У Магілёве без тлумачэння прычын затрымалі фрылансера-аператара Міхаіла Аршынскага

13.03.2020 Тэгі: затрыманні

https://spring96.org/be/news/96219 2020 2020-03-13T10:54:59+0300 2020-03-13T10:54:59+0300 2020-03-13T14:45:45+0300 be https://spring96.org/files/images/sources/michas-arszynski.jpg Праваабарончы цэнтр «ВЯСНА» Праваабарончы цэнтр «ВЯСНА» Праваабарончы цэнтр «ВЯСНА»

Праваабарончы цэнтр «ВЯСНА»

Як паведамляе MSPRING.ONLINE, магілёўскага аператара-фрылансера Міхаіла Аршынскага нечакана затрымалі каля пяці гадзін вечара ў цэнтры Магілёва, недалёка ад яго дома.

Аператар здолеў уключыць стрым на Youtube падчас паездкі.

Па словах Аршынскага, яму не сказалі прычыну затрымання і не азнаёмілі з адміністрацыйным пратаколам. Усё, што яму вядома — на яго складзена адміністрацыйная справа па артыкуле 22.9 КаАП (незаконны выраб прадукцыі СМІ).

Работнікі РАУС паведамілі яму, што з усімі матэрыяламі справы ён зможа азнаёміцца ўжо ў аддзяленні міліцыі.

Каля 18 гадзін яго даставілі ў Кастрычніцкі РАУС. На працягу паездкі, пакуль аператар здымаў тое, што адбываецца на смартфон, яго запісвалі на відэа супрацоўнікі міліцыі.

У аддзяленне міліцыі Аршынскага даставілі трое супрацоўнікаў міліцыі. Адзін з іх не прадставіўся.