Стала вядома імя яшчэ аднаго затрыманага за "гвалт у дачыненні да супрацоўніка ОУС" Аўдыё

Мінчук Уладзіслаў Усцін у свой 21-ы дзень народзінаў быў затрыманы ў сувязі з крымінальнай справай, распачатай паводле артыкула 364 КК РБ (Гвалт альбо пагроза ўжывання гвалту ў дачыненні да супрацоўніка органаў унутраных спраў) паводле падзей 14 ліпеня.

Уладзіслаў Усцін. Фота прадастаўлена яго маці Наталляй

Як распавяла «Вясне» маці Уладзіслава Наталля, першы раз яе сына затрымалі 14 ліпеня каля плошчы Перамогі з боку музея "Дом РСДРП". У той вечар малады чалавек вяртаўся дадому пасля сумоўя па працаўладкаванні. Яму давялося ісці пешшу, бо станцыю метро Кастрычніцкую нечакана закрылі.

«Яго скруцілі, кінулі ў аўтазак, дзе яго збівалі», – паведаміла Наталля.

Сляды пабояў Уладзіслава Усціна пасля затрымання АМАПам. Фота прадастаўлена яго маці Наталляй

Раніцай 15 ліпеня, у 5.15, яго вызвалілі з аднаго з мінскіх РУУС без складання пратаколу.

Аднак на наступны дзень, 16 ліпеня, Уладзіслаў быў затрыманы на сваёй працы. Прыйшлі людзі былі ў цывільным і прадставіліся яго сябрамі. Пра затрыманне Уладзіслава больш падрабязна – у аўдыё:

«Калі б калегі сына не патэлефанавалі мне, я б не ведала [пра яго затрыманне – Заўв.] – я так і чакала б яго дома з працы, таму што ў яго быў Дзень народзінаў. Я збіралася гатаваць торт", – распавяла Наталля.

Па падзеях 14 ліпеня ў Мінску ўзбуджаныя тры крымінальныя справы. Затрыманы мінчук Антон Шумаў

Па падзеях 14 ліпеня ўзбуджаныя яшчэ дзве крымінальныя справы па артыкуле 363 (супраціў супрацоўніку органаў унутраных справаў) і артыкуле 364 Крымінальнага кодэкса (гвалт у дачыненні да супрацоўніка органаў унутраных справаў).

Следчы камітэт узбудзіў крымінальную справу па факце парушэння грамадскага парадку ў Мінску

Раніцай 15 ліпеня ў афіцыйным тэлеграм-канале Следчага камітэта з'явілася інфармацыя аб узбуджэнні крымінальнай справы па факце арганізацыі і ўдзелу грамадзянаў у парушэнні грамадскага парадку ў Мінску.

Беларусы выйшлі на стыхійныя акцыі пратэсту. Спіс затрыманых

Увечары 14 ліпеня ў розных гарадах краіны людзі выйшлі на вуліцы сваіх гарадоў, каб выказаць пратэст супраць адмовы ў рэгістрацыі кандыдатамі на пост прэзідэнта альтэрнатыўных вылучэнцаў - Віктара Бабарыкі і Валерыя Цапкалы.