Праваабарончы цэнтр «ВЯСНА»

19.01.2013 Павал Севярынец атрымаў трохдзённы адпачынак

Сустаршыня Беларускай Хрысціянскай Дэмакратыі паедзе ў Віцебск, дзе жывуць яго бацькі. Дарога з вёскі Купліна на Пружаншчыне займае шмат часу, таму пабыць дома Паўлу давядзецца каля 1,5 сутак, паведамляе прэс-служба БХД.

19.01.2013 Брэст: У судзе будзе разглядацца справа, у аснове якой -- хатні гвалт

Судмедэкспертам былі зафіксаваны пабоі, складзены пратакол і перададзены ў суд Ленінскага раёна Брэста. Суддзя Аляксандр Рэўцкі не знайшоў дастатковых абставін, каб прыцягнуць да адказнасці Ігара Куліковіча і справу спыніў. З гэтым Несцяровіч катэгарычна не пагадзілася і звярнулася з касацыйнай скаргай ў абласны суд.

18.01.2013 Зацемкі з няволі. Мовазнаўчыя

З лістоў Алеся Бяляцкага, дасланых з бабруйскай калоніі. "Мой стары-стары сябра Вінцук Вячорка да калядаў напісаў мне цэлы ліст. Апроч усяго ён, выдатнейшы “жывы” беларускі мовазнаўца, піша: “слова “Каляды” нічым не пярэчыць хрысьціянскаму канону, і я не ўхваляю яго татальную замену словам “Раство” (або “Ражджаство”)… Яшчэ моўны асьпект Калядаў: ялінка, а ня “ёлка”. Далей Вінцук Вячорка піша, што яго турбуе сітуацыя з выкарыстаньнем беларускага лацінскага алфавіту..."

18.01.2013 Пацярпелай у даўцы на Нямізе неабходна дапамога

Амаль 14 гадоў мінчанка Аксана Шаліма, пацярпелая ў даўцы на «Нямізе», змагаецца са страшным дыягназам. “Нашы лекары зрабілі для дачкі ўсё, што было ў іх сілах. Некалькі гадоў таму, быццам бы, яе збіраліся адправіць на лячэнне за межы Беларусі. У выніку, нікуды мы так і не паехалі, таму што хтосьці тут вырашыў, што гэта “немэтазгодна”, - кажа яе маці.

18.01.2013 Віцебскі актывіст Пётар Іваноў дамогся перамогі над РУП «Белпошта»

Гісторыя, у якой цяпер пастаўленая кропка, распачалася падчас парлямэнцкіх выбараў 2012 году. На тых выбарах Пётар Іваноў быў удзельнікам кампаніі «Праваабаронцы за свабодныя выбары».

18.01.2013 Дэпутат Юркевіч праблему рабочых “Бярозабуду” не вырашыў

Аляксандр Юркевіч, дэпутат Палаты прадстаўнікоў ад Бярозы, усё ж наведаў ліквідуемае прадпрыемства “Бярозабуд”. Але, па словах рабочых, сустрэча не спраўдзіла іх чаканняў. Дыскусіі не атрымалася.

18.01.2013 Зацемкі з няволі. Пра дзіцячую дабрачыннасьць

З лістоў Алеся Бяляцкага, дасланых з бабруйскай калоніі. "Я, калі бачу лісты ці малюнкі, дасланыя школьнікамі, заўсёды згадваю акцыі салідарнасьці, якія праводзілі савецкія дзеці. Яны мелі ідэалагічны падтэкст, але тады я не здагадваўся пра гэта ды і ня так гэта было важна..."

18.01.2013 Грамадскасць змагаецца за слонімскі лес

Сланімчане разам з прадстаўнікамі Слонімскага аб'яднання дэмакратычных сіл працягваюць адстойваць малады лес, хоць ужо пачалася яго высечка. Кіраўнік Слонімскага аб'яднання дэмакратычных сіл Іван Шэга звярнуўся з лістом у Камітэт Дзяржаўнага кантролю Рэспублікі Беларусь.

18.01.2013 Мікалай Аўтуховіч атрымаў больш за 200 віншаванняў з юбілеем

Пра гэта палітвязень распавёў у сваім лісце.

18.01.2013 У Мінску адбылася прэзентацыя кнігі "Справа Бяляцкага"

На ёй прысутнічалі сваякі і калегі Алеся з "Вясны", а таксама вядомыя праваабаронцы, палітычныя і культурныя дзеячы.

18.01.2013 Выставу пра БНР у Празе адчынілі. У Менск – не пусьцілі

У памяшканьні Нацыянальнай бібліятэкі ў Празе адчынілася выстава «Невядомая Беларуская Народная Рэспубліка»

18.01.2013 Мікола Уласевіч атрымаў літоўскую візу

Каардынатар Беларускай антыядзернай кампаніі Мікола Уласевіч атрымаў візу ў Літву з правам з 9 студзеня наведваць гэтую краіну. Разам з візай яму былі прынесены прабачэнні за мінулагоднюю забарону на ўезд у Літву, дзе ў гэты час праводзіўся рэферэндум па пытанні будаўніцтва атамнай электрастанцыі.

18.01.2013 Пракуратура Стакгольма: Справа аб "плюшавым дэсанце" не мае прамога дачынення да шведскай юстыцыі, бо інцыдэнт адбыўся за мяжой

Як паведаміла агенцтва Франс Прэс, Швецыя не атрымлівала з Літвы просьбу пераняць справу аб незаконным перасячэнні беларускай мяжы лёгкаматорным самалётам пад кіраўніцтвам шведскіх пілотаў, з борта якога над тэрыторыяй Беларусі яны скінулі сотні плюшавых мядзведзяў з лозунгамі, што заклікаюць да свабоды слова.