viasna on patreon

Бабруйск: апазіцыянераў у гарвыбаркам не ўключылі

2017 2017-11-24T17:08:24+0300 2017-11-24T17:15:00+0300 be https://spring96.org/files/images/sources/babrujsk-tvk-24-11-17b.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Бабруйску 24 лістапада сфармавалі гарадскую выбарчую камісію. Ад партый у склад камісіі вылучаліся тры прадстаўнікі, але апазіцыянераў не ўключылі.

Як паведаміў наш назіральнік Сяржук Лацінскі, сумеснае паседжанне гарадскога выканкама і гарадскога савета дэпутатаў па фармаванні выбарчай камісіі доўжылася каля 30 хвілінаў. На 13 месцаў у камісіі прэтэндавалі 18 чалавек. Сябраў камісіі абіралі адкрытым галасаваннем.

Пасяджэнне па фармаванні гарвыбаркаму ў Бабруйску. Фота: bobrlife.by

Пасяджэнне па фармаванні гарвыбаркаму ў Бабруйску. Фота: bobrlife.by
Пасяджэнне па фармаванні гарвыбаркаму ў Бабруйску. Фота: bobrlife.by

Паседжанне адбывалася ў прысутнасці назіральнікаў ад чатырох грамадскіх аб’яднанняў – БХК, Беларускага саюза жанчынаў, БРСМ і Белай Русі.

Усім прысутным раздалі паперы са звесткамі пра вылучаных асобаў, дзе ўказаны біяграфія і шлях вылучэння. Асобным пунктам стаялі месца працы і інфармацыя адносна досведу ўдзелу ў выбарчай камісіі.

Тры прэтэндэнты вылучаліся ад палітычных партый - Партыі працы і справядлівасці, АГП і Беларускай партыі левых “Справядлівы свет”.

Па адным прадстаўніку вылучылі грамадскія аб’яднанні - Белая Русь, БРСМ, Беларускае грамадскае абяднанне ветэранаў, Беларускі саюз жанчын, Беларускі саюз ветэранаў. Аднаго прадстаўніка вылучыў Беларускі прафсаюз работнiкаў культуры, інфармацыі, спорту і турызму. Яшчэ дзевяць прэтэндэнтаў вылучылі грамадзяне шляхам збору подпісаў. Асобным пунктам у спісе стаяў дырэктар прыватнага прадпрыемства Ашот Айвазян, які нібыта вылучаўся шляхам збору подпісаў, але не было графы з указаннем даты, - за яго ніхто не прагаласаваў.

Па астатніх кандыдатурах разбежка ў галасах была ад 3-х да 14-ці. У склад камісіі прайшлі тыя, хто набраў 10 – 14 галасоў. Пры гэтым назіральнік адзначае, што ні абмеркавання ні спрэчак па прэтэндэнтах не было - толькі галасаванне па кожным.

У выніку ў камісію трапілі:

Арцёмчык Наталля - дырэктарка музею – вылучалася ад Беларускага прафсаюза работнiкаў культуры, інфармацыі, спорту і турызму;

Біткін Сяргей - намеснік дырэктара ААТ “Белшына” – вылучаўся ад грамадзянаў;

Бабкова Жанна - начальнік юрыдычнага аддзела гарвыканкама – вылучалася ад грамадзянаў;

Вяткін Уладзімір - старшыня арганізацыі Белай Русі – вылучаўся ад Белай Русі;

Гарбанёў Віктар - дырэктар коледжа – вылучаўся ад грамадзянаў;

Вараб'ёва Алена - старшыня Першамайскага райкома БРСМ – вылучалася ад БРСМ;

Епіфанава Ірына - старшыня прафкома ААТ “Славянка” – вылучалася ад грамадзянаў;

Кульбакова Анастасія - інжынер-праграміст механіка-тэхналагічнага коледжа – вылучалася ад грамадзянаў;

Нартымаў Анатоль - пенсіянер – вылучаўся ад Беларускага саюза ветэранаў;

Сарокін Сяргей - намеснік дырэктара школы № 24 – вылучаўся ад грамадзянаў;

Скрыган Ганна - намеснік дырэктара па ідэалогіі ААТ “Бабруйскі мясакамбінат” – вылучалася ад Беларускага саюза жанчынаў;

Суворава Валянціна - галоўны спецыяліст гарадскога Савета дэпутатаў Бабруйска – вылучалася ад грамадзянаў;

Сябруковіч Юрый - дырэктар КУП “Бабруйскрамонт” – вылучаўся ад Партыі працы і справядлівасці.

Ніну Фядзяеву, вылучаную ад Беларускай партыі левых “Справялівы Свет”, і спадара Крэмянецкага, вылучанага ад АГП, у камісію не ўключылі.

"Праваабаронцы за свабодныя выбары"

Апошнія навіны

Партнёрства

Сяброўства