Як праходзіла назіранне за акцыямі ў 90-х? Запрашаем на анлайн-сустрэчу з Валянцінам Стэфановічам
Валанцёрская служба “Вясны” запрашае на анлайн-сустрэчу з праваабаронцам "Вясны" Валянцінам Стэфановічам.
Валянцін Стэфановіч з'яўляўся назіральнікам за мірнымі сходамі яшчэ ў 90-х гадах. Адпаведнае пасведчанне яму было выдадзена Праваабарончым цэнтрам "Вясна" 15 лістапада 1999 года. Якія тады былі акцыі, як ажыццяўлялася першае назіранне, як паводзіла сябе міліцыя? Пра гэтае і шмат іншае можна даведацца падчас сустрэчы.
Акрамя гэтага, Валянцін Стэфановіч распавядзе і пра іншыя формы грамадскага кантролю, якія існавалі ў 90-х. Як тады ажыццяўлялася назіранне за судамі? Што дазваляў інстытут "грамадскага абаронца" на крымінальных працэсах? Як назіральнікі збіралі і распаўсюджвалі інфармацыю аб рэпрэсаваных без інтэрнэту і мабільных тэлефонаў?
Сустрэча пройдзе ў суботу 25 красавіка ў 18:00 анлайн праз Zoom. Уваход вольны, але трэба зарэгістравацца ТУТ. У форме вы можаце нават задаць пытанне, якое вам цікава, — праваабаронца "Вясны" Валянцін Стэфановіч паспрабуе адказаць.
А вось тут можна прачытаць пра назіранне #ContolBY ад Валанцёрскай службы "Вясны":
Грамадзянскі кантроль у Беларусі: гісторыя, лічбы, факты
