Экалагічная бяспека Светлагорска: першыя перамогі актывістаў Відэа

2019 2019-05-15T09:36:40+0300 2019-05-15T10:20:02+0300 be https://spring96.org/files/images/sources/1_516.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Светлагорскі завод беленай цэлюлозы. Фота: TUT.BY

Светлагорскі завод беленай цэлюлозы. Фота: TUT.BY

Праваабаронцы нядаўна праінфармавалі  грамадскасць аб тым, што Міністэрства прыродных рэсурсаў і аховы навакольнага асяроддзя было вымушанае рэагаваць на звароты грамадзян Светлагорску, якія скардзяцца на смурод, звязаны з пусканаладачнымі працамі на вытворчасці сульфатнай беленай цэлюлозы.

Так, адна з экалагічных актывістак Алена Маслюкова была праінфармаваная аб тым, што Мінпрыроды звярнулася ў канцэрн “Беллесбумпрам” і ў ААТ "Светлагорскі ЦКК" з заклікам “неадкладна прыняць усе неабходныя меры па няўхільным забеспячэнні захавання прыродаахоўнага заканадаўства на прадпрыемстве”.

А праблем з новай вытворчасцю, сапраўды, дастаткова. Так, апроч агіднага і шкоднага смуроду, які перыядычна накрывае горад на Бярэзіне і яго наваколлі, актывісты фіксуюць і брудныя сцёкі з завода беленай цэлюлозы ў канал, які злучаны з Бярэзінай. Дзякуючы намаганням светлагорскіх актывістаў трывогу за пагаршэння якасці рачной вады забілі нават ва Украіне.

Зліў бруднай вадкасці цёмна-карычневага колеру з заводу

Літаральна дзень таму на заводзе беленай цэлюлозы Светлагорскага цэлюлозна-кардоннага камбіната (ЦКК), які будавалі кітайцы, знікла частка даху. Кажуць, што яна абвалілася.

«Сёння раніцай на ЗБЦ абвалілася частка даху аднаго з цэхаў», - такі запіс з'явіўся ў супольнасці Светлагорск|Пра ўсё і пра ўсіх. Неўзабаве з'явіліся і фотадоказы.

 Фота з сацыяльных сетак

 - Работнікі баяцца звальненняў, таму інфармацыю перадаюць вельмі асцярожна, праз некалькі чалавек. Кажуць, усё адбылося раніцай у пачатку змены ў цэху, дзе стаяць нейкія агрэгаты, якія даюць моцную вібрацыю, і ўжо даўно там з-за гэтага былі расколіны. Вось, нарэшце, і павалілася, - распавядае мясцовы жыхар Андрэй Смалянчук.

Працы ў мясцовых актывістаў – хоць адбаўляй, тым не меней яны не супакойваюцца, і менавіта з-за іх бескампраміснай пазіцыі ўлады, хаця і неахвотна, вымушаны дбаць пра экалагічную бяспеку грамадзян, пра будучае жыхароў Светлагорска.

Экалагічная бяспека Светлагорска: першыя перамогі актывістаў

Апошнія навіны

Партнёрства

Сяброўства