02.04.2008 У Менск прыляцеў кіраўнік офісу Эўракамісіі
1 красавіка ў Беларусь прыехаў часовы павераны Эўракамісіі ў справах Беларусі Жан-Эрык Хольцапфэль. Ён будзе ўзначальваць офіс Эўракамісіі ў Менску, пагадненьні аб адкрыцьці якога было падпісана 7 сакавіка ў Брусэлі. Што можна сказаць пра гэтага дыплямата? Наколькі шырокія функцыі будзе мець офіс Эўракамісіі ў Менску? На гэтыя пытаньні адказвае палітоляг Андрэй Фёдараў.
02.04.2008 Марачкін патрабуе вярнуць свае карціны
1 красавіка мастак і грамадзкі дзеяч, старшыня міжнароднага грамадскага аб’яднаньня «Згуртаваньне беларусаў сьвету «Бацькаўшчына» Аляксей Марачкін накіраваў ва УУС Цэнтральнага раёну Мінску заяву аб вяртаньні сваіх канфіскаваных твораў выяўленчага мастацтва.
02.04.2008 БАЖ звярнуўся ў Пракуратуру РБ, КДБ і пракуратуру г. Мінска
1 красавіка ГА «Беларуская асацыяцыя журналістаў» паўторна звярнулася да генеральнага пракурора Беларусі Рыгора Васілевіча ў сувязі з ператрусамі, якія супрацоўнікі КДБ правялі ў кватэрах незалежных журналістаў і шэрагу офісаў 27 і 28 сакавіка.
02.04.2008 Ці хочаце вы супрацоўнічаць з нашчадкамі НКВД?
Некаторых з арыштаваных за ўдзел у дэманстрацыі 25 сакавіка 2008 г. моладзевых актывістаў у Цэнтры ізаляцыі правапарушальнікаў (Акрэсцьна) наведвалі супрацоўнікі КГБ.
01.04.2008 Да справы Андрэя Кіма далучылі яшчэ адну “крыміналку” (фота)
1 красавіка а 14-й гадзіне ў судзе Цэнтральнага раёну Менску пачаўся разгляд крымінальнай справы моладзевага актывіста Андрэя Кіма. У залі – Аляксандар Мілінкевіч, Вінцук Вячорка, Лявон Баршчэўскі, Алесь Бяляцкі, Мікола Статкевіч, прадстаўнікі амбасадаў. Справу разглядае судзьдзя Алена Ільіна, адвакатка – Сідарэнка.
01.04.2008 Затрыманы Павал Севярынец
Толькі што пры ўваходзе ў метро чатырмя цывільнымі асобамі быў затрыманы палітык Павал Севярынец. Ён вяртаўся з суду Цэнтральнага раёну, дзе слухалася справа Андрэя Кіма. Севярынца спехам укінулі ў міліцэйскі УАЗік і павезлі ў невядомым накірунку
01.04.2008 Зноў пераследуюць Сяргея Мальчыка
31 сакавіка старшыня Гарадзенскай абласной арганізацыі партыі БНФ Сяргей Мальчык позвай быў выкліканы ў Ленінскі РАУС гораду Гродна. Яшчэ 25-га сакавіка пад час святкавання Дня Волі ў Гародні да яго падыходзілі міліцыянты з патрабаваннем прайсці ў аддзяленне і даць тлумачэнні. На гэта Сяргей Мальчык тады заявіў, што без афіцыйна аформленай позвы згодна з заканадаўствам, ён нікуды не пойдзе.
01.04.2008 Дзень Волі для Барыса Хамайды завяршыўся пяцьцю суткамі арышту
Арыштам на 5 сутак суддзя суду Чыгуначнага раёна Віцебска Раман Дэгода пакараў вядомага актывіста і праваабаронцу Барысу Хамайду. Яго абвінавацілі ў парушэньні часкі 3 артыкула 23.34. КаАП РБ.
01.04.2008 «Amnesty International» асудзіла зьбіцьцё на Дзень Волі
Міжнародная праваабарончая арганізацыя «Amnesty International» выступіла з адмысловай заявай з нагоды падзеяў 25 сакавіка ў Менску.
31.03.2008 У пасёлку Сьвіслач адбылася акцыя пратэсту супраць будаўніцтва хімічнага заводу
У пасёлку Сьвіслач Пухавіцкага раёну адбылася несанкцыянаваная акцыя пратэсту супраць будаўніцтва ў гэтай мясцовасьці хімічнага заводу. Больш за сотню жыхароў пасёлку з плякатамі каля гадзіны стаялі пад пільным наглядам супрацоўнікаў міліцыі.
31.03.2008 У Швецыі абвешчана кампанія за свабоду асацыяцый у Беларусі
Галоўнымі мэтамі міжнарожнай акцыі «Кампанія 193.1 – за свабоду асацыяцый у Беларусі», абвешчанай шведскай дэмакратычнай арганізацыяй “Шведская ініцыятыва па правах чалавека” і праваабаронцам Алесем Бяляцкім, з’яўляецца актывізацыя ўвагі шведскіх палітыкаў і грамадскасьці да недапушчальных абмежаваньняў свабоды асацыяцый у Беларусі, а таксама маральная і матэрыяльная падтрымка беларускіх арганізацый, якія пацярпелі ў выніку сваёй дзейнасьці ад дзяржавы.
31.03.2008 Хрысціянскія дэмакраты падвяргаюцца рэпрэсіям
Цягам апошніх дзён дзесяткі сябраў аргкамітэта БХД падвергнуліся рэпрэсіям. На рахунку незаконных дзеяньняў з боку дзяржавы звальненьне з працы рэгіянальнага каардынатара аргкамітэта БХД па Гомельскай вобласьці Паўла Наздры, зьняволеньні больш дзесяці сябраў аргкамітэта БХД, пакараньні ў выглядзе штрафаў, крымінальная справа, заведзеная на Кацярыну Салаўёву.
31.03.2008 Блёгасфэра ў сакавіку: “Жывы шчыт” ды Дзень Волі
Пад канец месяца працяг атрымала тэма “жывога шчыта”: людзі, якія ў выніку «вынаходлівасьці» супрацоўнікаў ДАІ атрымалі пераломы грудзіны, ног, траўмы твару 5 лістапада 2007 году, вырашылі падаць у пракуратуру дакумэнты на ўзбуджэньне крымінальнае справы супраць супрацоўнікаў ДАІ. Але блёгасфэра на гэта амаль ніяк не зрэагавала.
31.03.2008 Падтрымаем Андрэя Кіма!
1 красавіка у 14:00 ў судзе Цэнтральнага раёну горада Менска пачнецца палітычная расправа над моладзевым грамадзкім актывістам, сябрам “Ініцыятывы”, Андрэям Кімам. 22-х гадовага хлопца абвінавачваюць у “«гвалце альбо пагрозе гвалту супрацоўніку міліцыі» паводле арт.364 КК РБ.
31.03.2008 «Новы час» атрымаў два папярэджанні
Папярэджанні падпісала 25 сакавіка намесніца міністра інфармацыі Лілія Ананіч. Як паведаміў прэс-службе БАЖ шэф-эдактар выдання Аляксей Кароль, рэдакцыя даведалася пра гэта ў мінулую пятніцу.
