27.09.2010 Сетка дамоў правоў чалавека заклікае беларускія ўлады выконваць міжнародныя стандарты ў галіне правоў чалавека
22-23 верасня ў Вільні адбылася Штогадовая сустрэча Сеткі дамоў правоў чалавека - форума супрацоўніцтва паміж існуючымі і ствараемымі Дамамі правоў чалавека, якія аб'ядноўваюць 70 НДА ў 15 краінах. Удзельнікамі Штогадовай сустрэчы СДПЧ у Вільні сталі праваабаронцы з 17 краін.
27.09.2010 Гродзенская міліцыя склала пратакол на Хрысціну Шацікаву
Супрацоўнікі гродзенскай міліцыі склалі пратакол аб адміністрацыйным правапарушэнні ў дачыненні да магілёўскай праваабаронцы грамадскай кампаніі “Наш дом” Хрысціны Шацікавай.
27.09.2010 Гарадзеншчына: Грамадска-палітычныя актывісты ў чаканні фармавання тэрытарыяльных выбарчых камісій
Гарадзенскія грамадска-палітычныя актывісты чакаюць інфармацыі пра дзень і час правядзення пасяджэнняў выканкамаў па фармаванні тэрытарыяльных выбарчых камісій. Колькасць вылучэнцаў у іх ад дэмакратычных партый параўнальна невялікая.
27.09.2010 Апазіцыя не будзе прадстаўлена і ў гарадской камісіі Оршы
Нягледзячы на тое, што ў склад гэтай камісіі было вылучана 5 прадстаўнікоў апазіцыі, ні водны з іх уключаны ў камісію не быў. Больш таго, іх кандыдатуры нават не выносіліся на абмеркаванне. Начальнік аддзела арганізацыйна-кадравай працы Аршанскага гарвыканкама Віктар Калачоў зачытаў ўдзельнікам паседжання прапанаваны спіс з 13 чалавек, за які ўсе члены выканкама і прэзідыума Савета дэпутатаў аднагалосна прагаласавалі. Аб тым, што ў склад камісіі прэтэндуюць і іншыя кандыдатуры, на агульным паседжанні не паведамлялася.
27.09.2010 Мазыр: Праваабаронца наракае на абмежаванасць інфармацыі пра выбарчы працэс
27 верасня мазырскі праваабаронца Уладзімір Целяпун, удзельнік кампаніі “Праваабаронцы за справедлівыя выбары”, меў сустрэчу з кіраўніком справамі Мазырскага райвыканкаму М. Пашынскім. Нагодай для візіта праваабаронцы з’явілася немагчымасць яго прысутнасці на сумесным паседжанні членаў райвыканкама і Прэзідыума райсавета па ўтварэнні Мазырскай раёнай выбарчай камісіі па выбарах прэзідэнта - з-за абмежавай інфармаванасці грамадства аб месцы і часе паседжання.
27.09.2010 Салігорск: Дэмсілы не вылучалі сваіх прадстаўнікоў у тэрытарыяльную камісію
Па папярэдняй інфармацыі, прадстаўнікоў сваёй ініцыятыўнай групы ў Салігорску маюць Сяргей Гайдукевіч, Юры Глушакоў, Рыгор Кастусёў, Аляксандр Лукашэнка, Алесь Міхалевіч, Уладзімір Някляеў, Яраслаў Раманчук, Віталь Рымашэўскі, Андрэй Саннікаў. Але ніводны з штабоў патэнцыйных кандыдатаў у рэгіёне не паклапаціўся пра тое, каб мець сваіх прадстаўнікоў у складзе Салігорскай тэрытарыяльнай камісіі.
27.09.2010 Мазыр: У грамадзянаў не прынялі заяву на вылучэнне свайго прадстаўніка ў склад выбаркаму
25 верасня, каля 9.30 – 10.00 раніцы, адзін з групы грамадзянаў Рыгор Крывіцкі прынёс у райвыканкам рэгістраваць заяву, але яна не была прынятая. У кабінеце №101, які працуе па прынцыпу “адно вакно”, яму адказалі, што такія заявы там не рэгіструюцца і не прымаюцца. Супрацоўніца райвыканкаму нават не патлумачыла пенсіянеру, куды яму неабходна звярнуцца. Супрацоўніца службы аховы не прапусціла Р. Крывіцкага ў прыёмную райвыканкама, патлумачыўшы, што субота і нядзеля выходныя дні і там нікога няма, а кіраўнік справамі райвыканкама быў, але ўжо сыйшоў.
27.09.2010 Бабруйск: Алена Мядзведзева праходзіць у якасці сведкі па крымінальнай справе Някляева
Сёння, 27 верасня, адбыўся допыт Алены Мядзведзевай. З бабруйскай актывісткай кампаніі “Гавары праўду!” размаўляў старэйшы следчы следчага ўпраўлення папярэдняга даследчага аддзела ГУУС Мінскага гарвыканкама Дзяніс Дышчанка.
27.09.2010 Прадстаўнікоў АГП не ўключылі ў склад раённых выбаркамаў у Добрушы, Калінкавічах і Буда-Кашалёве
У Буда-Кашалёве сябра АГП Уладзімір Цітуленка вылучаўся як па партыйнаму пратаколу ад зарэгістраванай раённай структуры, так і шляхам заяваў грамадзян. Але ў склад камісіі ён уключаны не быў. Таксама ўлады не ўключылі ў раённыя камісіі сяброў АГП Дзяніса Рабянка (Калінкавічы) і Адама Варанца (Добруш).
27.09.2010 Гомель: Апазіцыя не трапіла ў абласны выбаркам
Улады выканалі і перавыканалі квоту: прадстаўнікі палітычных партый і грамадскіх аб'яднанняў у сфармаванай камісіі склалі нават 2/3. Яе сябрамі сталі тыя ж людзі, што працавалі там і на выбарах у мясцовыя Саветы 26 склікання. Цікава, што працуючы на кіруючых пасадах, яны прайшлі ў камісію як прадстаўнікі грамадскіх аб'яднанняў.
27.09.2010 Беларусь можа вярнуцца да непрынятых рэкамендацый ААН
Тое, што Беларусь не прыняла 18 рэкамендацый ААН, не азначае, што дзяржава да іх не вернецца і што яны не могуць быць выкананы. Аб гэтым паведаміў у эфіры тэлеканала АНТ пастаянны прадстаўнік Беларусі пры міжнародных арганізацыях у Жэневе Міхаіл Хвастоў.
27.09.2010 Арыштаваны на 10 сутак Жукоўскі галадае за кратамі
Гомельскі актывіст Кастусь Жукоўскі, арыштаваны на 10 сутак Петрыкаўскім раённым судом нібыта за лаянку й супраціў міліцыі, трымае галадоўку.
27.09.2010 Ініцыятыўная група Лукашэнкі ў Маладэчне была сфармавана прымусова
Маладэчанскіх настаўнікаў прымусова запісвалі ў ініцыятыўную групу кандыдата Лукашэнкі. Па школах, як заўсёды, зверху была спушчана разнарадка, колькі настаўнікаў трэба вылучыць для збору подпісаў за патрэбнага кандыдата. Па словах намесніцы дырэктара адной з маладэчанскіх школаў, сёлета гэта было як ніколі складана.
27.09.2010 Працягваюцца затрыманьні актывістаў па падазрэньні ў падпале расійскай амбасады ў Мінску
25 верасьня стала вядома пра яшчэ аднаго затрыманага актывіста: Ігара Трухановіча. Паводле словаў ягоных бацькоў, Ігара напярэдадні затрыманьня выклікалі на «размову», дахаты ён гэтак і ня вернуўся. У тэлефоннай размове з дзяжурным ІЧУ на вуліцы Акрэсьціна бацькам паведамілі, што Ігар сапраўды знаходзіцца ў іх, ён затрыманы да 27 верасьня па арт. КК РБ 339 (хуліганства). Болей інфармацыі супрацоўнік ІЧУ даць адмовіўся.
27.09.2010 Баранавічы: Толькі “Справядлівы свет” вылучыў прадстаўніка ў склад гарадской выбарчай камісіі
Нягледзячы на тое, што ў Баранавічах дзейнічаюць мясцовыя суполкі Партыі БНФ, дзвюх сацыял-дэмакратычных партыяў, АГП, ініцыятыўная група БХД, але толькі ад партыі левых “Справядлівы свет” вылучаны прадстаўнік у склад гарадской тэрытарыяльнай выбарчай камісіі. Ім стаў актыўны партыец Віктар Цяпін, які неаднаразова балатаваўся кандыдатам у дэпутаты Палаты прадстаўнікоў, а таксама гарадскога Cавета дэпутатаў.
