладзі БНФ раздавалі друкаваныя віншаваньні з 490-годзьдзем выхаду першай беларускай друкаваная кнігі, выдадзенай у 1517 годзе Францыскам Скарынам.
07.08.2007 Моладзь БНФ прабівае мур забаронаў Менгарвыканкаму
Менскія чыноўнікі, як і іх калегі зь іншых рэгіёнаў Беларусі, упарта не дазваляюць правесьці ў горадзе хоць бы адзін пікет супраць прыняцьця закона пра адмену льгот. Але ў сталіцы знайшоўся чалавек, які вырашыў прабіцца скрозь гэтую сьцяну.
07.08.2007 Магілёўскія донары дамагліся першай перамогі ў справе вяртання скасаваных льгот
Міністэрства працы і сацыяльнай абароны паінфармавала магілёўскіх донараў-страйкоўцаў, што ўсім донарам захавана 40%-ная надбаўка да пэнсіі. Пры Міністэрстве створана адмысловая камісія, якая мусіць падрыхтаваць для прэзыдэнта праект указу “Аб упарадкаваньні льгот донарам”.
07.08.2007 Моладзь БНФ павіншавала менчукоў з днём Францішка Скарыны
З нагоды 490-годзьдзя з дня выданьня Францішкам Скарынам першай сярод усходніх славян друкаванай кнігі – Бібіліі – 6 жніўня 1517 года ў сталіцы Чэхіі Празе, "Моладзь БНФ" зарганізавала акцыю да гэтай выбітнай падзеі ў гісторыі Беларусі.
