03.12.2007 Магілёў: Актывісты будуць судзіцца з кіраўніком справамі гарвыканкаму
Заяўнікі пікетаў за вызваленьня Аляксандра Казуліна зьбіраюцца судзіцца з кіраўніком справамі Магілёўскага гарвыканкаму Ігарам Аўсеенкам. Прафсаюзныя актывісты Юры Новікаў і Сяргей Фамін вінавацяць чыноўніка ў перавышэньні службовых паўнамоцтваў, парушэньні Закону “Аб масавых мерапрыемствах у Рэспубліцы Беларусь”, а таксама канстытуцыі Рэспублікі Беларусь.
03.12.2007 Зьміцер Жалезьнічэнка - беларускамоўны прызыўнік? Да псыхіятра!
Моладзевы актывіст Партыі БНФ з Гомелю Зьміцер Жалезьнічэнка на падставе накіраваньня прызыўной мэдычнай камісіі гарадзкога ваенкамату праходзіць псыхіятрычную экспэртызу ў абласным клінічным псыхіятрычным шпіталі.
03.12.2007 «Белпошта» адмаўляецца выконваць сваю сацыяльную функцыю, – лічыць намеснік старшыні БАЖ
20 дзён чакала ГА “Беларуская асацыяцыя журналістаў” адказаў ад “Белпошты” на свае пытанні адносна выключэння шэрагу расійскіх выданняў з падпісных каталогаў на наступны год.
03.12.2007 Пікетаваць можна ў лесе за горадам
Пікет у Віцебску, прысвечаны Міжнароднаму дню правоў чалавека, які адзначаецца ва ўсім сьвеце 10 снежня, праводзіць забаронена. Пра гэта з адказу намесніка старшыні Віцебскага гарвыканкама Паўла Лосіча стала вядома заяўніку акцыі, кіраўніку Віцебскай філіі БХК Паўлу Левіну.
30.11.2007 Адміністрацыя Полацкага ўніверсітэту пагражае Кацярыне Салаўёвай выключэньнем
Сёньня адбылося паседжаньне дысцыплінарнай камісіі Полацкага дзяржаўнага ўніверсітэту, на якім было прынятае рашэньне аб немэтазгоднасьці далейшага навучаньня моладзевай актывісткі Кацярыны Салаўёвай.
30.11.2007 Апазыцыя гатовая прасіць урад ЗША зьняць санкцыі супраць чыноўнікаў
З 2 да 8 сьнежня дэлегацыя беларускай апазыцыі ў складзе Аляксандра Мілінкевіча, Сяргея Калякіна, Паўла Севярынца, Анатоля Лябедзькі, Анатоля Ляўковіча, Эніры Браніцкай і Зьмітра Хведарука будзе знаходзіцца зь візытам у Вашынгтоне.
30.11.2007 Адміністратыўная камісія аштрафавала сям'ю салігорскіх моладзевых актывістаў Шылаў на 80 базавых велічыняў
28 лістапада адміністратыўная камісія ў Салігорску вынесла рашэньне па справах моладзевых актывістаў Івана і Ільлі Шыла, якія абвінавачваліся ў правядзеньні несанкцыянаваных акцыяў 16 кастрычніка і 7 лістапада. Сума вынесеных штрафаў па 5 адміністратыўных пратаколах складае больш за тысячу даляраў - 2 мільёны 480 тысяч рублёў (80 базавых велічынь).
30.11.2007 Як абараніцца ад прымусовай падпіскі
У рэдакцыю "Нашай Нівы" трапіў ліст, аўтарка якога ўздымае набалелую праблему прымусовай падпіскі. Юрыдычны каментар дае намесьнік старшыні Беларускай асацыяцыі журналістаў, праўнік Андрэй Бастунец.
30.11.2007 Крымінальная справа Артура Фінькевіча перададзеная ў суд
Новую крымінальную справу супраць палітвязьня Артура Фінькевіча яшчэ ў сераду 28 лістапада перадалі з пракуратуры ў суд Кастрычніцкага раёну Магілёву. Пра гэта паведаміла маці Фінькевіча Марыя Вячаславаўна.
30.11.2007 Маці журналіста Вольга Завадзкая паўтарае, што віны Ігнатовіча ў выкраданьні яе сына ў судзе не даказалі.
Былы міліцыянт Валер Ігнатовіч, якога суд прызнаў вінаватым у выкраданьні журналіста ОРТ Зьмітра Завадзкага, зьвярнуўся зь лістом да Аляксандра Лукашэнкі. Валер Ігнатовіч зноў заяўляе пра сваю невінаватасьць і патрабуе апраўданьня.
29.11.2007 Крымінальная справа супраць выдаўца Панамарова зноў спыненая
Як стала вядома, пракуратура зноў спыніла крымінальную справу супраць рэдактара незалежнага выданьня "Бойкий Клецк" Сяргея Панамарова.
29.11.2007 Ван дэр Ліндэн заклікае ўлады Беларусі адмяніць пакаранне смерцю
Старшыня Парламенцкай асамблеі Рады Еўропы (ПАРЕ) Рэнэ ван дэр Ліндэн заклікаў улады Беларусі адмяніць смяротныя прысуды Сяргею Марозаву, Ігару Данчэнку і Валерыю Гарбатаму, які былі ў 2006 годзе прысуджаныя Вярхоўным судом да расстрэлу. Пра гэта гаворыцца ў заяве кіраўніка ПАРЕ, распаўсюджанай прэс-службай Рады Еўропы.
29.11.2007 Турмы пяройдуць у юрысдыкцыю Мін’юсту
Беларусь адзіная краіна ў СНД, дзе гэта пакуль ня зроблена. Міністар юстыцыі Віктар Галаванаў паведаміў, што гэтае пытаньне цяпер разглядае А. Лукашэнка і ў бліжэйшы час яно будзе вырашана. 28 лістапада Галаванаў даў прэс‑канфэрэнцыю з нагоды Дня юрыста. Сярод іншага ён заявіў: ягонае ведамства «пашкадавала ПКБ», калі не зачыніла.
29.11.2007 Затрыманых прадпрымальнікаў Аляксандра Таўстыку і Руслана Луцэнку пакаралі арыштам
Суд Заводзкага раёну Менску прысудзіў Аляксандра Таўстыку да 7 сутак арышту. Судзьдзя Алена Някрасава ўлічыла, што Аляксандар — бацька двух малых дзяцей. Прадпрымальніка Руслану Луцэнку спн. Някрасава не пашкадавала нягледзячы на тое, што ён нядаўна перахварэў на пнэўманію і цяпер хварэе бранхітам. Ён атрымаў за раздачу ўлётак 10 сутак.
29.11.2007 Суд Ленінскага раёна спыніў справу ў дачыненьні да Аляксандры Клімовіч
Нагадаем, што на працягу восені менскія суды разглядалі справы актывістаў моладзі БНФ, па так званым Івацэвіцкім працэсе. Хлопцаў і дзяўчат вінавацілі ў лаянцы матам. Вынікам гэтых судовых спраў сталі 11 штрафаў, 4 прыпыненыя справы, 1 справа перададзена ў камісію непаўнагодніх і 1 справа скончылася прызначэньнем пакараньня ў выглядзе адміністрацыйнага арышту тэрмінам на 5 сутак. Да сёньняшняга дня ніякіх вынікаў не было па трох справах, адная з іх справа над Аляксандрай Клімовіч.
