Затрыманым на Фабрыцыўса даюць суткі Дапоўнена
Затрыманне на офісе партыі па Фабрыцыуса, 4, у Мінску.
Як стала вядома, затрыманых маладых людзей 24 сакавіка на вул. Фабрыцыўса, 4, дзе праходзіў сбор рэчаў для адміністрацыйна арыштаваных пасля Маршу недармаедаў 15 сакавіка, даставілі ў суд Маскоўскага раёна.
Усіх вінавацяць па арт. 17.1 "Дробнае хуліганства". Вядома, што шмат да каго з затрыманых увечары прыходзілі з аглядамі і вобшукамі.
У судзе справы размеркаваныя ўжо па суддзях, аднак грамадзян пакуль у будынак суда не пускаюць.
Агулам у суд прывезлі 10 чалавек. Cтала вядома, што Хрысціну Чарняўскую асудзілі на 15 сутак арышту, Дар'ю Л. - да 12 сутак, Алесю А. - да 14 сутак, Ганне С. - 12 сутак, Марк Э. - 15 сутак, Патапаў - 12 сутак. Гісторыка Уладзіміра Валодзіна асудзілі на 14 сутак арышту. Таксама асуджаныя Малашкоў і Немік.
У суд Савецкага раёна даставілі грамадзянку Польшчы Дароту Новак, якую ўчора затрымалі разам з сяброўкай. Дзяўчыну асудзілі на 15 сутак.
