18.08.2008 Баранавічы: У СМІ – мінімум звестак пра сябраў выбарчых камісій
У чарговым нумары газеты “Наш край” за 16 жніўня (№ 96-97) надрукаваныя спісы сябраў выбарчых камісій па Баранавіцкіх гарадскіх і сельскай выбарчай акругах (№№ 5, 6, 7). Мала таго, што паседжанні, на якіх зацвярджаліся склады камісій, улады правялі “сакрэтна”, не паведаміўшы нічога ні назіральнікам, ні прэсе, на гэты раз у газеце няма ніякіх звестак пра тых, хто ў іх увайшоў – толькі прозвішча, імя і імя па-бацьку.
18.08.2008 Баранавічы: Сабраныя подпісы былі завераныя толькі пасьля тэлефанавання ў Цэнтрвыбаркам
Сур’ёзныя парушэнні выбарчага заканадаўства выявілі пры спробе заверыць у сельскіх Саветах Баранавіцкага раёна сабраныя подпісы Рыгор Грык, сябра АГП, які збіраецца балатавацца дэпутатам у ПП НС РБ па Баранавіцкай сельскай выбарчай акрузе № 7 і назіральнік Сяргей Андрушчанка.
18.08.2008 Затрымалі на мяжы
Уночы пры праходжанні памежнага кантролю на чыгуначным вакзале ў Гродне былі затрыманыя сузаснавальніца Руху “За Свабоду” Арына Лісецкая і актывістка Маладога Фронту Хрысціна Марчук. Са шматлікімі парушэннямі быў праведзены мытны агляд рэчаў абодвух дзяўчын, а таксама асабісты дагляд Арыны Лісецкай. Канфіскаваныя налепкі і польская “Gazeta Wyborcza”. Праз дзве гадзіны абедзьвюх актывістак адпусцілі.
18.08.2008 Барысаў: Ва ўчастковых камісіях - толькі сябры “правільных” грамадскіх аб'яднанняў
У склад участковых камісій па Барысаўскай гарадской выбарчай акрузе №62 паводле рашэння Барысаўскага райвыканкама патрапілі прадстаўнікі толькі прапрэзідэнцкіх грамадскіх аб'яднанняў - "Белая Русь", БРСМ і ветэранаў, - усяго шэсцьдзесят чалавек. Ва ўчастковыя камісіі Барысаўскай сельскай выбарчай акругі №63 уключаныя 34 прадстаўнікі гэтых арганізацый.
18.08.2008 Бабруйск: “Антырэклама” для Аляксандра Чыгіра ад выканкамаўскай газеты
Судовая справа над вылучэнцам у кандыдаты Аляксандрам Чыгіром была выкарыстана выканкамаўскай газетай “Бабруйскае жыццё” для матэрыяла пад назвай “Полтергейст с бородой”. Аўтар, які падпісаўся як Ал. Паліндром, выкарыстаў у сваім пасквілі азначэнні, якія абражаюць прэтэндэнта ў кандыдаты. Напрыклад, Чыгіра ён назваў “наш антигерой”, а яго паводзіны “гопничеством”. Акрамя таго, увесь матэрыял (для стварэння больш яскравага вобраза антыгероя) напоўнены словамі з адмоўнай эмацыйнай афарбоўкай – “готовальня”, “пивчелло”, “поляна” і гэтак далей. Пры гэтым аўтар, “па этычных меркаваннях” схаваў за ініцыяламі ўсіх персанажаў свайго “твора”, акрамя Аляксандра Чыгіра.
18.08.2008 Кіраўнік гродзенскага АГП затрыманы перад здачай подпісаў
Кіраўніка гродзенскага АГП затрымалі ў наваградскім мікрараёне "Паўночны Захад" за некалькі гадзін да сдачы подпісаў у раённую камісію.
18.08.2008 У межах Беларускага добраахвотнага таварыства будзе створаны клуб "Меморыя"
У межах Беларускага добраахвотнага таварыства аховы помнікаў гісторыі і культуры будзе створаны клуб "Меморыя". Такое рашэнне прынята ўдзельнікамі летняга валанцёрскага міжнароднага лагера ў Пастаўскім раёне Віцебскай вобласці. Лагер працаваў з 30 ліпеня па 17 жніўня пад эгідай таварыства.
18.08.2008 Лявон Баршчэўскі зьвярнуўся да старшыні КДБ з патрабаваньнем спыніць перасьлед Аляксандра Меха
Старшыня Партыі БНФ Лявон Баршчэўскі зьвярнуўся зь лістом да старшыні Камітэту дзяржаўнай бясьпекі Рэспублікі Беларусь Зайцава Вадзіма Юр’евіча. Прычына звароту - сытуацыя, якая склалался вакол сябра Партыі БНФ Аляксандра Меха, які вылучаецца ў якасьці кандыдата ў дэпутаты Палаты прадстаўнікоў Рэспублікі Беларусь па Кобрынскай выбарчай акрузе № 12.
18.08.2008 Паведамленне для журналістаў
19 жніўня (аўторак) у 11.00 у офісе РПГА “Беларускі Хельсінкскі камітэт” адбудзецца прэс-канферэнцыя праваабаронцаў, якія ажыццяўляюць маніторынг кампаніі па выбарах дэпутатаў Палаты прадстаўнікоў Нацыянальнага сходу Рэспублікі Беларусь чацвёртага склікання.
17.08.2008 Сьледзтва па выбуху не мяняе свайго накірунку
Вылучэнца ва ўчастковую камісію, мастоўскага актывіста Алега Пронскага, які два апошніх месяцы быў за мяжой, выклікаюць ў КДБ. З хлопцам хочуць паразмаўляць пра мінскі выбух.
17.08.2008 У Юрыя Карэтнікава ў дзесяты раз знялі адбіткі пальцаў
Юрый Карэтнікаў, прэтэндэнт ў кандыдаты па Паўднёва-Заходняй акрузе №99, паведаміў, што з цягам выбарчай кампаніі ціск на яго узмацняецца.
17.08.2008 З публікацыяў у дзяржаўных СМІ ўжо вымалёўваецца будучы парламент
Дзяржаўныя СМІ па ўсёй краіне працягваюць актыўна “піярыць” асобных прэтэндэнтаў у кандыдаты. Па ўсім відаць, яны ведаюць, пра каго трэба пісаць. З гэтых публікацыяў фактычна можна прасачыць, хто стане “абраннікам народу” на парламенцкіх выбарах.
17.08.2008 Ветка: Прэтэндэнт у кандыдаты аштрафаваны на 1 мільён за адсутныя знакі
Канстанцін Жукоўскі, прэтэндэнт на дэпутацкі мандат па 38-ай выбарчай акрузе, 15 жніўня аштрафаваны Веткаўскім раённым судом. Суддзя Мажэйка С. Ю. лічыць, што ён здзейсніў адміністрацыйнае правапарушэнне, "якое выразілася ў пранікненні ў зону радыёактыўнага забруджвання мясцовасці" (арт.16.3 ч.2 КаАП РБ).
17.08.2008 Слуцк: Ідэолагі выканкама "навучаюць" старшыняў і сакратароў участковых камісій
15 жніўня ў будынку Слуцкага раённага выканаўчага камітэта адбыліся два паседжання, на першым з якіх прысутнічалі старшыні і сакратары сельскіх участковых выбарчых камісій, на другім - старшыні і сакратары гарадскіх участковых выбарчых камісій. Дадзеныя паседжанні арганізоўваліся і праводзіліся непасрэдна Слуцкім райвыканкамам у асобах намесніка старшыні выканкама па пытаннях сацыяльнай сферы і ідэалагічнай працы Пятра Барысавіча Даўгучыца і начальніка ідэалагічнага аддзела выканкама Ларысы Генадзеўны Дабравольскай.
17.08.2008 Палеская выбарчая акруга: Улады даюць устаноўку, за каго патрэбна галасаваць
У Палескай выбарчай акрузе напоўніцу дзейнічае адміністрацыйны рэсурс за “кандыдата ад улады”. Як паведамляюць у выбарчым штабе прадстаўніка АДС Мікалая Гаўрыленкі, праводзяцца сустрэчы кіраўніцтва райвыканкамаў з працоўнымі калектывамі, на якіх даецца устаноўка на абранне дэпутатам Палаты прадстаўнікоў старшыні Ельскага райвыканкама Сяргея Канопліча.
