06.02.2008 Ператрус у кватэры актывісткі «Маладога Фронту» К.Салаўёвай
Супрацоўнікі Полацкага КДБ у гэтыя хвіліны праводзяць ператрус у кватэры актывісткі «Маладога Фронту» Кацярыны Салаўёвай. Ператрус праходзіць у рамках распачатай супраць яе крымінальнай справы па артыкуле 193 ч.1 «Удзел у незарэгістраванай арганізацыі».
05.02.2008 У Маладэчна “прачнулася” КДБ
Сёньня, 5 лютага ў Маладэчанскі аддзел КДБ быў выкліканы на "гутарку" мясцовы грамадзкі актывіст Генадзь Фарыно. Выклік ня быў аформлены павесткай, але малады чалавек вымушаны быў пайсьці, бо пачаўся ціск на працы і на сваякоў. Супрацоўнік КДБ, які назваўся Сяргеем Аксючыцам, дапытваўся пра дзейнасьць аргкамітэту БХД ды цікавіўся асобамі П. Севярынца і А.Шэіна.
05.02.2008 Маці Зьмітра Жалезьнічэнкі падала ў суд на ваенкамат
Ала Жалезьнічэнка, маці паўторна адлічанага з унівэрсытэту і тэрмінова прызванага ў войска выдатніка і грамадзкага актывіста Зьмітра Жалезьнічэнкі, падала пазоў у суд на Гомельскі гарадзкі ваенкамат.
05.02.2008 4 лютага ў Салігорску быў затрыманы актывіст Маладога Фронту Глеб Сноркін
Па словах маладафронтаўца Івана Шылы, калі дзесяці маладых людзей стаялі й гутарылі на вуліцы, калі да іх падышлі супрацоўнікі міліцыі і загадалі паказаць дакуманты і рэчы. У пакунку маладафронтаўца Глеба Сноркіна былі знойдзены ўлёткі, з-за чаго яго й забралі ў салігорскі РАЎС.
05.02.2008 За сяброўства ў Аб’яднанай грамадзянскай партыі звольнілі з працы настаўніка менскай школы.
Аляксандра Галавача, настаўніка менскай школы № 207, што ў мікрараёне Малінаўка, звольнілі з працы за ягоную палітычную прыналежнасьць. Аляксандар уваходзіць у моладзевае крыло Аб’яднанай грамадзянскай партыі.
05.02.2008 Алесь Бяляцкі: “Толькі пасьля вызваленьня ўсіх палітзьняволеных можна будзе казаць пра нармалізацыю адносінаў паміж уладамі і іх палітычнымі апанентамі!”
Калегія Магілёўскага абласнога суду, разгледзеўшы 5 лютага касацыйную скаргу па справе Артура Фінкевіча скасавала пастанову Кастрычніцкага суду Магілёва ад 20 снежня аб пакараньні Артура Фінькевіча паўтара гадамі зьняволеньня. Як паведамлялася раней, суддзя Ігар Прошка пастанавіў зьменшыць тэрмін пакараньня да 3 месяцаў, і з улікам часу знаходжаньня пад арыштам, вызваліць А.Фінкевіча з-пад варты.
05.02.2008 Фінькевіч - на волі
Сёньня ў Магілёўскім абласным судзе разглядаецца касацыйная скарга па справе Артура Фінькевіча. Верагодна, што тэрмін пакараньня можа быць зменшаны да 6 месяцаў. Як паведаміў ПЦ “Вясна” Зміцер Федарук, пракурор Каранькоў, які падтрымаў першапачатковы прысуд, кардынальна зьмяніў сваё стаўленьне на віны Фінькевіча.
05.02.2008 Прадпрымальніка Канстанціна Жукоўскага аштрафавалі на 50 базавых адзінак
Гомельскі актывіст дэмакратычных сіл кіроўца таксі Канстанцін Жукоўскі быў выкліканы ў суд за парушэнне дэкрэта прэзідэнта "Аб атрыманні і рэгістрацыі замежнай бязвыплатнай дапамогі".
05.02.2008 З Мазырскага дзяржаўнага пэдагагічнага ўніверсітэту па палітычных матывах адлічаны Хведар Чаранкоў
Працягваюцца адлічэньні з вучобы студэнтаў, якія адбывалі ў часе зімовай сэсіі арышты за сваю апазыцыйную дзейнасьць. Так, сёньня адлічылі непаўналетняга студэнта Хведара Чаранкова з Мазырскага дзяржаўнага пэдагагічнага ўнівэрсытэту. Хведара затрымлівала міліцыя летась 16 лістапада і сёлета 8 студзеня. Заўтра ён разам з бацькам пойдзе ў выканкам на паседжаньне адміністрацыйнай камісіі, якая будзе разглядаць ягоную справу за распаўсюджваньне ўлётак.
04.02.2008 Беларускі ПЭН-цэнтр патрабуе перагляду справы і вызваленьня Аляксандра Зьдзьвіжкова
Беларускі ПЭН-цэнтр выступіў з заявай супраць зьняволеньня рэдактара беларускай недзяржаўнай газэты «Згода» Аляксандра Зьдзьвіжкова
04.02.2008 Суд адхіліў скаргу аб адмове ў правядзеньні мірных сходаў
Больш за гадзіну цягнуўся судовы працэс 1 лютага ў судзе Баранавіцкага раёна і г. Баранавічы, на якім юрыст Карней Пятровіч аргументавана даказваў суду незаконнасць забароны Баранавіцкім гарвыканкамам пікета жыхароў горада ў дазволеным уладамі месцы ў “маладым” парку.
04.02.2008 “Камітэт абароны журналістаў” -- пра Беларусь
Міжнародная арганізацыя “Камітэт абароны журналістаў” апублікавала штогадовую справаздачу за 2007 год пад загалоўкам “Атакі супраць прэсы”. З дакумэнту вынікае, што за мінулы год, падчас выконваньня сваіх абавязкаў загінулі 65 журналістаў, найболей за апошнія 13 гадоў.
04.02.2008 5 лютага ў 10-00 разгляд касацыйнай скаргі палітвязьня Артура Фінькевіча
Судовае паседжаньне адбудзецца ў Магілёўскім абласным судзе.
04.02.2008 Дзеяньні міліцыянтаў зноў прызнаныя правамоцнымі
Начальнік РАУС Кастрычніцкага раёна Віцебска даў адказ на калектыўную скаргу грамадзян на гвалтоўнае затрыманне актывіста Руху Сяргея Парсюкевіча.
04.02.2008 Салігорскіх маладафронтаўцаў зноў аштрафавалі
1 лютага адміністрацыйная камісія Салігорскага райвыканкаму паўторна разгледзела справы маладафронтаўцаў, абскарджаныя імі ў судзе і накіраваныя на перагляд.
