viasna on patreon

Затрыманні на Брэстчыне

2017 2017-03-12T11:30:02+0300 2017-03-12T15:31:06+0300 be https://spring96.org/files/images/sources/andrejuk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Васіль Андрэюк (злева) і капітан Міхаіл Шарапаў (справа на першым плане)

Васіль Андрэюк (злева) і капітан Міхаіл Шарапаў (справа на першым плане)

12 сакавіка праваабаронцы з рэгіянальных аддзяленняў “Вясны” паведамляюць пра затрыманні актывістаў у Брэсце і Кобрыне.

У Берасце прыкладна а 10-й раніцы быў затрыманы блогер Дзмітрый Гарбуноў, які вядзе "Народны рэпарцёр" на YouTube. Ад яго прыйшло смс: "Мяне ўзялі". На тэлефанаванне не адказвае. Па інфармацыі праваабаронцы Рамана Кісляка, затрыманы і другі аўтра блогу - Сяргей Пятрухін

З 11-й гадзіны супрацоўнікамі Маскоўскага РАУС Брэста, якія з’явіліся ў цывільным, у сваім доме заблакаваны Павел Кінчак - выступоўца на першых дзвюх акцыях “недармаедаў”. На гэты раз яму забаронена выязджаць у горад да 16 гадзінаў.

Тым часам у Кобрыне затрыманы Алесь Мех з сябрам Васілём Андрэюком. Яны накіроўваліся на акцыю ў Брэст на машыне, якую спыніла кобрынская міліцыя нібыта для праверкі на прадмет таго, ці ні знаходзіцца аўтамабіль у вышуку. Іх адвезлі ў Кобрынскі РАУС, развялі па розных кабінетах. Капітан Міхаіл Шарапаў, які забраў Меха для допыту ў свой кабінет, прычыну не паведаміў, хоць актывіст неаднаразова запытваўся. З гэтай нагоды Алесь Мех піша скаргу ў пракуратуру.   

Апошнія навіны

Партнёрства

Сяброўства