07.06.2010 700 тысяч рублёў штрафу рэдактару «Витебского курьера»
Суд Першамайскага раёну пакраў Алега Баршчэўскага за незаконны распаўсюд друкаваных СМІ, знойдзеных у ягонай машыне.
07.06.2010 Выбарчы кодэкс Беларусі не гарантуе дэмакратычнасць выбараў, заяўляюць эксперты АБСЕ і Венецыянскай камісіі СЕ
Унесеныя ў Выбарчы кодэкс Беларусі папраўкі з'яўляюцца крокам да ўстаранення недахопаў, але не гарантуюць правядзення адкрытых і дэмакратычных выбараў. Пра гэта гаворыцца ў сумеснай заяве экспертаў Бюро па дэмакратычных інстытутах і правах чалавека (БДІПЧ) АБСЕ і Венецыянскай камісіі Савета Еўропы.
07.06.2010 Журналіста Сяргея Серабро не пусцілі здымаць Патрыярха Кірыла
5 чэрвеня Сяргей Серабро, як і іншыя журналісты, прыехаў у віцебскі аэрапорт, дзе мела адбыцца невялікая прэсавая канферэнцыя з удзелам Патрыярха Маскоўскага і Усёй Русі Кірыла. Але віцебскія міліцыянты загадалі сп-ру Серабро прайсці ў службовую машыну.
04.06.2010 Агляд-хроніка парушэньняў правоў чалавека ў Беларусі, травень 2010 году
У траўні ў Беларусі завяршыліся судовыя працэсы па чатырох палітычна матываваных крымінальных справах, вынесены два новыя сьмяротныя прысуды, разагнаныя некалькі мірных акцыяў, у тым ліку актывістаў руху сэксуальных меншасьцяў. У выніку сутычкі з міліцыянтамі моладзевы актывіст Зьміцер Пармон трапіў у шпіталь са зламанай ключыцай. Адміністрацыйны перасьлед у гэты час абмежаваўся ў асноўным прысуджэньнем штрафаў розных памераў, але было вынесена і некалькі арыштаў.
04.06.2010 Менгарвыканкам супраць “Гавары праўду”
На 10 чэрвеня прызначана папярэдняе слуханьне ў справе закрыцьця асьветніцкай установы «Движение вперёд», адной з праграмаў якой ёсьць кампанія «Гавары праўду». Пра гэта «Свабодзе» паведаміла намесьніца дырэктара ўстановы Ніна Пахлопка.
04.06.2010 Беларусь - у спісе краін з «найбольш рэпрэсіўным рэжымам»
Праваабарончая арганізацыі «Фрыдам Хаўс» (ЗША) ўключыла Беларусь у спіс краін з найбольш рэпрэсіўным рэжымам, паведамляе БелаПАН. Пра гэта гаворыцца ў штогадовым дакладзе, апублікаваным на афіцыйным сайце арганізацыі.
04.06.2010 Беларускія праваабаронцы праінфармавалі Amnesty International пра прысуд, вынесены Яўгену Якавенку
Сёння, 4 чэрвеня, суддзя суду Цэнтарльнага раёна Гомеля Таццяна Швец пакарала актывіста Партыі Беларуская Хрысціянская Дэмакратыя Яўгена Якавенку “за ўхіленне ад вайсковай службы” адным годам абмежавання волі з накіраваннем ва ўстанову адкрытага тыпу. Да ўступлення судовага рашэння ў сілу Яўген Якавенка застаецца пад падпсікай аб нявыезде. І сам актывіст і яго адвакат Яўген Грабоўскі з прысудам не згодныя і заявілі, што будуць яго абскарджваць.
04.06.2010 Мінскі абласны суд падтрымаў Панамарова
Адміністрацыйную справу супраць клецкага актывіста накіравалі на новы разгляд.
03.06.2010 Співаемся...
Пачынаючы з 2004-га, у Беларусі штогод выяўляецца больш за 30 тысяч новых алкаголікаў. Гэта прыкладна столькі ж, колькі пражывае, напрыклад, у Iўеўскім альбо Ашмянскім раёнах і значна болей, чым налічваецца насельніцтва ў Зэльвенскім ці Бераставіцкім раёнах.
03.06.2010 Ахвяры прымусовай падпіскі
Паштары аддзяленьня сувязі вёскі Падрэчча, што ў Кіраўскім раёне Магілёўшчыны, заявілі пра сваё звальненьне.
03.06.2010 У Гродна будуць судзіць распаўсюдніка «Новага часу»
Грамадскага актывіста Зміцера Бандарчука, які распаўсюджваў афіцыйна зарэгістраваную газету «Новы час», абвінавачваюць у парушэнні Адміністратыўнага кодэксу.
03.06.2010 Маці Андрэя Жука, расстралянага ў сакавіку, толькі зараз атрымала пасведчанне пра смерць сына
У ЗАГСе Салігорска 1 чэрвеня Святлане Жук, нарэшце, выдалі пасведчанне пра смерць сына. У дакуменце ўказаны дзень смерці – 18 сакавіка 2010 года, у графе “прычына смерці” – прочырк. Акт зафіксавання смерці датаваны 21-ым сакавіка.
Каб атрымаць пацверджанне пра тое, што сына больш няма ў жывых, жанчыне давялося прыкласці нямала намаганняў.
03.06.2010 Зьбіты моладзевы актывіст патрабуе ўзбудзіць крымінальную справу ў дачыненьні да міліцыянтаў, якія перавысілі свае службовыя паўнамоцтвы
Актывіст "Моладзі БНФ" Зьміцер Пармон, які ў выніку зьбіцьця супрацоўнікамі міліцыі апынуўся ў 6-м гарадскім клінічным шпіталі з дыягназам “пералом ключыцы”, накіраваў заяву ў пракуратуру Цэнтральнага раёну сталіцы з прозьбай правесьці пракурорскую праверку выкладзеных фактаў і прыцягнуць віноўных да адказнасьці.
03.06.2010 У Брэсце дапыталі Ганну Канюс
Старшыню Брэсцкай гарадской арганізацыі Беларускай сацыял-дэмакратычнай партыі "Грамада" Ганну Канюс дапыталі ў міліцэйскім пастарунку Маскоўскага РАУС Брэста. Прычынаю допыта з'яўляецца справа ператрусаў актывістаў грамадзянскай кампаніі "Гавары праўду!".
02.06.2010 Рэдакцыі «Народнай волі» вынеслі трэцяе цягам года папярэджанне
Папярэджанне вынесена за парушэнне арт. 4 Закона «Аб СМІ», які абавязвае сродкі масавай інфармацыі распаўсюджваць адпаведную рэчаіснасці інфармацыю. Яно тычыцца серыі публікацый І. Копыла «Нябышына. Вайна», што друкавалася ў выданні ў сакавіку 2010 года.
