25.02.2014 Гродна: 20 безальтэрнатыўных акругаў
Афіцыйна апублікаваны спіс зарэгістраваных кандыдатаў у дэпутаты Гродзенскага гарадскога савету. Усяго па 30 акругах гораду над Нёманам гарадская выбарчая камісія зарэгістравала толькі 41 кандыдата, што складае 1,37 прэтэндэнтаў на адну акругу.
25.02.2014 Бабруйск: Рэгістрацыю не прайшлі толькі сябры "Гавары праўду"?
Пакуль афіцыйныя крыніцы не спяшаюцца дзяліцца з бабруйчанамі падрабязнай інфармацыяй, якая тычыцца выбарчай кампаніі. Ад самага пачатку яе даюць малымі, нешматслоўнымі дозамі, і, нягледзячы на тое, што рэгістрацыя кандыдатаў у дэпутаты ў гарсавет прайшла яшчэ 21 лютага, іх імёны застаюцца таямніцай.
25.02.2014 Валерый Каранкевіч абвінавачвае Уладзіміра Краўцова ў невыкананні дэпутацкіх абавязкаў
У заяве Валерый Каранкевіч піша пра тое, што дэпутат Уладзімір Краўцоў пасля прызначэння старшынёй Гродзенскага аблвыканкама не выконвае свае дэпутацкія абавязкі: не прыязджае на тэрыторыю сваёй выбарчай акругі і не сустракаецца з выбаршчыкамі, пакідае без рэагавання іх запыты і скаргі.
25.02.2014 Праваабарончая праграма “Людзьмі звацца!” на Беларускім Радыё Рацыя
"Падзея тыдня": "Праваабаронцы за свабодныя выбары" падвялі вынікі этапу вылучэння і рэгістрацыі кандыдатаў у дэпутаты на мясцовых выбарах. “Асоба. Дзяржава. Грамадства”: Таццяна Караткевіч падводзіць вынікі 4-гадовай дзейнасці кампаніі "Гавары праўду".
25.02.2014 Прадпрымальнікам могуць дазволіць наймаць не толькі блізкіх сваякоў
Індывідуальным прадпрымальнікам могуць дазволіць наймаць працаўнікоў, якія не з'яўляюцца членамі іх сем'яў. Пра гэта паведаміў сёння журналістам старшыня Беларускага саюза прадпрымальнікаў Аляксандр Калінін па выніках праведзенай ва ўрадзе сустрэчы прэм'ер-міністра Міхаіла Мясніковіча з прадпрымальнікамі.
25.02.2014 Пракуратура накіравала скаргу Шаршуна ў суд
Грамадзянін звярнуўся са скаргай на дзеянне міліцыянтаў, але пракуратура, перанакіраваўшы скаргу ў суд Цэнтральнага раёна, прадмет абскарджавання абазначыла як нязгоду Шаршуна з вядзеннем адносна яго адміністратыўнага працэсу.
24.02.2014 Салігорац абскарджвае забарону пікета да Дня правоў чалавека ў Мінскім абласным судзе
Салігорскі грамадскі актывіст Уладзімір Шыла абскарджвае ў касацыйнай інстанцыі забарону Салігорскім райвыканкамам пікету да Дня правоў чалавека. Адпаведную скаргу ён накіраваў у Мінскі абласны суд.
24.02.2014 Дземідзенку і Крэмянецкаму далі па 10 сутак арышту
22 лютага актывістаў затрымалі на украінскай мяжы, паставілі штампы на забарону ўезду на тэрыторыю Украіны на 5 год і адвезлі на беларускі бок. Пасля на мяжы з'явіліся міліцыянты, якія затрымалі хлопцаў за тое, што тыя нібыта лаяліся матам.
24.02.2014 Мазыр: раённая газета не надрукавала прозвішча адзінага альтэрнатыўнага кандыдата ў райсавет
У мазырскай раённай газеце «Жыццё Палесся» з'явілася рашэнне раённай выбарчай камісіі аб рэгістрацыі кандыдатаў. Так, на 40 дэпутацкіх месцаў тут прэтэндуе 41 чалавек, то бок ёсць толькі адзін незалежны кандыдат – качагар Міхаіл Караткевіч. Але яго прозвішча ў раённай газеце не было надрукавана.
24.02.2014 “Праваабаронцы за свабодныя выбары”: Закрытасць працэдураў выклікае недавер да рашэнняў ЦВК на этапе рэгістрацыі кандыдатаў у дэпутаты
Маніторынг праваабаронцаў не паказвае сур’ёзных абнаўленняў у правядзенні выбарчага працэсу ў звязку са зменамі ў выбарчым заканадаўстве. Селектыўны падыход арганізатараў выбараў, які праваабаронцы крытыкавалі падчас фармавання выбарчых камісіяў, застаўся і на наступным этапе – падчас вылучэння і рэгістрацыі кандыдатаў у дэпутаты.
24.02.2014 Кнігай Карбалевіча «Аляксандр Лукашэнка. Палітычны партрэт» занялося КДБ
Ашмянская мытня накіравала выданне ў рэгіянальны аддзел Упраўлення КДБ (РОУ КДБ) па Гродзенскай вобласці г. Ашмяны, каб даследаваць на прадмет аднясення да Пераліку забароненых да ўвозу ці вывазу з тэрыторыі Мытнага саюзу тавараў.
24.02.2014 У Бялынічах палохаюць адказнасцю за масавыя беспарадкі падчас выбараў (дакумент)
На інтэрнэт-старонцы Бялыніцкага райвыканкама з’явіўся дакумент за подпісам начальніка Бялыніцкага РАУС палкоўніка Юрыя Сіманава “Інфармацыя аб адказнасці за парушэнне выбарчага заканадаўства”.У шэрагу іншых узгадваюцца артыкул 292 (масавыя беспарадкі) і артыкул 342 (арганізацыя і падрыхтоўка дзеянняў, груба парушаючых грамадскі парадак).
24.02.2014 “Конкурс” на Магілёўшчыне: на адно дэпутацкае месца -- 1,9 кандыдатаў
Найбольшы конкурс назіраецца ў Магілёўскі абласны Савет дэпутатаў і гарадскія Саветы дэпутатаў Магілёва і Бабруйска -- 2,4 кандыдаты на месца. Пра гэта паведаміў старшыня абласной выбарчай камісіі Валеры Берастаў.
24.02.2014 Бабруйск: тром сябрам незалежнага прафсаюза не працягнулі кантракт
Аляксандр Мікітка, сябар пярвічкі Свабоднага прафсаюза Беларускага на заводзе ТДіА (трактарных дэталяў і агрэгатаў), быў удзельнікам нядаўняга судовага працэса, які тычыўся нявыплаты прэмій за высокую культуру вытворчасці. У цаху №2 адпрацаваў 11 гадоў, а агулам на заводзе ТДіА - больш за 23 гады.
24.02.2014 Пракурора па справе Кавалёва і Канавалава павысілі да 3-га класу дзяржаўнага саветніка юстыцыі
23-га лютага Аляксей Стук разам з шэрагам супрацоўнікаў праваахоўчых органаў атрымаў узнагароду з рук Аляксандра Лукашэнкі.
