10.10.2008 Еўрапарламент выступіў за зніжэнне кошту шэнгенскіх віз для беларусаў
Еўрапарламент прыняў рэзалюцыю па Беларусі. у дакуменце прапаноўваецца аблегчыць працэдуры атрымання шэнгенскіх віз для беларусаў і знізіць іх кошт, а таксама пашырыць падтрымку грамадзянскай супольнасці, незалежным СМІ і Еўрапейскаму гуманітарнаму універсітэту, які знаходзіцца ў выгнанні (у Вільні).
10.10.2008 Нобэлеўскую прэмію міру атрымаў былы фінскі прэзыдэнт
Нарвэскі Нобэлеўскі камітэт абвясьціў, што прэмія даецца Ахцісаары "за ягоныя важныя намаганьні ў вырашэньні міжнародных канфліктаў на некалькіх кантынэнтах і цягам больш чым трох дзесяцігодзьдзяў". Сярод іншага, у 2005 годзе Ахцісаары быў пасярэднікам на пасьпяховых перамовах паміж урадам і паўстанцамі ў Інданэзіі. Апошнія гады ён быў спэцыяльным пасланцом ААН у Косаве.
10.10.2008 Ваенкамат ізноў судзіцца з Паўлам Наздрой
9 кастрычніка мазырскага актывіста аргкамітэту па стварэньні БХД Паўла Наздру выклікалі ў суд. Ад актывіста патрабуюць выплаты штрафу ў памеры дзвюх базавых велічынь, які даўно быў аплочаны Паўлам. Копія квітанцыі аб аплаце не аказалася падцьверджаньнем для суда.
10.10.2008 Шклоў: "чарнавыя" пратаколы?
На паседжаньні Шклоўскай выбарчай камісіі дванаццаць яе сяброў адзначылі дзеяньні свайго калегі Пятра Мігурскага дыскрэдытуючымі працу камісіі. 28 верасьня, у дзень выбараў у палату прадстаўнікоў, Пётар Мігурскі выявіў тры несапраўдныя выніковыя пратаколы участковых камісіяў. Ад сваёй камісіі ён запатрабаваў ануляваць вынікі выбараў па Шклоўскай выбарчай акрузе. Адпаведную заяву ён накіраваў і ў Цэнтарвыбаркам, тая перадаслала яе на разгляд назад у Шклоў.
10.10.2008 Учынены напад на салігорскую праваабаронцу
9 кастрычніка ў Салігорску напалі на салігорскую праваабаронцу Яну Палякову. У міліцыі яна атрымала яшчэ адну траўму. Яна Палякова цяпер знаходзіцца дома.
10.10.2008 Міхаіл Пастухоў: “Гэта рэпрэсіўны закон”
Як паведамлялася, Палата прадстаўнікоў Нацыянальнага Сходу Беларусі ў чацьвер прыняла ў другім чытаньні законапраект “Аб інфармацыі, інфарматызацыі і абароне інфармацыі”. Паводле міністра сувязі і тэлефанізацыі Мікалая Панцялея, у законапраекце аформлены патрабаваньні да працэсу стварэньня, эксплюатацыі і дзяржаўнай рэгістрацыі інфармацыйных сыстэм.
09.10.2008 П.Севярынец: спачатку спыніць рэпрэсіі
Сябра беларускай дэлегацыі ў Брусэлі Павал Севярынец заявіў, што ў рэзалюцыі Эўрапарлямэнту сфармуляваная пазыцыя Эўропы. Але цяпер усё залежыць ад таго, наколькі эфэктыўна і настойліва эўрапейцы будуць дамагацца яе выкананьня.
09.10.2008 Заснаваны рух у падтрымку рэпрэсаваных
У Літве зарэгістраваны грамадзкі рух у абарону рэпрэсаваных у Беларусі. Адзін зь яго заснавальнікаў былы палітвязень, прафэсар Юры Бандажэўскі паведаміў агенцтву БелаПАН, што ў арганізацыю ўвайшлі прадстаўнікі літоўскай грамадзкасьці, прадпрымальнікі і юрысты.
09.10.2008 Еўрапарлямэнт ухваліў рэзалюцыю па Беларусі
Сёньня раніцай Эўрапейскі парлямэнт ухваліў рэзалюцыю па Беларусі, якая абмяркоўвалася на ўчорашніх дэбатах . Праект быў падрыхтаваны і ўнесены на разгляд пяцьцю фракцыямі Эўрапарлямэнту. Ён быў ухвалены абсалютнай большасьцю галасоў. “За” прагаласавалі 597 дэпутатаў, 31 -- “супраць”, 22 дэпутаты ўстрымаліся.
09.10.2008 Слонім: страйкуюць рабочыя фабрыкі
Каля 60 чалавек са швейнага цэху фабрыкі пухова-пер’евых вырабаў стаяць зараз побач са Слонімскім райвыканкамам. Яны прынесьлі свае пісьмовыя патрабаваньні аб павышэньні заробку й паляпшэньні ўмоў працы старшыні райвыканкаму Мечыславу Касьцюку.
09.10.2008 Справу Аўтухова адправілі на дапрацоўку
Такое рашэнне прыняў Гарадоцкі райсуд з-за працэсуальных парушэнняў складальнікаў пратаколу
09.10.2008 Былы міліцыянт з Шаркоўшчыны абараніў свой гонар
Суддзя Віцебскага абласнога суду Людміла Ларына на выяздным паседжанні ў раённым цэнтры Шаркоўшчына вынесла апраўдальны прыгавор па справе былога міліцыянта Аляксандра Бабіча, якому раней быў вынесены прысуд па крымінальных артукулах: пазбаўленне волі на 2 гады і 2 месяцы.
09.10.2008 У Еўрапарламенце прайшлі дэбаты па сітуацыі ў Беларусі
Дэпутаты заявілі, што что «парламенцкія выбары» ў краіне былі несвабоднымі і недэмакратычнымі і выказаліся за супрацоўніцтва з апазіцыяй у пытаньнях дэмакратызацыі Беларусі. Па выніках абмеркаваньня сёньня быдзе прынятая адпаведная рэзалюцыя.
09.10.2008 Прадпрымальнікі прыйдуць на “Дзяды”
Сёньня лідэры руху “За свабоднае разьвіцьцё прадпрымальніцтва” пачынаюць сустрэчы з актывістамі рэгіянальных структур у Беларусі. У парадку дня – вынікі выбараў, прыняцьцё закону аб прадпрымальніцтве, а таксама ўдзел у грамадзка-палітычных акцыях. Падрабязнасьці падае Галіна Абакунчык.
09.10.2008 Улады памнажаюць сьпісы “экстрэмісцкага” мастацтва
Дзякуючы пільнасьці беларускіх уладаў імкліва пашыраецца сьпіс “экстрэмісцкай”, а значыць — забароненай кіна- і відэапрадукцыі. Мы ўжо паведамлялі, што ў газэце “Звязда” надрукаваны пералік твораў, якія апошнім часам выклікалі падазрэньне дзяржаўных экспэртаў: дакумэнтальны фільм “Урок беларускай мовы” польскага рэжысэра Міраслава Дэмбінскага, відэазапіс канцэрту ў Варшаве “Салідарныя зь Беларусьсю” і нават дыскі з фотаздымкамі падзеяў у Менску ў дзень прэзыдэнцкіх выбараў 2006 году. Матэрыялы былі сканфіскаваныя ў магілёўскага журналіста Аляксандра Буракова, і рашэньнем суду Кастрычніцкага раёну Горадні іхні зьмест прызнаны “экстрэмісцкім”.
