24.03.2009 Актывіст Іван Крук заяўляе пра ціск з боку ўладаў
Актывіст Руху "За Свабоду" Іван Крук з Астраўца паскардзіўся на неправамерныя дзеянні міліцыянтаў і супрацоўнікаў дзяржбяспекі ў абласную, Генеральную пракуратуру і Гродзенскае УКДБ. На думку актывіста, які выступае супраць пабудовы Астравецкай АЭС, міліцыя і спецслужбы ажыццяўляюць адносна яго і ягонага аднадумца Мікалая Уласевіча аператыўна-следчыя мерапрыемствы, якія насамрэч маюць характар палітычнага пераследу.
24.03.2009 Суд адмовіў Франаку Вячорку
Менскі міжгарнізонны вайсковы суд адмовіўся прызнаць незаконнымі дзеяньні вайскоўцаў і мэдыкаў падчас прызыву ў войска Франка Вячоркі. Нагадаем, 16 студзеня ў палату вайсковага шпіталя, дзе Франак праходзіў мэдычнае абсьледаваньне, уварваліся людзі ў цывільным. Яны зьбілі хлопца й адвезьлі ў ваенкамат. Там яму паведамілі, што праз паўгадзіны завязуць у войска.
23.03.2009 Мінгарсуд не палічыў патрэбным выконваць рашэнне ААН
Калегія па грамадзянскіх справах Мінгарсуда не задаволіла скаргу Віктара Карнеенкі на адмову з боку МЗС аднавіць дзейнасць "Грамадзянскіх ініцыятыў".
23.03.2009 Перад Днём Волі салігорскага апазіцыянера выклікалі ў райвыканкам
Актывіста апазіцыі Уладзіміра Шылу сёння выклікалі ў салігорскі райвыканкам, каб пагутарыць адносна малодшага сына Іллі.
23.03.2009 Белпошта: падпіска на “Вольнае Глыбокае” немэтазгодная
Рэадактар газэты Уладзімер Скрабатун атрымаў ліст ад кіраўніцтва “Белпошты”, дзе напісана, што ўключаць незалежнае выданьне ў падпісны каталёг “немэтазгодна”.
23.03.2009 Праваабаронцу Сяргею Гоўшу – 60!
Беларускія праваабаронцы віншуюць баранавіцкага калегу Сяргея Гоўшу з шасьцідзесяцігадовым юбілеем!
23.03.2009 Сёньня суд у справе Франка Вячоркі
На сёньня, 23 сакавіка, у Менскім вайсковым гарнізонным судзе прызначана паседжаньне ў справе лідэра моладзі БНФ Франка Вячоркі. Франак паскардзіўся на дзеяньні вайскоўцаў і мэдыкаў, якімі камандавалі людзі ў цывільным падчас прызыўной кампаніі.
23.03.2009 Фінькевіча будуць судзіць за нагу міліцыянта
У судзе Савецкага раёну Менску будуць судзіць лідэра руху “Маладая Беларусь” Артура Фінькевіча. Кіраўнікі міліцыі Савецкага раёну і супрацоўнікі КДБ затрымалі яго 21 сакавіка позна ўвечары ў падземным пераходзе на плошчы Перамогі.
20.03.2009 Незарэгістраваная “Наша Вясна” падала скаргу ў Вярхоўны Суд
Праваабаронцы, заснавальнікі ГПА “Наша Вясна”, 19 сакавіка падалі скаргу ў Вярхоўны Суд Рэспублікі Беларусь на рашэньне Міністэрства юстыцыі Рэспублікі Беларусь аб адмове ў дзяржаўнай рэгістрацыі.
20.03.2009 Ці знойдзецца ў Менску памяшканьне для новага ўстаноўчага сходу “Нашай Вясны”?
Сузаснавальнікі грамадскага праваабарончага аб'яднаньня “Наша Вясна”, якому ў другі раз было адмоўлена ў рэгістрацыі 26 лютага, не пакідаюць надзеі займець легальны статус у Беларусі. Яны прынялі рашэньне ў самы бліжэйшы час сабраць яшчэ адзін устаноўчы сход і ў трэці раз паўтарыць працэдуру, неабходную для падачы дакументаў для рэгістрацыі ў Міністэрства юстыцыі.
20.03.2009 Беларусь запрошаная ва «Ўсходняе партнёрства»
На саміце кіраўнікоў краінаў Еўрасаюзу ў Бруселі была зацверджаная праграма «Ўсходняга партнёрства». У лік шасці краінаў, на якія распаўсюджваецца праграма, трапіла і Беларусь.
20.03.2009 У Беларусі каля 60 тысяч работнікаў прымусова адправілі ў адпачынак
Федэрацыя прафсаюзаў рэкамендавала сабе сачыць за тым, каб прадпрыемствы не звальнялі працаўнікоў ды не зніжалі ім заробкі. Але, як даведалася Еўрарадыё, ні дзяржаўныя прафсаюзы, ні Міністэрства працы ніякім маніторынгам становішча не займаюцца
20.03.2009 Стыхійны страйк у Рэчыцы
Сёньня апоўдні ў Рэчыцы на “Цэнтральным” і “Славянскім” рынках прайшлі стыхійныя сходы прадпрымальнікаў. Нагодай сталі вывешаныя падаткоўцамі новыя стаўкі адзінага падатку на гандаль рознымі таварамі, прынятыя ў мінулым месяцы сэсіяй Гомельскага абласнога савету.
20.03.2009 Актывісты Баранавічаў - супраць рашэння гарвыканкама аб парадку правядзення масавых мерапрыемстваў
У Баранавічах група актывістаў дэмсіл звярнулася ў гарадскі савет дэпутатаў з просьбай адмяніць рашэнне Баранавіцкага гарвыканкама ад 17 студзеня 2006 года № 4 "Аб парадку правядзення ў г. Баранавічы масавых мерапрыемстваў". Аналагічная просьба накіравана ў Брэсцкі аблвыканкам. Пад гэтымі дакументамі падпісаліся член БХК Карней Пятровіч, актывіст руху "За Свабоду" Віктар Сырыца і праваабаронца Сяргей Гоўша.
20.03.2009 “Гародня, будзьма з мовай!”
Пад такім лозунгам 22 сакавіка ў 12.00 у Гродне адбудзецца ІІ Агульнанацыянальная дыктоўка.
