15.05.2008 Гомельскі абласны суд падтрымаў забарону пікета
Ён пакінуў без змянення рашэнне суда Светлагорскага раёна, якое тычыцца забароны на правядзенне пікету.
15.05.2008 Арыштаваны аўтар кнігі пра трагедыю Дражна
Суд Старых Дарогаў пакараў на 15 сутак арышту журналіста і выдаўца Віктара Хурсіка, аўтара кнігі “Кроў і попел Дражна” са сьведчаньнямі аб забойстве савецкімі партызанамі мірных жыхароў.
15.05.2008 Дэпутаты зноў адмовілі ў акрэдытацыі журналістаў газеты «Ганцавіцкі час»
Журналістам недзяржаўнай газеты «Ганцавіцкі час» зноў адмовілі ў акрэдытацыі ў Ганцавіцкім раённым савеце. Калі раней гэта зрабіў прэзідыюм мясцовага райсавета, дык цяпер — Брэсцкі абласны савет дэпутатаў.
15.05.2008 Агляд-хроніка парушэньня правоў чалавека ў Беларусі, красавік 2008 году
У красавіку ў Беларусі адбыліся суды над дэмакратычнымі актывістамі па ўзбуджаных па палітычных матывах крымінальных справах. У выніку зьявілася 12 новых палітвязьняў, двое з якіх пакараныя турэмным зьняволеньнем. Нягледзячы на заклікі міжнародных структураў, еўрапейскіх краінаў і ЗША да беларускіх уладаў, крымінальны перасьлед у Беларусі не спыняецца, а рэпрэсіі працягваюцца, набываюць новыя формы. Цяпер усе масавыя мерапрыемствы, суды, любыя мірныя акцыі здымаюцца на відэа супрацоўнікамі МУС і КДБ, пасьля чаго на падставе іх узбуджаюцца адміністратыўныя і крымінальныя справы.
15.05.2008 Адмена льготаў на праезд - парушэньне правоў дзяцей
Палітыкі Аб’яднаных дэмакратычных сілаў Берасьця падалі заяўку на правядзеньне пікету супраць адмены льготаў для дзяцей. Учора адпаведны дакумэнт накіраваны ў гарадзкі выканаўчы камітэт.
14.05.2008 Затрыманні моладзевых актывістаў у Полацку
14 траўня ў 19.30 у цэнтры Полацку адбылася акцыя ў падтрымку палітзняволенных. Сябры “Маладога фронту” і БХД трымалі ў руках расцяжку з заклікам “Свабоду палітвязням”. Праз некалькі хвілін пікетоўцы былі затрыманы. Сярод іх – Алесь Круткін, Мікалай Дземідзенка, Сяргей Каралёнак, Зміцер Сакалоў, Сяргей Глінскі, Міхась (прозвішча невядомае). На дадзены час яны знаходзяцца ў пастарунку.
14.05.2008 На правабаронцу Віктара Сазонава складзены адміністратыўны пратакол за бел-чырвона-белы сьцяг
Сёньня у Гародні да грамадзка-палітычнага актывіста і праваабаронцы Віктара Сазонава завіталі два маёры міліцыі з Ленінскага РАУС Пётр Лянец і Іван Вечар. Яны ўзялі ў яго тлумачэньні і склалі адміністратыўны пратакол па арт. 23.34 КаАП (Парушэньне парадку арганізацыі або правядзеньня масавага мерапрыемства) за ўдзелу ў канцэрце гурта “Lombard”, калі Віктар Сазонаў размахваў бел-чырвона-белым сьцягам.
14.05.2008 Гомель: з актывіста спаганяюць падаткі праз суд
Сёньня ў судзе Цэнтральнага раёну Гомеля распачаты разгляд пазову раённай падатковай інспэкцыі аб прымусовым спагнаньні зь мясцовага актывіста стваранай партыі “Беларуская хрысьціянская дэмакратыя” Кастуся Жукоўскага 2 мільёнаў 115 тысяч рублёў падаткаў.
14.05.2008 У Віцебску аштрафаваны Сяргей Каваленка
На 30 базавых велічыняў аштрафаваў судзьдзя Чыгуначнага райсуду Віцебску Ўладзіслаў Шыкароў актывіста КХП БНФ Сяргея Каваленку па ч. 3 арт. 23.34 КаАП (Парушэньне парадку арганізацыі і правядзеньня масавых мерапрыемстваў) за ўдзел у Чарнобыльскай акцыі 26-га красавіка.
14.05.2008 Ленінскі суд Магілёву не задаволіў скаргу актывістаў
7 сакавіка актывісты падалі на імя Шорыкава заяўку на правядзеньне мітынгу й шэсьця да гадавіны абвяшчэньня незалежнасьці БНР й не атрымалі адказу дагэтуль. Гэта й сталася нагодай для суду.
14.05.2008 Як шукаюць зьніклых?
Зьніклых у Польшчы шукае паліцыя ды грамадзкія арганізацыі. А ў Беларусі адно толькі грамадзтва памятае пра зьніклых палітычных...
14.05.2008 Яшчэ адна адміністратыўная справа за рок-канцэрт
На кіраўніка абласной суполкі Аб’яднанай грамадзянскай партыі Юрыя Істоміна сёння склалі адміністрацыйны пратакол па парушэнні артыкула 23.34 ч.3 КаАП РБ – актыўны ўдзел у несанкцыянаваным мерапрыемстве. Супрацоўнікі праваахоўных органаў Гродна палічылі такім мерапрыемствам канцэрт вядомага польскага гурта Lombard у Гродне.
14.05.2008 Улады патрабуюць спыніць пратэсты супраць хімзаводу
Група чыноўнікаў на чале зь міністрам энэргетыкі Аляксандрам Азярцом сустрэлася з працоўным калектывам ЦЭЦ-5 у пасёлку Дружны Пухавіцкага раёна. Яны патрабавалі ад людзей спыніць акцыі пратэсту супраць будаўніцтва хімзаводу, якое распачынае расейская прыватная кампанія “Аўгуст-Бел”. Актывісты ініцыятыўнай групы заяўляюць, што будуць з гэтай нагоды зьвяртацца ў суд
14.05.2008 Мірон зноў вывесіў бел-чырвона-белы сьцяг
Чарговую акцыю правёў у Віцебску змагар Мірон. У гонар беларускай мовы і нацыянальнай сімволікі ён вывесіў на даху 16-павярховага дома, аднаго з самых высокіх будынкаў у горадзе, бел-чырвона-белы сцяг.
14.05.2008 ЦВК не гатова дэмакратызаваць выбарчы працэс
Лідзія Ярмошына адказала на прапановы па ўдасканаленню выбараў, падрыхтаваныя ўдзельнікамі кампаніі “За Свабодныя выбары”, ініцыяванай Рухам “За Свабоду”. Ліст старшыні ЦВК каментуе намеснік кіраўніка Руху “За Свабоду” Віктар Карнеенка.
