27.08.2020 Мінчука з інваліднасцю адправілі на "суткі" пасля адмены рашэння суда. Праваабаронцы звярнуліся да спецдакладчыка ААН
Мінчука Анатоля Кудласевіча, які мае інваліднасць другой групы, асудзілі на 10 сутак за ўдзел у законным пікеце па зборы подпісаў. Вышэйстаячы суд адмяніў рашэнне суда аб арышце мужчыны, але яго ўсё роўна прымусілі адбываць пакаранне. Пасля таго, як Анатоль адбыў «суткі», адбыўся новы суд, які асудзіў яго за ўдзел у тым жа пікеце на буйны штраф.
27.08.2020 ЕС і Канада заклікалі ўлады Беларусі выконваць узятыя міжнародныя абавязацельствы
Высокі прадстаўнік Еўрасаюза па знешняй палітыцы і палітыцы бяспекі Жазэп Барэль і міністр замежных спраў Канады Франсуа-Філіп Шампань выступілі з сумеснай заявай, у якой нагадалі ўладам Беларусі аб узятых міжнародных абавязацельствах, у тым ліку ў межах АБСЕ.
27.08.2020 "Не выключаю затрыманне". Латушка заўважыў сачэнне каля свайго дома
Група невядомых у чорных масках сочаць за членам прэзідыума Каардынацыйнага савета апазіцыі Паўлам Латушкам з аўтамабіля. Пра гэта паведамляе сайт naviny.by.
27.08.2020 За белую стужку разбілі нос і машыну. Сведчаць пацярпелыя
31-гадовы мінчук Мікалай Бондар у ноч з 11 на 12 жніўня быў фактычна выхаплены сілавікамі на вуліцы Пляханава з уласнай машыны за белую стужку на руцэ. Супрацоўнікі ДАІ і АМАПу разбілі яго машыну, збілі яго самога, зламалі нос і забралі на Акрэсціна. Мікалай распавёў «Вясне», што з ім адбывалася ў тую ноч.
26.08.2020 Праваабарончыя арганізацыі запатрабавалі тэрміновага склікання Савета ААН па правах чалавека для абмеркавання сітуацыі ў Беларусі
Савет ААН па правах чалавека павінен тэрмінова склікаць спецыяльную сесію для вырашэння крызісу ў галіне правоў чалавека ў Беларусі, дзе пасля спрэчных прэзідэнцкіх выбараў улады пачалі поўнамаштабныя рэпрэсіі, гаворыцца ў адкрытым лісце Amnesty International і 15 міжнародных і беларускіх НКА да галоўнага праваабарончага органа ААН.
26.08.2020 МЗС Літвы уключыў у "чорны спіс" 118 службовых асобаў, а ЕС не мае намеру спускаць на тармазах парушэнні правоў чалавека ў Беларусі
МЗС Літвы прапануе ўвесці нацыянальныя санкцыі ў дачыненні да службовых асобаў Беларусі, а МЗС ФРГ заявіў, што Еўразвяз не мае намеру "пакідаць без адказу сур'ёзныя парушэнні правоў чалавека і асноватворных прынцыпаў дэмакратыі".
26.08.2020 Probono.by прапануе дапамогу пацярпелым ад рук сілавікоў
Валанцёрскі праект Probono.by з'явіўся пасля масавых затрыманняў і збіцця удзельнікаў мірных акцый пратэстаў як дапамога ў розных накірунках для пацярпелых ад дзеянняў сілавікоў.
26.08.2020 Закрытыя ўстановы – небяспечнасці COVID-19: Арышт і нават пазбаўленне волі – наступствы парушэння ўмоў самаізаляцыі
Юрыст Праваабарончага цэнтра "Вясна" Павел Сапелка прааналізаваў палажэнні Пастановы Саўміна "Аб увядзенні абмежавальнага мерапрыемства" у сувязі з іншымі заканадаўчымі актамі і практыкай іх прымянення.
26.08.2020 БХК патрабуе стварыць парламенцкую камісію па расследаванні катаванняў
Беларускі Хельсінкскі камітэт звярнуўся ў Нацыянальны сход Беларусі з патрабаваннем стварыць парламенцкую камісію па расследаванні катаванняў. Таксама праваабаронцы прапануюць людзям пісьмова звярнуцца да сваіх дэпутатаў з просьбай ініцыяваць стварэнне такой камісіі.
26.08.2020 Суды і затрыманні не спыняюцца ў Беларусі 26 жніўня. Разгон на плошчы Незалежнасці
У Мінску і іншых гарадах Беларусі 26 жніўня працягваюцца затрыманні ўдзельніках мірных акцый пратэсту, пройдуць суды над затрыманымі напярэдадні грамадзянамі.
26.08.2020 Удзельнікаў страйку на Баранавічскім авіярамонтным заводзе будуць судзіць
Баранавіцкія актывісты і праваабаронцы просяць усіх, хто можа, падысці на судовае паседжанне 27-га жніўня ў 14.30 па справе актывістаў страйку, каб падтрымаць БАЗаўцаў.
26.08.2020 Таксісту, якога збілі ў Горадні амапаўцы, пагражае крыміналка
У ноч з 11 на 12 жніўня таксіст Аляксей Лапа скончыў працу і прыехаў да сяброў да крамы "Алмі" на вуліцу Савецкіх памежнікаў. Туды пад'ехала браніраваная тэхніка і таніраваны мікрааўтобус з супрацоўнікамі АМАПа. Кіроўца таксі прыціснуўся да абочыны, але амапаўцы выйшлі і пачалі біць машыну.
25.08.2020 Пагроза згвалтавання і "калектыўная адказнасць". Сведчаць пацярпелыя
Мянчук Алег Харытончык шпацыраваў 11 жніўня ў раёне Нямігі. Раптам выйшлі амапаўцы і запатрабавалі ў Алега мабільны тэлефон. Калі ў тэлефоне знайшлі прылады Psiphon і Telegram, пачаліся допыты: "Куды ідзеш? Навошта ты тут?", "Ідзеш будаваць барыкады і камяні кідаць?».
25.08.2020 25 жніўня ў Беларусі працягваюць затрымліваць мірных грамадзян
У Мінску і іншых гарадах Беларусі 25 жніўня працягнуліся затрыманні ўдзельніках мірных масавых акцый.
25.08.2020 Пры жорсткім разгоне сілавікі зламалі руку, а потым ноч трымалі на Акрэсціна. Мінчук – пра ноч з 10 на 11 жніўня
На другі дзень пратэстаў у Беларусі 10 жніўня ў інтэрнэце з'явілася відэа, дзе на праспекце Дзяржынскага ў Мінску АМАП жорстка разганяе групу маладых людзей. Да іх пад'ехаў аўтобус, адкуль выскачылі супрацоўнікі АМАПу. Пасля таго, як маладыя людзі згрупаваліся, сілавікі пачалі збіваць іх. Сярод збітых і затрыманых – 25-гадовы мінчанін Вячаслаў Чакан.
