Бліжэйшыя тры месяцы Міхаіл Жамчужны правядзе ў ПКТ
Як стала вядома праваабаронцам “Вясны”, пасля адбыцця трох месяцаў у памяшканні камернага тыпу палітвязень Міхаіл Жамчужны неаднаразова быў змешчаны ў ШІЗА. З 20 студзеня зняволены зноў накіраваны ў ПКТ.
Так, 23 снежня 2019 года за адмову следаваць у атрад Міхаіл Жамчужны быў пакараны 7 суткамі штрафнога ізалятару, адразу па выхадзе яму было прызначана яшчэ 10 сутак ШІЗА. З 10 студзеня палітвязень ізноў адбываў 10 сутак у ШІЗА. Пасля гэтага Міхаілу Жамчужнаму на той жа падставе прызначылі спагнанне – тры месяцы ПКТ. Там асуджаны будзе знаходзіцца прыблізна да 20 красавіка, чаму ён збольшага рады, так як цяпер можа весці перапіску, атрымоўваць пошту, набываць прадукты, хадзіць на прагулкі кожны дзень.
![]()
Міхаіл Жамчужны: Лісты з волі цяпер – на вагу золата
Міхаіл Жамчужны адзначае, што апошнім часам начальнік папраўчай калоніі адносіцца да яго больш паважліва: раней вязню трэба было адбыць 80-100 сутак у ШІЗА, а ПКТ прызначалі не больш, чым на месяц. Цяпер Міхаіл Жамчужны сядзіць 23-27 сутак у ШІЗА, а ў ПКТ – па тры месяцы. Палітвязень па-ранейшаму працягвает абскаржваць вынесеныя спагнанні, на сёння іх у яго – 74.
Мужчына выказвае занепакоенасць тым, што не ўсе людзі, с кім ён перапісваецца, адказваюць на яго лісты. Магчыма, гэта звязна з цэнзурай і наўмысным знішчэннем карэспандэнцыі адміністрацыяй калоніі.
Міхаіл Жамчужны ізноў выказвае ўсім падзяку за падтрымку і дапамогу.
Лісты дасылайце на адрас:213410, ПК-9, бр. 31, ПКТ, вул. Дабралюбава, 16, г. Горкі, Магілёўская вобласць, Беларусь |
![]()
Усе навіны пра Міхаіла Жамчужнага