30.07.2010 Разгляд касацыйнай скаргі на сьмяротны прысуд перанесены на 17 верасьня

Перанесены разгляд ў Вярхоўным судзе Беларусі касацыйнай скаргі на сьмяротны прысуд двум жыхарам Гродзенскай вобласьці за патройнае забойства, здзейсьненае 14 кастрычніка 2009 года. Новая дата – 17 верасьня. Раней планавалася, што Вярхоўны суд разгледзіць справу 30 ліпеня. Аб прычынах пераносу застаецца толькі здагадвацца.

30.07.2010 Гаспадарчы суд Мінска задаволіў іск у дачыненні да "Руху наперад"

Гаспадарчы суд Мінска 29 ліпеня задаволіў іск Мінгарвыканкама ў дачыненні да даследчыцка-асветніцкай установы "Рух наперад", якая праводзіць кампанію "Гавары праўду!".

29.07.2010 Праваабаронцы вітаюць амністыю Яўгена Якавенкі і патрабуюць гарантыяў

«Міжнародная амністыя» вітае вызваленьне ад крымінальнай адказнасьці вязьня сумленьня Яўгена Якавенкі, які быў прысуджаны да 1 году абмежаваньня волі за «ўхіленьне ад вайсковай службы».

28.07.2010 Суды над затрыманымі ў Менску актывістамі перанесеныя на 5 жніўня (дапаўняецца)

Затрыманых 27 ліпеня пад час акцыі з нагоды 20-годзя прыняцця Дэкларацыі аб дзяржаўным суверэнітэце Беларусі Міколу Дземідзенку, Касю Давыдзік, Андрэя Кіма і Вячаслава Сіўчыка ў 11-40 даставілі ў суд Савецкага раёну Менска. Іх вінавацяць у дробным хуліганстве (Арт 17.1 КаАП РБ) за нібыта нецэнзурную лаянку.

28.07.2010 Алег Сурган: “На судзе я зразумеў, што не забыты, не пакінуты сам насам са сваёй бядой”

27 ліпеня з калоніі горада Глыбокае быў вызвалены палітвязень, актывіст руху “Маладая Беларусь” Алег Сурган. У той жа дзень ён сустрэўся з сябрамі, праваабаронцамі, удзельнічаў у прэсавай канферэнцыі. Аб тым, як прайшлі для актывіста шэсць месяцаў зьняволеньня і пра тое, што падтрымлівала яго ў калоніі, ён распавёў нашаму карэспандэнту.

28.07.2010 Салігорскія маладафронтаўцы стануць перад судом

У Салігорску перад судом стануць шасцёра маладафронтаўцаў – Іван Шыла, Рыгор Астапеня, Андрусь Тычына, Ілля Нагорны, Сяргей Герановіч і Аляксей Валабуеў.

27 ліпеня маладафронтаўцы збіраліся каля крамы “Дзіцячы свет” зладзіць традыцыйны конкурс малюнкаў да ўгодкаў прыняцця Дэкларацыі аб незалежнасці.

28.07.2010 «Наша Ніва» атрымала адразу два папярэджанні ад Міністэрства інфармацыі

У папярэджанні, датаваным 22 ліпеня, Мінінфармацыі вінаваціць газету ў распаўсюдзе звестак, якія не адпавядаюць рэчаіснасці. Падставай для абвінавачання стаў загаловак «Хросны бацька сканфіскаваў». Другое папярэджанне, датаванае 26 ліпеня, тычыцца артыкула «БРСМ рэкламуе фільм «Хросны бацька».

27.07.2010 Затрыманні актывістаў за святкаванне Дня незалежнасці Беларусі

Па сітуацыі на 20.55 праваабаронцам стала вядома, што ўсіх затрыманых - Міколу Дземідзенку, Касю Давыдзік, Андрэя Кіма і Вячаслава Сіўчыка - на ноч змесцяць у Цэнтры ізаляцыі правапарушальнікаў на Акрэсціна. Заўтра, 28 ліпеня, іх справы будзе разглядаць суд Савецкага раёну Менску.

27.07.2010 Мікола Кавальчук адпушчаны з аддзялення міліцыі

Мікола Кавальчук, які быў затрыманы перад урачыстым адкрыццём шыльды ў гонар Ларысы Геніюш у Ваўкавыску, адпушчаны з аддзялення міліцыі.

27.07.2010 У Ваўкавыску затрымалі Кавальчука

Адзін з арганізатараў святкаваньня 100-годдзя нараджэньня Ларысы Геніюш Мікалай Кавальчук затрыманы ў Ваўкавыску. Пра гэта паведамляе ЖЖ-карыстальнік poczobut.

27.07.2010 Пракуратура не знайшла падставаў для ўзбуджэння крымінальнай справы супраць міліцыянтаў за збіццё Змітра Пармона

Актывіст “Моладзі БНФ” Зміцер Пармон атрымаў з Пракуратуры Цэнтральнага раёна Менска адказ на сваю заяву з просьбай узбудзіць крымінальную справу ў дачыненні да міліцыянтаў, якія збівалі яго падчас затрымання 27 траўня.

27.07.2010 Гомельская міліцыя ўгледзела "інфармацыю антыпалітычнай накіраванасці" ў віншавальных паштоўках

26 ліпеня каля 18.00 гадзін у Гомелі былі затрыманыя каля дзесяці ўдзельнікаў акцыі, прымеркаванай да 20-ай гадавіны прыняцця Дэкларацыі аб дзяржаўным суверэнітэце Беларусі. Сярод затрыманых знаходзіўся і прадстаўнік праваабарончага цэнтру “Вясна” Анатоль Паплаўны. Па словах праваабаронцы, падчас распаўсюду віншавальных паштовак на плошчы абласнога цэнтра “Паўстанне” за акцыяй назіралі незнаёмыя людзі ў цывільным, якія затрымалі яго і сябра БНФ Валеры Рэпніна. Актывістаў даставілі ў пастарунак, дзе ў тэксце паштовак знайшлі "інфармацыю антыпалітычнай накіраванасці".

27.07.2010 Лінгвістычная экспэртыза будзе шукаць крамолу ў "Вольным горадзе"

Арыштаваны наклад незалежнай крычаўскай газэты "Вольны горад" адправяць на лінгвістычную экспэртызу. Пра гэта паведамілі рэдактару выданьня Сяргею Няроўнаму ў раённай пракуратуры. Экспэртыза будзе доўжыцца да паўгода

27.07.2010 Алег Сурган на волі

Сёньня, 27 ліпеня, а 8 гадзіне раніцы, з калёніі горада Глыбокае быў вызвалены палітвязень, актывіст руху “Маладая Беларусь” Алег Сурган. Яго сустракалі паплечнікі з чысла сябраў “Маладой Беларусі”. Ахоўнікі правялі Алега пад канвоем да самай машыны сустракаючых, каб працэс вызваленьня адбыўся хутка й без лішняга шуму.

27.07.2010 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі.