29.10.2010 Пракуратуру просяць разабрацца, хто дзейнічае ад імя неіснуючых камісій
Пры зборы подпісаў выявілася, што па дамах у Светлагорску ходзяць асобы, якія называюць сябе прадстаўнікамі ўчастковых выбарчых камісій. Яны правяраюць спісы выбаршчыкаў. Насамрэч, згодна Выбарчаму кодэксу, гэтыя камісіі будуць утвораны пасля 31 кастрычніка.
29.10.2010 Свіслач: У тэрытарыяльнай камісіі не ведаюць выбарчага заканадаўства?
Прадстаўніца камісіі не прымала ў сябра ініцыятыўнай групы Рыгора Кастусёва аркушы з подпісамі, якія збіраў іншы сябра ініцыятыўнай групы, патрабуючы асабістую прысутнасць таго. Атрымліваецца, што сябры раённай ТВК не ведаюць выбарчага заканадаўства.
29.10.2010 Сняжана Неўдах звяртаецца да Лукашэнкі другі раз
Маці траіх дзяцей, жыхарка Берасьця Снежана Неўдах пісьмова зьвярнулася да кіраўніка краіны Аляксандра Лукашэнкі, каб ён дапамог атрымаць маці растралянага па прысуду суда Андрэя Жука звесткі пра месца пахаваньня сына. Днямі яна атрымала адказ з дэпартаменту выкананьня пакараньняў МУС, датаваны 25 сакавіка. У “дзяжурнай адпісцы” паведамляецца, што паводле артыкула 175 Крымінальна-выканаўчага кодэксу, цела пакаранага для пахаваньня не выдаецца, пра месца пахаваньня таксама не паведамляецца.
29.10.2010 “Хрыстос забаронены” на экспертызе ў КДБ
Ва ўпраўленне КДБ па Гродзенскай вобласці дакументальна-публіцыстычны фільм, зняты сустаршынёй аргкамітэта па стварэнні партыі БХД Аляксеем Шэінам, накіраваны Ашмянскай мытняй, пра што аўтар фільма даведаўся ўчора з афіцыйнага ліста.
28.10.2010 “Паўстае шмат пытанняў да Міністра адукацыі А.Радзькова, які кіруе ініцыятыўнай групай А.Лукашэнкі”
Гэтымі днямі грамадскія актывісты Мікіта Красноў і Вячаслаў Дзіянаў накіравалі ў Цэнтральную камісію яшчэ адну скаргу па факту збору подпісаў за вылучэнне кандыдатам у прэзідэнты А.Лукашэнкі не сябрамі ініцыятыўнай групы з ліку студэнтаў БДУІР. “Курыраваў” збор подпісаў сябра ініцыятыўнай групы Хмыль А.А., прарэктар па вучэбнай працы БДУІР. Як Міністр адукацыі А.Радзькоў патлумачыць масавы ўдзел студэнтаў у пікетах па зборы подпісаў за вылучэнне А.Лукашэнкі ў вучэбны час? Такім чынам пытанне ставіць аналітык кампаніі “Праваабаронцы за свабодныя выбары” Валянцін Стэфановіч.
28.10.2010 Правы чалавека ў развагах і праграмах прэтэндэнтаў на прэзідэнцкую пасаду
Якую ўвагу Вы будзеце ўдзяляць абароне правоў чалавека, калі прыйдзеце да ўлады? Ці падтрымліваеце Вы ўвядзенне ў Беларусі інстытута ўпаўнаважанага (амбудсмэна) па правах чалавека? Такія пытанні “Праваабаронцы за свабодныя выбары” задалі прэтэндэнтам у кандыдаты.
28.10.2010 Палітычныя партыі не пускаюць на Усебеларускі сход
Вылучаць упаўнаважаных для абрання дэлегатамі на IV Усебеларускі народны сход могуць толькі тыя палітычныя партыі і грамадскія аб’яднанні, у складзе якіх не меней 100 тысяч чалавек.
28.10.2010 Маладэчна: Спроба сарваць пікет з удзелам Аляксандра Мілінкевіча
27 кастрычніка ў Маладэчне адбыўся пікет у падтрымку Рыгора Кастусёва, у якім разам з прэтэндэнтам у кандыдаты ўдзельнічаў Аляксандр Мілінкевіч. Пікет прыцягнуў увагу праваахоўных органаў.
28.10.2010 На сайце Мазырскага БРСМ - выбары, рытуальныя паслугі і порна
На сайце мазырскай гарадской арганізацыі БРСМ навіны пра выбары прэзідэнта падаюцца ў даволі нечаканым кантэнце. Напрыклад, пад інфармацыяй у рубрыцы "Выбары Прэзідэнта Рэспублікі Беларусь!" - “Маскоўскае гарадское бюро рытуальных паслуг з радасцю паведамляе...”, а пад артыкулам “Мы - грамадзяне Беларусі!” прапаноўваецца парнаграфія-анлайн.
28.10.2010 Пінск: Пакуль агучана толькі колькасць подпісаў, сабраная за Рыгора Кастусёва
У Пінску таксама працавалі ініцыятыўныя групы Яраслава Раманчука, Уладзіміра Някляева, Алеся Міхалевіча і Аляксандра Лукашэнкі. Каардынатары гэтых ініцыятыўных груп абяцалі паведаміць колькасць сабраных подпісаў пазней.
28.10.2010 Барысаў: Праваабаронцы не пакідаюць надзеі назіраць за праверкай подпісаў
Назіральнікі ў Барысаўскай тэрытарыяльнай выбарчай камісіі Марына Статкевіч і Алег Мацкевіч накіравалі ў Мінскую абласную выбарчую камісію скаргу на забарону ТВК на назіранне за працэдурай праверкі сапраўднасці подпісаў за патэнцыйных кандыдатаў.
28.10.2010 Затрыманы яшчэ адзін “хуліган” – архітэктар Новікаў
У Менску 27 кастрычніка быў затрыманы архітэктар Антон Новікаў. Пакуль вядома, што маладога чалавека зьмясцілі ў ІЧУ на Акрэсціна на трое сутак. Напярэдадні ён атрымаў позву на допыт у якасьці сьведкі, аднак допыт завяршыўся арыштам. Яго падазраюць у нападзе на банкамат вясной гэтага году.
28.10.2010 Неабходна спыніць перасьлед моладзевых актывістаў!
Сумесная заява Міжнароднай федэрацыі за правы чалавека (FIDH) і Праваабарончага цэнтру «Вясна». Парыж-Мінск, 26 кастрычніка 2010.
28.10.2010 Маладэчна: Вайскоўцаў папярэдзілі, што правераць, за каго яны ставілі подпісы
Зборшчыкі подпісаў за Алеся Міхалевіча былі вельмі здзіўленыя, калі, абыйшоўшы 45-кватэрны дом, атрымалі нулявы вынік. Неўзабаве стала вядома, што жыхары гэтага дома – вайскоўцы, і іх на працы папярэдзілі, што ўсе подпісы правяраюцца, таму начальству будзе вядома, хто за каго падпісаўся.
28.10.2010 Брэст: Зборшчыца подпісаў накіравала скаргу на нядопуск яе ў інтэрнат
Таццяна Тхарова, сябра ініцыятыўнай групы па вылучэнні кандыдатам у прэзідэнты Беларусі Віталя Рымашэўскага, звярнулася з заявай у тэрытарыяльную камісію па выбарах прэзідэнта РБ Ленінскага раёна г.Брэста.
