04.08.2014 У Азербайджане працягваюцца арышты праваабаронцаў
У Баку 2 жніўня быў арыштаваны заснавальнік і старшыня Клуба па правах чалавека Расул Джафараў, адзін з аўтараў дакладу па праблеме палітвязняў, што заклікаў ПАСЕ прызначыць спецдакладчыка па палітвязнях у Азербайджане.
04.08.2014 Алесь Бяляцкі заклікае падтрымліваць грамадзянскую супольнасць Беларусі і не губляць аптымізму (відэа)
4 жніўня ў розных краінах праходзіць Дзень салідарнасці з грамадзянскай супольнасцю і праваабарончым рухам Беларусі, прымеркаваны да гадавіны арышту нядаўняга палітвязня праваабаронцы Алеся Бяляцкага.
03.08.2014 У Віцебску патрабуюць вярнуць украінскі тэлеканал "Інтер+"
Тэлеканал "Інтер+" глядзелі ўладальнікі кабельнага тэлебачання. Але правайдэр ААТ Віцебскі абласны тэкнагандлёвы цэнтар "Гарант" спыніў трансляцыю адзінага ўкраінскага тэлеканала, наяўнага ў кабельных сетках. Замест "Інтер+" віцяблянам прапанавана глядзець расійскі тэлеканал "Сарафан".
03.08.2014 У цэхах "Шкловалакна" +40 і болей
Рабочыя ААТ "Полацк-Шкловалакно" працуюць літаральна ў пякельных умовах. "Калі ўдзень на вуліцы +30, то ў цэху № 7 тэмпература на працоўных месцах аператараў нават ноччу дасягае 40 градусаў", -- гаворыць лідар сполкі Свабоднага прафсаюза прадпрыемства Віктар Стукаў.
03.08.2014 Баранавічы: гарвыканкам забараніў пікет ў патрымку палітычных зняволеных
Праваабаронца Сяргей Гоўша атрымаў ліст за подпісам намесніка старшыні Баранавіцкага гарвыканкама Дз. Касцюкевіча, у якім паведамляецца, што гарадская ўлада не дае згоды на правядзенне пікета 4 жніўня, мэта якога – патрабаванне вызвалення палітычных вязняў.
03.08.2014 Брэст: ад арганізатараў пікета, што адбыўся яшчэ 1 чэрвеня, патрабуюць даплаты за дзяжурства медычнага транспарту
Акцыя, прымеркаваная да Міжнароднага дня абароны дзяцей, была дазволеная ўладамі і адбылася на пляцоўцы каля сцэны ў парку воінаў-інтэрнацыяналістаў, які рашэннем Брэсцкага гарвыканкама вызначаны як месца для правядзення масавых мерапрыемстваў.
03.08.2014 Салігорск: БХК праводзіць асветніцкую праграму
Асветніцкая кампанія, інфармуючая у тым ліку пра правільныя паводзіны грамадзян пры стасунках з людзьмі ў пагонах, стартавала напрыканцы ліпеня ў сталіцы шахцёраў. Сваімі парадамі з гэтай нагоды дзеліцца салігорскі праваабаронца Беларускага Хельсінскага Камітэту Леанід Мархотка.
03.08.2014 У Магілёўскай вобласці паболела альтэрнатыўных крыніц інфармацыі
На Магілёўшчыне напрыканцы ліпеня аднавілі свой выхад шэраг незалежных маланакладных газет і інфармацыйных бюлютэняў . Пасля больш чым гадавога перапынку зноў пачала выдавацца газета “Магілёўскі Выбар”, аднавілі свой выхад маланакладныя газеты “Клімавіцкая інфа-панарама”, “Паходня”, “Шклоў-інфо”.
01.08.2014 Алесь БЯЛЯЦКІ: Паехаў варыць сочыва, а патрапіў у турму…
Праваабаронца і нядаўні палітвязень Алесь БЯЛЯЦКІ распавёў “Народнай Волі” пра замежныя рахункі, сваё турэмнае жыццё, сям’ю і пра тое, чаму не хоча балатавацца ў прэзідэнты.
01.08.2014 Падтрымаем зняволеных праваабаронцаў Азербайджана!
“Вясна” заклікае прадстаўнікоў грамадзянскай супольнасці далучацца да заявы з пратэстам супраць палітычнага пераследу вядомых праваабаронцаў Азербайджана, якая на наступным тыдні будзе перададзена ў амбасаду Азербайджанскай Рэспублікі ў Беларусі.
01.08.2014 Гомель: суд палічыў забарону антыкарупцыйнага пікета законнай
Суд Цэнтральнага раёна Гомеля ў асобе суддзі Андрэя Цалуйка прызнаў законнымі дзеянні гарвыканкама, які не дазволіў партыі левых «Справядлівы свет» правесці ў горадзе пікет, і пакінуў скаргу без задавальнення. Прычым пікет левыя планавалі правесці з мэтай аказання падтрымкі дзеянняў прэзідэнта Беларусі па барацьбе з карупцыяй і злоўжываннямі сярод чыноўнікаў.
01.08.2014 У Гомелі міліцыя затрымала актывіста «Маладога Фронту» Станіслава Булла, каб уручыць яму позву ў ваенкамат
«Разам з міліцыянерамі былі тры невядомыя ў цывільным. Міліцыя патлумачыла, што яны проста на вуліцы ва ўсіх правяраюць дакументы, але больш нікога, наколькі я бачу, не затрымлівалі, акрамя мяне», - пракаментаваў актывіст.
01.08.2014 У Магілёве забаронены пікет з патрабаваннем вызваліць палітвязняў
Пікет быў запланаваны 4 жніўня ў цэнтры горада недалёка ад гарадской адміністрацыі. Намеснік старшыні Магілёўскага гарвыканкама Андрэй Кунцэвіч паведаміў праваабаронцам Аляксею Колчыну і Барысу Бухелю, што месца для правядзення пікета не з’яўляецца дазволеным месцам для правядзення падобных мерапрыемстваў.
01.08.2014 Пераслед Алены Дубаносавай – помста за дзейнасць яе мужа Леаніда Дубаносава?
Пасля судовага працэса 30 ліпеня ў судзе Лунінецкага раёна была затрымана людзьмі ў цывільным жонка грамадскага актывіста Леаніда Дубаносава Алена. Людзі ў цывільным пасадзілі маладую жанчыну ў прыватны аўтамабіль і з’ехалі.
01.08.2014 Пасля скаргі актывіста ў МУС хоцімскага міліцыянера прыцягнулі да адказнасці
“За дапушчаныя парушэнні нормаў адміністрацыйнага заканадаўства, павярхоўны разгляд вашага звароту часова выконваючы па пасадзе абавязкі начальніка аддзялення аховы правапарадку і прафілактыкі Хоцімскага РАУС Курленкоў П. А. прыцягнуты да адказнасці".
