11.02.2008 Грамадскае аб’яднанне “Белая Русь” мае юрыдычны адрас у сталічным Доме літаратараў.
Пра гэта стала вядома пасля таго, як старшыня Партыі БНФ Лявон Баршчэўскі атрымаў адказ на свой і Вінцука Вячоркі ліст, дасланы міністру адукацыі і па сумяшчальніцтве кіраўніку “Белай Русі” Аляксандру Радзькову.
11.02.2008 Разнарадка БРСМ: вы мусіце прызнацца ў каханьні да Лідзіі Ярмошынай!
У рамках акцыі да Дня Сьвятога Валянціна, якую праводзіць БРСМ, сябрам арганізацыі дасланы спіс "вядомых дзеячаў", каму трэба прызнацца ў каханьні.
11.02.2008 Суд над прадпрымальнікам Віктарам Крывалём перанесены на 27 лютага
Сёньня ў Менскім раённым судзе пачаўся разгляд адміністратыўнай справу актывіста прадпрымальніцкага руху Віктара Крываля з Узды, які быў затрыманы 10 студзеня па дарозе ў Менск. Супрацоўнікі праваахоўных органаў вінавацяць актывіста ў непадпарадкаваньні патрабаваньням міліцыянтаў. Віктар Крываль на пачатку судовага працэсу запатрабаваў, каб разгляд вёўся на беларускай мове. Судзьдзя Сяргей Афонскі перанёс судовае паседжаньне на 27 лютага.
11.02.2008 «Amnesty International» заклікае вызваліць Зьдзьвіжкова
Міжнародная праваабарончая арганізацыя «Amnesty International» лічыць былога намесьніка галоўнага рэдактара газэты «Згода» Аляксандра Зьдзьвіжкова «вязьнем сумленьня» і заклікае жыхароў розных краін сьвету даслаць яму лісты падтрымкі , а таксама даслаць патрабаваньні аб вызваленьні Зьдзьвіжкова беларускаму прэзыдэнту, генэральнаму пракурору і міністру ўнутраных спраў.
11.02.2008 МНС забараніла прымаць ў гарадзенскім офісе АГП больш за 15 чалавек.
Кіраўнік Гарадзенскай абласной арганізацыі АГП заявіў, што ва ўправе МНС яму ўручылі пастанову «пра прыпыненьне (забарону) працы арганізацыі». Пастановай загадана спыніць «правядзеньне на офісе АГП па адрасе Горадня, вул. Будзёнага, 48а‑100 мерапрыемстваў з масавым знаходжаньнем людзей».
11.02.2008 Касацыйную скаргу «Новага часу» адхілілі
Калегія мінскага гарадскога суда адхіліла касацыйную скаргу выдаўцоў газеты «Новы час» і пакінула ў сіле рашэнне суда першай інстанцыі па зыску Мікалая Чаргінца.
11.02.2008 У Баранавічах міліцыя і амон заблакавалі цэнтральную плошчу
Сёньня ў Баранавічах праходзіць акцыя прадпрымальнікаў, якія пратэстуюць супраць прэзыдэнцкага ўказу №760. Больш за 200 прадпрымальнікаў, актывістаў грамадскіх рухаў і партый, сабраліся у гарадскім парку, нягледзячы на адмову гарадскіх уладаў у правядзеньні акцыі пратэсту
11.02.2008 Праваабаронцам і актывістам Партыі БНФ адмовілі ў сустрэчы са Зьміцерам Жалезнічэнка
Праваабаронцы з Гомеля і Рэчыцы, а таксама жлобінскія актывісты Партыі БНФ наведалі ў нядзелю вайсковую частку 83469 ў Жлобіне, дзе пазапраўна ўтрымліваецца студэнт Зміцер Жалезнічэнка. Дзяжурны на КПП адмовіў у сустрэчы, спаслаўшыся на нібыта ўведзены карантын.
11.02.2008 Праваабарончы цэнтр “Вясна” рэкамендаваў кандыдатуру студэнта Зьміцера Жалезнічэнкі для вылучэньня на сусьветную Студэнцкую прэмію за мір.
Праваабарончы цэнтр “Вясна” выступіў ініцыятарам вылучэньня студэнта з Беларусі Зьміцера Жалезьнічэнкі на Студэнцкую прэмію за мір (Student Peace Prize).
Зьміцер Жалезьнічэнка, які для беларускай моладзі зьяўляецца прыкладам адстойваньня права на адукацыю, зараз пазапраўна ўтрымліваецца ў вайсковай частцы ў Жлобіне, дзе яго насуперак пастановы суду змушаюць да прыняцьця прысягі.
11.02.2008 Пратэст прадпрымальнікаў пачнецца ў Баранавічах
Сёньня ў Баранавічах а 12-й гадзіне прадпрымальнікі плянуюць правесьці несанкцыянаваны мітынг пратэсту супраць прэзыдэнцкага ўказу №760.
11.02.2008 У Пінску затрымалі актывіста-прадпрымальніка Аляксандра Васільева
У Пінску ў нядзелю, 10 лютага, чарговы раз затрымалі мясцовага актывіста прадпрымальніцкага руху Аляксандра Васільева.
09.02.2008 Першы ў Беларусі дзіцячы прававы сайт пачне працаваць у верасьні.
Гэта частка праекту «Прававое выхаваньне ў школе», які рэалізуецца пры падтрымцы Нацыянальнай камісіі Беларусі па справах ЮНЭСКА. Сайт разьлічаны на групы дзяцей з 4-х да 18-ці гадоў.
09.02.2008 Да сухотнікаў-галадоўшчыкаў у Наваельню наведаўся міністар
Умовы ў РТБ «Наваельня» пасьля галадоўкі пацыентаў палепшалі. Але па-ранейшаму выхад за тэрыторыю ім забаронены.
09.02.2008 Вярніце Зьмітру Жалезьнічэнку магчымасьць вучыцца! Заява Партыі БНФ
Суд Савецкага раёну г.Гомеля ў межах грамадзянскай справы аб незаконнасьці прызыву Зьмітра Жалезьнічэнкі яшчэ 01.02.2008 г. вынес вызначэньне аб прыпыненьні яго прызыву ў войска. Гэтае вызначэньне суду павінна выконвацца адразу і абскарджаньню не падлягае. Дакумэнты суду яшчэ на пачатку тыдня былі прадстаўленыя ў ваенкамат, які ажыцьцявіў прызыў у войска Зьмітра Жалезьнічэнкі. На жаль, у гэты момант ваенкамат, спасылаючыся на працэдурныя недасканаласьці, сабатуе выкананьне судовага вызначэньня.
09.02.2008 Жалезнічэнка адмовіўся даваць прысягу
Сёння на адмысловай цырымоніі ў вайсковай частцы ў Жлобіне, куды апазіцыянера забралі ў армію, калі чарга прымаць прысягу дайшла да яго, хлопец адмовіўся рабіць гэта . Ён заявіў, што не збіраецца служыць цяперашняму рэжыму ды наогул забранне яго ў войска незаконнае.
