20.09.2012 Віцебскія выбарчыя камісіі "згубілі" два дамы. Затое яшчэ два – "знайшлі"
Здарылася так праз нядбайнасць сябраў камісій або выпадкова – значэння ў прынцыпе не мае. Галоўнае, што "страчаныя" і "знойдзеныя" дамы – гэта глеба для махінацый з падлікамі, лічаць праваабаронцы і ўдзельнікі выбарчай кампаніі.
20.09.2012 Прымус да датэрміновага галасавання ў Салігорску
Жанчына ледзь не расплакалася. Не ведала, як апраўдацца перад начальнікам за тое, што не прагласавала. Увогуле, многія прыходзяць і кажуць, што выбары гэтыя іх наогул не цікавяць, але начальства гоніць “у шыю”.
20.09.2012 Слонім: КДБ запалохвае назіральніка
Па словах юнака, да яго ў пакой прыйшлі два чалавекі, паказалі пасведчанні супрацоўнікаў КДБ і папярэдзілі, каб ён больш не займаўся назіраннем на выбарах. “Калі будзеш і далей займацца назіраннем за выбарамі, — сказалі супрацоўнікі КДБ, — то не знойдзеш працы не толькі ў Слоніме, але і ў адсталым, задрыпаным калгасе”.
20.09.2012 Баранавічы: міліцэйскі чыноўнік не хоча бачыць парушэнняў выбарчага заканадаўства
Назіральнік Сяргей Гоўша 19 верасня атрымаў адказ з УУС Брэсцкага аблвыканкама на сваю скаргу пра ўхіленні супрацоўнікаў Баранавіцкага ГАУС ад аб’ектыўнага і сумленнага разгляду справы аб фальсіфікацыі пратакола № 1 пасяджэння акруговай выбарчай камісіі № 5.
20.09.2012 Бяроза: Арганізаваны давоз на датэрміновае галасаванне (фота)
На выбарчым участку № 57 Пружанскай выбарчай акругі № 9 у першы дзень датэрміновага галасавання прывезлі з мясцовай вайсковай часткі да абеда 12 салдат тэрміновай службы, а за паўгадзіны да закрыцця, г.зн. у 18.30 - 44 вайскоўцаў тэрміновай службы.
20.09.2012 Брэст: участковая камісія скардзіцца на фотажурналістку
Сябры участковай выбарчай камісіі №44 перадалі ў Брэсцкую-Заходнюю акругу №1 заяву, у якой распавядаецца пра “некарэктнасць паводзінаў” з боку фотакарэспандэнта газеты “Брестский курьер” Міланы Харытонавай.
20.09.2012 Затрымалі за нацыянальную сімволіку і склалі пратакол (дапоўнена)
У Маладэчна вечарам 19 верасьня супрацоўнікі міліцыі затрымалі мясцовага моладзевага актывіста Ігара Ліўштанга, які вырашыў адзначыць День нацыянальнай сімволікі прагулкай па горадзе з бел-чырвона-белым сцягам. Як высветлілася сёння, Ігара Ліўштанга пасля складання пратаколу затрымання адпусцілі дадому разам з бацькам.
20.09.2012 Рагачоў: настаўнікі самі галасуюць, самі сябе віншуюць
Бязлітасным пафасам дае справаздачы пра выбары рагачоўская раённая газета «Свабоднае слова». «Ледзь прабілі першыя хвіліны датэрміновага галасавання, як самыя актыўныя рагачоўцы адзін за другім паспяшаліся на свае выбарчыя ўчасткі», - радасна паведаміла чытачам раёнка.
20.09.2012 Гомель: на некаторых участках яўка ўжо за два дні перавышана амаль у пяць разоў
На другі ж дзень датэрміновага галасавання на гэтым участку назіральнікі зафіксавалі 21 чалавека, а камісія – 75 чалавек. На участку №2 Савецкай акругі 19 верасня, па дадзеных назіральнікаў, прагаласавалі 22 чалавекі, а па дадзеных камісіі – 95.
20.09.2012 У Магілёве завышаюць колькасць прагаласаваўшых
Паводле назіральнікаў, у першы дзень галасавання прагаласавала ўсяго шэсць чалавек, аднак у пратаколе напісалі 16. Тое самае адбылося і ў другі дзень галасавання. Па падліках назіральнікаў за дзень прыйшло прагаласаваць усяго 14 чалавек, у пратаколе ж была пазначана лічба 98.
20.09.2012 Гародня: псіхалагічны ціск на назіральніка
Сяргею Більдзюку, назіральніку, вылучанаму Аб’яднанай грамадзянскай партыяй, патэлефанаваў невядомы. Па словах Більдзюка, яму сталі ў катэгарычнай форме загадваць забраць з участку рэгістрацыйныя дакументы і пераходзіць назіраць на іншы выбарчы ўчастак.
20.09.2012 Хоцімск: Агітацыйныя матэрыялы кандыдата знікаюць з выбарчых участкаў
Валерый Каранкевіч, кандыдат у дэпутаты Палаты прадстаўнікоў па Крычаўскай выбарчай акрузе № 83 сцвярджае, што яго агітацыйныя матэрыялы зніклі з шэрагу ўчасткаў у Хоцімскім раёне.
20.09.2012 Слонім: будучых медыкаў заганяюць галасаваць датэрмінова
Па загаду адміністрацыі каледжа на выбарчы ўчастак іх накіроўваюць, як салдат, строем і групамі. 18 верасня датэрмінова прагаласавалі 30 чалавек, 19 верасня на выбарчы ўчастак прыгналі ажно 70 навучэнцаў.
20.09.2012 За два дні датэрмінова прагаласавалі 7,2% выбарчшыкаў
Як паведаміў сакратар Цэнтрвыбаркама Мікалай Лазавік, у Брэсцкай вобласці прагаласавала 6,5% выбаршчыкаў (у першы дзень 2,5%), Віцебскай - 8,2% (3,3%), Гомельскай - 7,9% (3,3%), Гродзенскай - 6,3 % (2,4%), Мінскай - 6,4% (2,6%), Магілёўскай - 8,1% (3,4%), Мінску - 7,1 (3,2%).
20.09.2012 Слуцк: На сустрэчу з Інэсай Кляшчук прыйшоў адзін чалавек
У моладзевым цэнтры кандыдату ад улады Інэсе Кляшчук давялося размаўляць з мамамі, якія чакалі сваіх дзяцей пасля заняткаў у студыях. Толькі адзін жыхар Слуцка прыйшоў спецыяльна, каб задаць пытанне кандыдату, распавёў назіральнік БХК Віталь Амяльковіч.
