Праз "асаблівую складанасць і значны аб'ём" суд будзе вывучаць справу Шаўрова да траўня
Тэрміны рашэння аб прызначэнні судовага разбіральніцтва па крымінальнай справе актывіста "Маладога фронту" Піліпа Шаўрова падоўжаныя на месяц – да трэцяга траўня. Такое рашэнне трэцяга красавіка прыняў старшыня суда Цэнтральнага раёна Мінска Аляксандр Петраш.
З пастановы суддзі, апублікаванага "Дзеяй" у Facebook, вынікае, што прынята такое рашэнне было "зыходзячы з асаблівай складанасці дадзенай крымінальнай справы і значнага аб'ёму".
Нагадаем, актывісту "Маладога фронту" Піліпу Шаўрову, затрыманаму за размаляваныя рукі помніка Пушкіну, прад'яўленае абвінавачванне па двух артыкулах Крымінальнага кодэкса. Яго абвінавачваюць у нанясенні шэрагу графіці палітычнага зместу і ў арганізацыі перформансу супраць "паглыбленай інтэграцыі Расеі і Беларусі", а менавіта – у роспісе чырвонай фарбай рук помніка А.С. Пушкіну. Гэтыя дзеянні П. Шаўрова кваліфікуюцца следчымі органамі па ч. 1 і ч. 2 арт. 339 КК (хуліганства) з выбарам меры стрымання ў выглядзе ўтрымання пад вартай.
![]()
Справа Піліпа Шаўрова ў судзе. Сам ён мужна ставіцца да магчымых цяжкіх перспектыў
Эксперты ПЦ "Вясна" выказваюць сумневы з нагоды правільнасці такой кваліфікацыі дзеянняў П. Шаўрова і лічаць, што яго ўтрыманне пад вартай ўвесь гэты час носіць відавочна непрапарцыйны характар, што можа сведчыць аб наяўнасці палітычнай матыў уладаў.
Актывіст знаходзіцца ў СІЗА № 1 на вуліцы Валадарскага ўжо больш за два месяцы.
Навіны ад Spring96.org у Telegram. Падпішыся на наш канал https://t.me/viasna96