03.12.2012 Лунінец: дзяржаўная раёнка ганьбіць незалежны прафсаюз на прадпрыемстве “Граніт”
Выданне “Лунінецкія навіны”, заснавальнікам якога з’яўляецца мясцовы райвыканкам, надрукавала артыкул пад назовам “Пачым опіум для народа?”, у якім у зняважлівай манеры адлюстравана дзейнасць суполкі Беларускага нелаежнага прафсаюза на прадпрыемстве “Граніт” у Мікашэвічах.
03.12.2012 Гомельскія экс-кандыдаты ў дэпутаты звяртаюцца ў ААН
Падставай паслужыла адмова судоў разгледзець скаргі cтаршыні абласной арганізацыі Аб'яднанай грамадзянскай партыі (АГП) Васіля Палякова і сябра партыі Уладзіміра Няпомняшчых па фактах увядзення на тэлерадыёкампаніі "Гомель" палітычнай цэнзуры падчас сёлетніх парламенцкіх выбараў.
03.12.2012 Ад "Вольнага Глыбокага" патрабуюць абвяржэння за сюжэт НТВ
Рэдактар незалежнай газеты Уладзімір Скрабатун атрымаў ліст ад дырэктаркі Глыбоцкага прафесійнага ліцэю. Спадарыня Шынкевіч патрабуе, каб газета апублікавала абвяржэнне артыкула пра тое, што "глыбоцкіх школьнікаў прымушалі падымаць лён з-пад снегу".
03.12.2012 “Індэкс цэнзуры”: Крымінальныя артыкулы супраць свабоды слова павінны быць адмененыя!
Міжнародная арганізацыя “Індэкс цэнзуры” прэзентавала аналітычны даклад пра цэнзуру ў беларускім інтэрнэце. Прыводзім галоўныя высновы і рэкамендацыі экспертаў.
03.12.2012 Журналіста Сяргея Серабро затрымалі за фатаграфаванне ўкладкі асфальту
Рэдактара сайту "Народныя Навіны Віцебску" зацікавіла надзвычайная актыўнасць ў наваколлях дрэваапрацоўчага камбінату, які месціцца на самай ускраіне горада. Аказалася, на прадпрыемстве рыхтуюцца да візіту Аляксандра Лукашэнкі, які чакаецца на гэтым тыдні.
03.12.2012 Украінскія актывісты Amnesty International выступілі супраць смяротнага пакарання ў Беларусі
Сёння актывісты Amnesty International правялі ў Львове публічную акцыю супраць смяротнага пакарання ў Беларусі і ў знак салідарнасці з Любоўю Кавалёвай, маці Уладзіслава Кавалёва, пакаранага ў сакавіку 2012 года ў Мінску.
03.12.2012 Бабруйск: Новыя вуліцы могуць назваць у гонар Мікуліча і Грахоўскага (дакумент)
Бабруйская актывістка Вольга Піманава атрымала адказ з аддзела архітэктуры і горадабудоўлі. Збіраць подпісы за тое, каб вуліцы Бабруйска былі названыя імёнамі Мікуліча і Грахоўскага, было вырашана напрыканцы кастрычніка. Гэтую прапанову агучыў ў сваім лісце да Вольгі Піманавай праваабаронца і палітвязень Алесь Бяляцкі.
03.12.2012 Лісты Зміцера Дашкевіча спалілі
Палітвязень лістуецца са многімі людзьмі на волі. "З апошняга ліста ад Зміцера нарэшце стала зразумела, чаму мне так доўга не было адказу", -- распавядае віцебская каардынатарка аргкамітэту па стварэнні партыі БХД Тацяна Севярынец.
03.12.2012 У Маскве запланаваны пікет супраць знішчэння альбомаў BELARUS PRESS PHOTO
Журналістка “Новай газеты” Вікторыя Іўлева накіравала адпаведную заяўку ў прэфектуру Цэнтральнага раёна расійскай сталіцы. Мяркуецца, што пікет супраць знішчэння альбомаў BELARUS PRESS PHOTO пройдзе ў Маскве 5 снежня. Сёння чакаецца адказ уладаў.
03.12.2012 Магілёвец Юрый Новікаў працягвае абскарджваць канфіскацыю інфармацыйных матэрыялаў для назіральнікаў
Магілёўскі каардынатар кампаніі “За справядлівыя выбары 2012” Юрый Новікаў гэтым разам накіраваў наглядную скаргу на імя старшыні Магілёўскага абласнога суда.
02.12.2012 Слонім: падпіска на дзяржаўную прэсу ідзе пад прымусам
Кіраўнікі прадпрыемстваў і арганізацый Слонімшчыны павінны ў абавязковым парадку асабіста выпісаць па дзве дзяржаўныя газеты на 2013 год. Пра гэта ішла размова на адным з пасяджэнняў Слонімскага райвыканкама. Пасля заканчэння падпісной кампаніі ўсе падпісныя квіткі кіраўнікі павінны паказаць у райвыканкаме.
02.12.2012 Іван Крук падаў скаргу на дзеянні міліцыі
Астравецкі актывіст Іван Крук паўторна падаў скаргу на дзеянні міліцыянтаў. Справа цягнецца яшчэ з 21 верасня, калі Крука і Мікалая Уласевіча затрымалі супрацоўнікі праваахоўных органаў, на абодвух былі пачатыя адміністрацыйныя справы.
02.12.2012 Тры рэгіёны Брэстчыны далучыліся да праекта па супрацьдзеянню хатняму гвалту
Паводле статыстыкі, кожнае дзесятае тэлефанаванне на нумар 102 паступае ад ахвяр хатняга гвалту. Акрамя Брэста да праекта, які ажыццяўляецца па ініцыятыве Фонда ААН па народанасельніцтву і накріаваны на прадухіленне хатняга гвалту і забеспячэння гендэрнай роўнасці, далучыліся Кобрынскі і Камянецкі раёны.
02.12.2012 На прадпрыемстве “Граніт” працягваецца пераслед актывістаў незалежнага прафсаюза
Гэтым разам гаворка ідзе пра кіроўцу экскаватара Леаніда Дубаносава, ад якога адміністрацыя прадпрыемства, што знаходзіцца ў Мікашэвічах, патрабуе ў самы бліжэйшы час вызначыцца, ці будзе ён надалей плаціць сяброўскія складкі ў гэты прафсаюз праз бухгалтэрыю “Граніта”.
02.12.2012 Віцебская служба ЖКХ падманвае кватэраўладальнікаў
На пад'ездах жылых дамоў у Кастрычніцкім раёне Віцебску сталі з'яўляцца аб'явы наступнага зместу: пасля 26-га кожнага месяца будуць адключаць "паслугі ЖКГ", калі нехта не заплаціць за кватэру. Унізе – спасылка на Пастанову Савета міністраў №1466. Але напісана ў ёй зусім не тое, чым страшаць жыхароў абласнога цэнтру.
