25.07.2014 Бярозаўскі райвыканкам у чарговы раз не дазволіў пікет
Бярозаўскія праваабаронцы Сяржук Русецкі, Тамара Шчапёткіна і грамадская актывістка Таццяна Тарасевіч атрымалі адмову ў пікеце, які планаваўся 27 ліпеня. Мэтай пікету было нагадаць бярозаўчанам пра тое, што менавіта 27 ліпеня 24 гады таму была падпісана Дэкларацыя аб суверэнітэце Беларусі.
25.07.2014 Людзі ў цывільным затрымалі моладзевага актывіста Мікіту Броўку
Гэта адбылося прыкладна у 12:30 ва Ўруччы. Пра затрыманьне паведаміў сьведка, які аказаўся побач. Прычыны затрыманьня невядомыя. Тэлефоны не адказваюць. Мікіта Броўка зьяўляецца моладзевым актывістам і каардынатарам грамадзка-культурнай ініцыятывы Арт Сядзіба.
25.07.2014 Брэст: актывісты Аб'яднанай грамадзянскай партыі падалі скаргі ў Вярхоўны суд
Брэсцкі абласны суд прызнаў законнымі рашэнні аб накладанні штрафаў на сябраў АГП падчас выбарчай кампаніі ў мясцовыя Саветы. Не дала плёну і надзорныя скаргі на імя старшыні гэтага суду. Як паведаміў Уладзімір Вуек, штрафы былі накладзены пасля правядзення перадвыбарчых мерапрыемстваў.
25.07.2014 Валянцін Стэфановіч: Мінск выбарачна запрашае дакладчыкаў ААН
У чацвер стала вядома, што Беларусь даслала запрашэнне дакладчыкам Савета ААН па правах чалавека. Праваабаронца Валянцін Стэфановіч кажа, што наша дзяржава і раней запрашала дакладчыкаў, але падыходзіла да іх вельмі выбарачна.
25.07.2014 Электронную паштовую скрыню віцебскага лекара Ігара Пастнова ўзламалі невядомыя
У выніку знікла перапіска за апошнія чатыры месяцы. Пазней “дабразычлівец” напісаў дзіўны ліст, які хутчэй меў на мэце запалохаць урача.“Аднак я не запалоханы, спакойна стаўлюся да гэтага ліста, ігнарую яго і буду працягваць рабіць тое, чым займаюся,” – сказаў Ігар Пастноў .
24.07.2014 Чарговы нумар бюлетэня “Брэсцкае права” з’явіўся ў Бярозаўскім і Івацэвіцкім раёнах
Жыхары гэтых раёнаў з задавальненнем азнаёміліся з новым выданнем. Бюлетэнь “Брэсцкае права” дапаможа грамадзянам атрымаць адказы на юрыдычныя пытанні. Па словах сябра БХК Валянціна Лазарэнкава, ужо шмат пытанняў паступіла ад чытачоў “Брэсцкага права” па лініі ЖКГ.
24.07.2014 У Салігорску змагаюцца з прававой непісьменнасцю (фота)
Салігорскія моладзевыя актывісты-праваабаронцы правялі інфармацыйную кампанію, скіраваную на падвышэнне прававой асветы сярод жыхароў гораду. Юнакі распаўсюджвалі буклеты з інфармацыяй аб правільных паводзінах пры стасунках з людзьмі ў пагонах.
24.07.2014 Мікалай Аўтуховіч распавёў пра галоўнае
Падчас знаходжання ў мінскім шпіталі былы палітвязень у інтэрв’ю сайту ПЦ “Вясна” распавёў пра сваё стаўленне да жыцця і здароўя, што не раз апыналіся пад пагрозай у часы зняволення.
24.07.2014 Магілёўцы просяць замяніць расійскія каналы на ўкраінскія і казахстанскія
На іх думку, на тэлеканалах “РТР”, “АНТ” і “НТВ” ідзе распальванне нацыянальнай варожасці. Адпаведныя лісты накіраваны Міністру сувязі і інфарматызацыі Рэспублікі Беларусі Сяргею Папкову, старшыні “Белтэлерадыёкампаніі” Генадзю Давыдзьку і Генеральнаму пракурору Рэспублікі Беларусь Аляксандру Канюку.
24.07.2014 Гродна: імклівы разгляд касацыйнай скаргі
Сёння ў Гродзенскім абласным судзе разглядалася скарга журналіста Беларускага Радыё Рацыя Андрэя Мялешкі на рашэнне Кастрычніцкага раённага суда Гродна, які прызнаў яго вінаватым ў вырабе інфармацыйнай прадукцыі без акрэдытацыі для замежнага СМІ.
24.07.2014 Круглянскі супрацоўнік міліцыі ў чарговы раз выказала “своеасаблівае” стаўленне да былых асуджаных
Старэйшы інспектар крымінальна-выхаваўчай інспекцыі Круглянскага РАУС, маёр міліцыі Таццяна Падаляк у артыкуле ў раённай газеце “Сельскае жыццё” ў чарговы раз выказала вельмі своеасаблівае стаўленне да былых асуджаных, якім яна абавязана дапамагаць па службоваму абавязку.
24.07.2014 Праваабаронцы выступілі за роўнасць і папярэджанне дыскрымінацыі
РПГА “Беларускі Хельсінкскі Камітэт” і “Сетка за роўнасць і недыскрымінацыю ў Беларусі” правялі ў Мінску міжнародны круглы стол, прысвечаны абмеркаванню “Канцэпцыі антыдыскрымінацыйнага заканадаўства для Беларусі”.
24.07.2014 Праваабаронцы хочуць нагадаць жыхарам Віцебску пра палітвязьняў
У Віцебску пададзеная заяўка на пікет. Мэта акцыі, якая павінна адбыцца 4 жніўня, – азнаямленьне жыхароў гораду з фактам наяўнасьці ў Беларусі палітвязьняў, прызнаных беларускай грамадзкасьцю, міжнароднымі і беларускімі праваабарончымі арганізацыямі. Ініцыятарам акцыі зьяўляецца праваабаронца Леанід Сьвецік.
23.07.2014 Магілёў: намеснік старшыні БСДП Ігар Барысаў абвінавачваецца ў парушэнні “Закона аб СМІ”
Ігара Барысава абвінавацілі ў парушэнні арт. 22.9 ч.2 КаАП РБ, у адпаведнасці з якім ён, не з’яўляючыся распаўсюднікам СМІ, у парушэнне арт.17 Закона “Аб СМІ” 16 ліпеня на аўтатрасе Мінск-Магілёў здзяйсняў дастаўку “улётак” “Сацыял-дэмакрат” і “НАШ Магілёў” у агульнай колькасці 11 800 асобнікаў на сваім уласным аўтамабілі.
23.07.2014 Брэст: невыкананне працы прызналі, але выплочваць грошы адмаўляюцца
Жыхары мікрараёна Паўднёвы дамагліся ад камунальнікаў прыборкі пад'ездаў у сваім доме. Такія вынікі дала калектыўная скарга ў мясцовыя органы ўлады на сістэматычнае невыкананне сваіх абавязкаў камунальнымі службамі горада Брэста. Аднак вяртаць грошы камунальнікі адмаўляюцца.
