Затрыманні, вобшукі, міліцыя каля дамоў. Хроніка пераследу актывістаў шостага жніўня Дапоўнена

2020 2020-08-06T20:40:00+0300 2020-08-07T00:28:37+0300 be https://spring96.org/files/images/sources/patockaja_dziazurstva.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Шостага жніўня ў розных гарадах Беларусі працягваюцца затрыманні, ціск на актывістаў, вобшукі і суды. “Вясна” сочыць за развіццём падзей і збірае факты са ўсёй краіны.

Мінск

Міліцыя спрабуе затрымаць актывістаў "Моладзевага блока"

Раніцай 6 жніўня да дома, дзе жывуць актывісты "Моладзевага блока" прыехалі міліцыянты і пачалі грукацца ў калітку. Калі ніхто ім не адчыніў, яны прайшлі ў двор і пачалі ламіцца ў дзверы. Жыхары дома міліцыянераў не пусцілі, бо ў іх не было дакументаў.

Хворага актывіста забралі на 15 сутак адбываць арышт

У сем гадзін раніцы 6 жніўня супрацоўнікі міліцыі затрымалі па месцы жыхарства актывіста “Еўрапейскай Беларусі” Леаніда Кулакова.

Дадому актывіста Руху салідарнасці "Разам" Вячаслава Сіўчыка прыходзілі супрацоўнікі міліцыі, пыталіся пра яго ў жонкі.

У Юрыя Карніловіча адбыўся вобшук з-за каментара, які ён пакінуў пад відэа канала АГП пра Юрыя Караева. Былі выняты планшэт і сістэмны блок кампутара. 

У Мінску затрыманы два актывісты анархічнага руху - Мікіта Селівонік і Уладзіслаў Абазовік, паведамдяе dissident.by. Яшчэ ў аднаго актывіста пад домам дзяжураць супрацоўнікі ў цывільным.

Баранавічы

У Баранавічах каля дома даверанай асобы Святланы Ціханоўскай Тамары Патоцкай дзяжураць два супрацоўнікі міліцыі. Верагодна яе хочуць прэвентыўна затрымаць перад выбарамі.

Бабруйск

У затрыманых напярэдадні назіральнікаў Эдуарда Грынявіцкага і Уладзіміра Міхалапа праходзяць вобшукі. Вядома, што пасля затрымання на іх склалі пратаколы па арт. 17.1 КаАП (дробнае хуліганства).

Аднак сваякі Грынявіцкага паведамляюць, што вобшук у яго ідзе нібыта на падставе крымінальнай справы аб падрыхтоўцы масавых беспарадкаў. У 12.30 вобшук у Грынявіцкага скончыўся. Былі выняты планшэт і ноўтбук. 

Асуджанага раней на 10 сутак арышту Іллю Уласава забралі адбываць 7 сутак з гэтых 10, якія ў яго засталіся. 

Маладзечна

Адбываць 7-суткавыя арышты, прысуджаныя раней, забралі Андрэя Смаляка і Андрэя Багамолава.

Слонім

У 08.40 ранку затрыманы назіральніка Пётр Крышталь, але затрыманне адбылося не на ўчастку. Падставы высвятляюцца.  

Гродна

У Гродне у 13.25 ДАІ спыніла давераную асобу Святланцы Ціханоўскай Дзмітрыя Ціта і папрсілі яго прайсці да іх у машыну. Верагодня ён затрыманы.

Днём міліцыянты Аляксей Вайцешка і Налівайка забралі прама з працы ўдзельніка роварнага прабега салідарнасці Яўгена Пякуцьку. Яго павезлі ў РАУС Кастрычніцкага раёна. У Яўгена заўтра мусіць быць суд у судзе Ленінскага раёна Гародні за ўдзел у велапрабегу. 

У 13:00 быў затрыманы валанцёр, які перавозіў афіцыйныя агітацыйныя ўлёткі Ціханоўскай, Алег Пуцілоўскі. Алег, яго машына і 100 тыс. улётак у дадзены момант арыштаваныя і знаходзяцца ў Кастрычніцкім РАУС.

Затрыманы Павел Мількоўскі - давераная асоба Святланы Ціханоўскай. Абставіны затрымання невядомы, верагодна заўтра будзе суд.

Ваўкавыскі раён

У вёсцы Станкаўцы Валкавыскага раёна затрымалі Аляксандра Жданюка. 

Затрыманы актывіст з Вялікай Бераставіцы Дзмітрый Гетнер. Яго павезлі ў Ваўкавыскі РАУС.

Гомель

У Гомелі каля пад'езда АМАП затрымаў рэгіянальнага каардынатара па зборы подпісаў за Святлану Ціханоўскую Андрэя Хільчыка. Праваабаронца Леанід Судаленка паведамляе, што яго павезлі ў РАУС Цэнтральнага раёна Гомеля. Пазней стала вядома, што Андрэя асудзілі на 15 сутак па арт. 23.4 КаАП (непадпарадкаванне міліцыі).

Затрыманы і дастаўлены ў Навабеліцкі РАУС Аляксандр Шабалін - сябра ініцыятыўнай групы Ціханоўскай. Таксама паведамляецца пра затрыманне яго жонкі Марыны Шабалінай.

Таксама ў Гомелі затрыманы Дзмітрый Івашкоў - актывіст і сябра ініцыятыўнай групы Ціханоўскай. Затрымлівалі людзі ў цывільным каля дома бацькоў.

Быў затрыманы Віталь Кулеш, які раней адзясдзей арышт за ўдзел у акцыі 14 ліпеня. Затрымалі людзі ў цывільным, падставы невядомы.

Затрыманы актывіст Юрый Уласаў, міліцыя доўгі час дзяжурыла каля яго кватэры.

Клічаў

Затрыманы Сяргей Клепча за расклейку плакатаў за Святлану Ціханоўскую ў неналежных для гэтага месцах. 

Ельск

Сёння асудзілі ў Ельску Алексея Зуевіча - кандыдата пратэста ад каманды Мікалая Статкевіча. Ён атрымаў 10 сутак арышту за распаўсюд улётак за Святлану Ціханоўску.

Шчучын

Ноччу з 5 на 6 жніўня былі затрыманы Петухова Святлана і яе сын Мікіта Петухоў ра расклейку ўлётак ініцыятывы "Сумленныя людзі". На іх склалі пратаколы па арт. 21.14 КаАП за тое, што ўлёткі клеілі ў нявызначаных для гэтага месцах. Мікіту адпусцілі, а яго маці пакінулі ў РАУС да суда, бо склалі яшчэ адзін пратакол за абразу супрацоўніка міліцыі. У доме прайшоў вобшук, забралі сістэмны блок кампутара. У выніку Святлане Петуховай далі 5 базавых штрафу (135 рублёў).

Затрыманы актывіст Анатоль Яноўскі. Абставіны высвятляюцца. Яго маці прыйшла ў РАУС і яе таксама затрымалі. Акрамя таго затрыманы Павел Сакалоўскі - трэнер спартовай школы і адміністратар чата "Щучин для жизни".

Мастоўскі раён

На працоўным месцы ў аграгарадку Лунна быў затрыманы Дзяніс Белаец людзьмі ў цывільным. Цяпер ён знаходзіцца ў Мастоўскім РАУС. Яму інкрымінуюць артыкул 23.4 КаАП РБ.

Баранавічы

За расклейку агітацыйных плакатаў затрыманы актывіст Максім Жураўлёў. Яго пакінулі ў ізалятара да суда, які мусіць адбыцца заўтра. Таксама ў яго доме адбыўся агляд. 

Брэст 

У 17.45 затрыманы актывіст Аляксандр Казлянка і яго брат Дзмітрый. Затрымалі іх прама ў кватэры, падставы высвятляюцца. 

Мазыр

Затрыманы сябры і валанцёры ІГ Святланы Ціханоўскай Руслан Парфёнаў і Юрый Панфіленка.

Карэлічы

Затрыманы актывісты "Страны для жизни" Аляксандр Камісараў і Сяргей Канавалаў. У РАУС паведамілі, што ў дачыненні да іх вядзецца адміністрацыйны працэс.

Магілёў

На 15 сутак быў асуджаны актывіст "Народнай грамады" Пётр Карабанаў па арт. 17.1 КаАП (дробнае хуліганства). Ён быў затрыманы напярэдадні.

Будзе дапаўняцца.

Апошнія навіны

Партнёрства

Сяброўства