31.07.2012 Падтрымайце Алеся Бяляцкага 4 жніўня!
Праваабарончы цэнтр “Вясна” звяртаецца да калегаў, прадстаўнікоў міжнародных і беларускіх праваабарончых арганізацый, з заклікам правесці 4 жніўня, у Міжнародны Дзень салідарнасці з грамадзянскай супольнасцю і праваабарончым рухам Беларусі, акцыі ў падтрымку Алеся Бяляцкага - старшыні Праваабарончага цэнтру “Вясна” і віцэ-прэзідэнта Міжнароднай федэрацыі за правы чалавека (FIDH), які быў арыштаваны 4 жніўня 2011 г. і асуджаны да чатырох з паловай гадоў пазбаўлення волі за актыўню праваабарончую дзейнасць.
31.07.2012 Наступствы "шведскага дэсанта": Рачкоўскі і Пахмелкін вызваленыя ад пасадаў
Старшыня Дзяржпагранкамітэта генерал-маёр Ігар Рачкоўскі і камандуючы ВПС і войскамі СПА Узброеных Сіл генерал-маёр Дзмітрый Пахмелкін вызваленыя ад займаных пасадаў за неналежнае выкананне службовых абавязкаў па забеспячэнню нацыянальнай бяспекі Рэспублікі Беларусь. Такое рашэнне прыняў Аляксандр Лукашэнка.
31.07.2012 Мікалая Дзядка прызналі “схільным да захопу закладнікаў”
Пра гэта паведаміў бацька зняволенага актывіста Аляксандр Дзядок. “І гэта пры тым, што Мікалай ужо два месяцы сам-насам знаходзіцца ў памяшканні камернага тыпу”, – кажа ён.
31.07.2012 Суддзя адмовіла ў зыску супраць Яны Ляснеўскай
Прычына - прайшоў тэрмін даўніны з часу здзяйснення правапарушэння.
31.07.2012 Слонімскі чыноўнік пра Івана Шэгу: “Усё роўна нікуды не пусцяць”
Адзін з супрацоўнікаў Слонімскага райвыканкаму “падказаў” актывістам ініцыятыўнай групы апазіцыйнага прэтэндэнта ў кандыдаты, што калі Іван Шэга надумае вылучацца ад партыі, то няхай нават нос не суне.
31.07.2012 Павел Сапелка не знаходзіць прапаганды культу гвалту і жорсткасці ў дзеяннях Яніны Ляснеўскай
Каментуючы адміністрацыйны працэс па абвінавачванні Яніны Ляснеўскай ў распаўсюдзе твораў, якія прапагандуюць культ гвалту і жорсткасці, юрыст-праваабаронца Павал Сапелка адзначае, што ў дзеяннях жыхаркі Оршы адсутнічаюць прыкметы складу адміністрацыйнага правапарушэння, прадугледжанага ст.17.8 КаАП.
31.07.2012 Міхаіла Пашкевіча спрабавалі абвінаваціць у датэрміновай агітацыі
Прадстаўнікі акруговай выбарчай камісіі падставай для складання акту аб парушэнні выбарчага заканадаўства палічылі інфармацыю з біяграфіяй актывіста на пікетах, а таксама расцягнуты сцяг грамадскай кампаніі “Гавары праўду!”
31.07.2012 Гомель: ад пацыентаў патрабуюць падпісвацца за галоўурача кардыялагічнага дыспансера
Подпісы за патэнцыйнага кандыдата ад улады па Гомельскай-Прамысловай акрузе, якім з'яўляецца галоўны ўрач кардыялагічнага дыспансера Ганна Лапаціна, па кватэрах збіраюць таксама настаўнікі мясцовых школ, якія скардзяцца, што іх да гэтага прымусілі.
31.07.2012 Пікеты салідарнасці з Алесем Бяляцкім забараняюць паўсюдна (дадаецца)
Пра гэта паведамляюць рэгіянальныя праваабаронцы і грамадскія актывісты, якія падавалі заяўкі, каб правесці мерапрыемствы 4 жніўня - калі спаўняецца год з моманту арышту кіраўніка Праваабарончага цэнтру “Вясна” і віцэ-прэзідэнта Міжнароднай Федэрацыі за правы чалавека Алеся Бяляцкага. Мясцовыя чыноўнікі для адмоваў у правядзенні пікетаў знаходзяць "стандартныя" прычыны.
31.07.2012 Як стаць назіральнікам за парламенцкімі выбарамі ў Беларусі?
Стаць назіральнікам на беларускіх парламенцкіх выбарах вельмі проста. Паводле закона, любы грамадзянін Беларусі, якому ўжо ёсць 18 гадоў, мае права ўдзельнічаць у кантролі за выбарамі. Назіраць можна ў любой кропцы краіны ў незалежнасці ад месца рэгістрацыі.
31.07.2012 Бабруйск: Першы пікет у падтрымку Аксаны Самуйлавай (фота)
Магіляўчанка Аксана Самуйлава, якая 30 ліпеня ў Бабруйску ўдзельнічала ў двух пікетах па зборы подпісаў за сваё вылучэнне ў дэпутаты парламента, адзначае, што бабруйчане з невялікай цікаўнасцю ставяцца да самога факту правядзення выбараў, але агрэсіі таксама не выказваюць.
31.07.2012 Міліцыя ўсё ж такі выселіла летнік маладых сацыял-дэмакратаў пад Магілёвам
Усе 50 удзельнікаў летняга лагера «Маладых сацыял-дэмакратаў - Маладая Грамада" выселеныя з турбазы Магілёўскага металургічнага завода, хоць адпачынак быў аплочаны да 5-га жніўня. Прычына: раптоўны прыезд спартсменаў.
31.07.2012 3 жніўня - пікет у падтрымку свабоднай Беларусі ў Маскве
Расійскія праваабаронцы правядуць пікет салідарнасці з грамадзянскай супольнасцю Беларусі.
31.07.2012 Камісія магілёўскай турмы № 4 адмовілася змякчыць рэжым утрымання Мікалаю Статкевічу
Аб гэтым Статкевіч паведаміў у лісце да сваёй жонкі Марыны Адамовіч. Паводле яе слоў, ён напісаў ліст па адбыцці 10 сутак у штрафным ізалятары.
31.07.2012 У Магілёве застаўся без працы актывіст Партыі БНФ Уладзімір Трызуноў
Ён працаваў грузчыкам на хлебазаводзе. Як сцвярджае актывіст, звольнілі яго за тое, што ён сфатаграфаваў, а потым апублікаваў у інтэрнэце фота, на якім бачна, як захоўваюцца на прадпрыемстве прадукты, з якіх пякуць прысмакі. Фармальная прычына звальнення Трызунова - прагул.
