23.12.2011 Наталля Шкадун дамаглася адмены папярэджанняў адміністратыўнай камісіі па справах непаўнагадовых

23 снежня суд Ленінскага раёна Магілёва цалкам рэабілітаваў Наталлю Шкадун і яе непаўнагадовага сына Пятра. Афіцыйныя папярэджанні, якія былі вынесены ёй і яе сыну адміністратыўнай камісіяй па справах непаўнагадовых, суд адмяніў. Суддзя Ірына Сарока палічыла, што міліцыянты і камісія дапусцілі шмат памылак падчас працы.

23.12.2011 Салігорцы зноў адстаялі лес

Аднак гарантый ад далейшых пасягальніцтваў чыноўнікаў на здаровы навакольны асяродак жыхары сталіцы шахцёраў пакуль не маюць.

23.12.2011 У Асіповічах пракуратура падтрымала міліцэйскае свавольства

Грамадскі актывіст Ігар Сімбіроў 22 снежня атрымаў з траспартнай пракуратуры па Асіповіцкім раёне адказ на сваю скаргу на дзеянні супрацоўнікаў міліцыі. 8 кастрычніка на вакзале ў Асіповічах Ігара Сімбірова затрымалі двое незнаёмых людзей у цывільным, якія гвалтам зацягнулі яго ў аддзяленне транспартнай міліцыі, дзе грамадскі актывіст быў збіты, міліцыянеры ўсяляк здзекваліся з яго за тое, што ён размаўляў па-беларуску.

23.12.2011 У Гомелі час беларусізацыі не прыйшоў, лічыць чыноўнік

Начальнік аддзелу транспарту, камунікацый і экалогіі Гомельскага гарвыканкаму Вячаслаў Пятроў правёў «гарачую лінію» у рэдакцыі газеты «Савецкі раён». Сярод іншых пытанняў, датычных працы гарадскога транспарту, паступіла і прапанова ад ТБМ абвяшчаць прыпынкi ў тралейбусах па-беларуску, як гэта робіцца ў аўтобусах.

23.12.2011 Абсерваторыя па абароне праваабаронцаў асуджае прысуд намесніку старшыні ПЦ “Вясна” Валянціну Стэфановічу

Абсерваторыя па абароне праваабаронцаў, сумесная праграма Міжнароднай федэрацыі правоў чалавека (FIDH) і Сусветнай арганізацыі супраць катаванняў (OMCT), асуджае прысуд, вынесены ў дачыненні да намесніка старшыні Праваабарончага Цэнтра “Вясна” Валянціна Стэфановіча, у выглядзе штрафу ў памеры 53 млн. рублёў (каля 4 840 еўра).

23.12.2011 Журналістка Intex-press стала пераможцай конкурсу на тэму смяротнага пакарання

Конкурс для журналістаў, якія пішуць на тэмы турэмнага і смяротнага пакарання, БАЖ праводзіў разам з маскоўскім офісам Міжнароднай турэмнай амністыі (PRI). Артыкул баранавічскай журналісткі Наталлі Семяновіч атрымаў высокую адзнаку маўскоўскіх экспертаў, якія ўваходзілі ў склад журы конкурсу.

23.12.2011 Віцебскія праваабаронцы дачакаліся адказу на свае рэкамэндацыі па паляпшэньні працы судоў

Раней мы паведамлялі пра рэакцыю віцебскіх праваабаронцаў на прапанову Вярхоўнага суду па маніторынгу судовай сыстэмы. Яны накіравалі ў найвышэйшую судовую ўстанову дзяржавы свае рэкамэндацыі па паляпшэньні працы судоў.

23.12.2011 Падчас візіту Марыны Адамовіч у шклоўскую калонію быў выстаўлены блок-пост

Праваабаронцаў і журналістаў, якія таксама прыехалі туды, на паркоўку каля калоніі не пусцілі. Заезд быў перакрыты – адміністрацыя калоніі выставіла самаробны знак “Уезд забаронены”, які яўна не адпавядаў стандартам. Від на ўваход у калонію перакрывалі два прыпаркаваныя мікрааўтобусы і трактар з пяском, якія такім чынам прастаялі два дні. Акрамя гэтага, на варце стаялі супрацоўнікі ўнутраных войскаў і міліцыі, якія назіралі за журналістамі і праваабаронцамі і непадпускалі іх бліжэй за сто метраў.

23.12.2011 Чэшскія няўрадавыя арганізацыі заклікалі Беларусь да вызвалення палітычных вязняў

Першым заклікам 19 сьнежня была ранішняя акцыя перад беларускай амбасадай у Празе за вызваленне Алеся Бяляцкага і астатніх беларускіх палітычных вязняў. Пасля яе адбылося інсцэнаванае затрыманне студэнтаў у Карлавым універсітэце і флэшмоб у цэнтры Прагі.

23.12.2011 Сяргея Каваленку арыштавалі да сканчэння следcтва

Віцебскага сябра КХП-БНФ вінавацяць, што ён парушыў рэжым адбывання ўмоўнага пакарання. Пакуль па гэтай справе вядзецца следcтва, ён будзе знаходзіцца пад арыштам.

23.12.2011 Польскія НДА заступіліся за актывістак FEMEN

Польскія няўрадавыя арганізацыі, што ўваходзяць у рабочую групу па Беларусі пры групе Замежжа распаўсюдзілі заяву ў сувязі з выкраданьнем актывістаў ўкраінскай арганізацыі FEMEN, здзейсненым фунцыянерамі беларускага КДБ.

22.12.2011 Тэрмінова патрэбна дапамога!

У дзіцячае аддзяленне анкалагічнага цэнтра патрабуецца кроў 2-ой групы, рэзус-фактар - адмоўны. Дапамажыце ў распаўсюдзе гэтай інфармацыі! Маленькая 5-гадовая дзяўчынка памірае. Ёй трэба дажыць да аперацыі.

Тэлефон дзіцячага аддзялення анкацэнтра ў Бараўлянах: 60 17 45 .

22.12.2011 Бабруйск: За запаленыя свечкі – 700 тысяч штрафу

22 снежня суддзя Таццяна Тарабуева вынесла вырак па справе затрыманых за запаленыя свечкі чацвярых бабруйчан. Арцёму Мархасёву, Алене і Дзмітрыю Тоўсцікам, Марыне Івановай прысудзілі сплаціць па 20 базавых велічынь ці па 700 тысяч беларускіх рублёў. Маладых людзей прызналі вінватымі ў парушэнні закона “Аб масавых мерапрыемствах”.

22.12.2011 Прывід Тантон-Макута

"Калісьці даўно, у 1986 годзе, калі я вучыўся ў школе, на ўроках палітінфармацыі нам распавядалі страшныя гісторыі аб звергнутым рэжыме гаіцянскага дыктатара Дзювалье. Асабліва мяне ўразілі аповяды пра спецыяльную службу дыктара – тантон-макутаў..." - піша Валянцін Стэфановіч.

22.12.2011 Невінаватасць актывіста брэсцкі суд хавае за іншымі фармулёўкамі

Адміністратыўная справа ў адносінах да брэсцкага грамадскага актывіста Віктара Чайкоўскага, распачатая год таму, спынена «ў сувязі са сканчэннем тэрмінаў для накладання адміністратыўнага спагнання».