20.10.2009 Верніку ваенкамат не прапанаваў альтэрнатыўную службу
Сёньня ў судзе Цэнтральнага раёну Гомеля працягвалася слуханьне крымінальнай справы ў дачыненьні да верніка пратэстанцкай царквы “Сьведкі Еговы” Дзьмітра Смыка. З падачы гарадзкога ваенкамату пракуратура абвінавачвае спадара Смыка ва ўхіленьні ад прызыву на вайсковую службу. З ініцыятывы судзьдзі Рыгора Дзьмітрэнкі, які разглядае справу супраць верніка, у суд сёньня выклікалі ня толькі прадстаўніка ваенкамату Бурсевіча, але й гарадзкога ваенкама палкоўніка Вячаслава Цацарына.
20.10.2009 У Сьветлагорску судзяць “Левы марш”
У Сьветлагорскім раённым судзе 19 кастрычніка распачаўся разгляд адміністрацыйнай справы супраць кіраўніка мясцовай арганізацыі Партыі камуністаў Беларускай Сьвятланы Міхальчанкі. Яе абвінавачваюць у распаўсюдзе 3 верасьня партыйнага бюлетэня “Левы марш”, які ня меў поўных выходных зьвестак.
19.10.2009 Аб супрацоўніках сілавых структур, якія вызначаюцца жорсткасцю
Аб'яднаная грамадзянская партыя (АГП) пачынае кампанію інфармавання грамадзян Беларусі аб супрацоўніках сілавых структур, якія вызначыліся жорсткасцю пры разгоне мірных вулічных акцый. Адпаведнае рашэнне было прынята 19 кастрычніка палітсаветам партыі.
19.10.2009 У Курапацкім лесе зноў зламаныя крыжы
Невядомыя зламалі два крыжы ў Курапацкім лесе. Гэта заўважылі сябры КХП-БНФ, якія прыйшлі ў суботу на талаку.
19.10.2009 21 кастрычніка адбудзецца прэзентацыя кнігі “Палітвязьні”
Выйшла ў свет кніга “Палітвязьні: Крымінальныя прысуды, вынесеныя ў 2008 годзе па палітычных матывах”, падрыхтаваная з удзелам Праваабарончага цэнтру “Вясна”. У зборніку змешчаны інтэрвію і публіцыстычныя артыкулы розных аўтараў, героямі твораў зьяўляюцца асобы, прыцягнутыя ў мінулым годзе да крымінальнай адказнасці за сваю грамадска-палітычную дзейнасць ці погляды.
19.10.2009 У Калінкавічах будуць працаваць з наркаманамі і алкаголікамі
Сябра Нацыянальнай Рады, кіраўнік Калінкавічскай арганізацыі БХД Тамара Зайцава адчыніла першы ў Калінкавічах добраахвярны сацыяльна-рэабілітацыйны цэнтр для наркаманаў і алкаголікаў.
19.10.2009 Новыя грубыя парушэнні журналісцкіх правоў у Мінску
Журналістам, якія асвятлялі ход вулічнай Акцыі салідарнасці ў Мінску ўвечары 16 кастрычніка, зноў перашкаджалі працаваць супрацоўнікі праваахоўных органаў. Як распавядаюць нашы калегі, міліцыянты дзейнічалі яшчэ больш жорстка, чым на акцыях 9-га і 16-га верасня. Весці здымкі было практычна немагчыма.
19.10.2009 “Абараніце маю дачку ад псыхіятра!”
На Магілёўшчыне канфлікт з удзелам міліцыі і псыхіятраў. Сям’я Ганчароў з райцэнтру Краснапольле зьвярнула да праваабаронцаў і журналістаў недзяржаўных сродкаў масавай інфармацыі з просьбай абараніць іх непаўнагадовую дачку Людмілу ад мэдыкаў і міліцыі.
16.10.2009 Жорсткі і хуткі разгон акцыі на Кастрычніцкай
На Кастрычніцкай плошчы Мінска а 18-й прайшла традыцыйная акцыя салідарнасці з палітвязнямі. Яна трывала дзве хвіліны і была жорстка разагнаная. З 40 удзельнікаў акцыі 22 патрапілі ў РУУС.
16.10.2009 Васіль Юзэпчук падае прэзідэнту прашэнне аб памілаванні
16 кастрычніка адвакат Васіля Юзэпчука падрыхтаваў хадайніцтва аб памілаванні на імя прэзідэнта Рэспублікі Беларусь. Асуджаны да смяротнага пакарання просіць захаваць яму жыццё, паколькі магчыма, што ў будучым могуць з’явіцца абставіны, якія пацвердзяць яго невінаватасць. Калі ж прысуд будзе выкананы, то, у выпадку выяўлення памылкі, выправіць яе будзе немагчыма.
16.10.2009 Акцыю салідарнасьці разагналі па адпрацаваным сцэнары
Акцыя салідарнасьці на Кастрычніцкай плошчы доўжылася літаральна дзьве хвіліны. Як толькі людзі сталі ў ланцуг з партрэтамі зьніклых і палітвязьняў, да іх адразу кінуліся спэцназаўцы ў цывільным, а потым выбеглі некалькі дзясяткаў спэцназаўцаў у форме, большая частка якіх была “крапавымі барэтамі”.
16.10.2009 Дырэктар друкарні выклікае ў суд недзяржаўную газету
Зыск аб абароне гонару, годнасці і дзелавой рэпутацыі супраць недзяржаўнай газеты «Борисовские новости» і аўтара выдання Анатоля Мазгова накіраваў у суд дырэктар унітарнага прадпрыемства «Барысаўская ўзбуйнёная друкарня імя 1 Мая», дэпутат Мінскага абласнога Савета дэпутатаў Андрэй Завацкі.
16.10.2009 Судовы працэс “Грамадскае праваабарончае аб’яднанне “Наша Вясна” супраць Міністэрства юстыцыі Рэспублікі Беларусь” Справаздача аб судовым назіранні
Напрыканцы верасьня Міжнародная фэдэрацыя правоў чалавека (FIDH) распаўсюдзіла справаздачу па выніках назіраньня за судовым працэсам па зыску Грамадзкага праваабарончага аб'яднаньня “Наша Вясна” да Міністэрства юстыцыі Рэспублікі Беларусь, які праходзіў у Вярхоўным Судзе 10-12 жніўня 2009 году. Прапануем поўны тэкст гэтай справаздачы.
16.10.2009 Перапісных лістоў на беларускай мове няма і ў Наваполацку
Пры правядзенні перапісу ствараюцца ўмовы для парушэння закона аб мовах – такія засцярогі выказваюць Сябры Таварыства беларускай мовы імя Ф.Скарыны ў Наваполацку.
16.10.2009 Андрэй Ажароўскі на волі
Андрэя Ажароўскага выпусьцілі з Астравецкага ізалятара часовагаа ўтрыманьня. Расейскі фізік-ядзершчык быў асуджаны на 7 сутак падчас грамадзкіх слуханьняў на тэму будаўніцтва АЭС у Астраўцы нібыта за непрыстойныя паводзіны ў грамадзкім месцы.
