Вярхоўны суд прызнаў законнай нерэгістрацыю Партыі БХД
https://spring96.org/be/news/82862
2016
2016-04-19T09:00:32+0300
2016-04-19T09:00:32+0300
2016-04-19T09:01:46+0300
be
https://spring96.org/files/images/sources/bhd.jpg
Вярхоўны суд 18 красавіка ў шосты раз адмовіў у рэгістрацыі Партыі “Беларуская хрысціянская дэмакратыя”, прызнаўшы законнай адмову ў рэгістрацыі ПБХД Мінюстам. Разам з грамадскімі арганізацыямі агульная колькасць адмоў у спробе легалізацыі хрысціянскіх дэмакратаў у Беларусі ўжо перакрочыла другі дзясятак.
Па словах адказнага сакратара Дзяніса Садоўскага, які прадстаўляў БХД на судовых паседжаннях, адмова ў рэгістрацыі была абсалютна прадказальная.
“БХД працягвае сваю дзейнасць. Відаць, толькі пры змене ўлады ў Беларусі, хрысціянскія дэмакраты ў краіне будуць зарэгістраваныя”, - заявіў ён у каментары прэсавай службе БХД.
