Леаніда Кулакова чакае новы суд “два ў адным”
Леанід Кулакоў з плакатам да Дня волі.
Актывіста “Еўрапейскай Беларусі” Леаніда Кулакова 7 красавіка чакае чарговы суд па схеме “два ў адным”: яго збіраюцца прыцягнуць да адміністрацыйнай адказнасці за ўдзел у масавых мерапрыемствах: пікеце каля Расійскай амбасады ў падтрымку Надзеі Саўчанка 21 сакавіка і Дні Волі 25 сакавіка. Пра гэта ён даведаўся, атрымаўшы смс-паведамленне з суда Цэнтральнага раёна Менска.
Кулакоў не хавае свайго здзіўлення:
– Дзень Волі – дазволеная афіцыйна акцыя, да мяне ніхто не падыходзіў, ніякіх пратаколаў не складалася. Магчыма, некаму не спадабаўся той плакат, які я трымаў у руках: “22 гады жыцця ў няволі. Прагнем Волі!”.
Разгляд адміністрацыйных спраў прызначаны на 11 гадзін у судзке Цэнтральнага раёна. Суддзя Міхаіл Хома. Вядома таксама, што позвы ў суд за Дзень волі атрымалі і некалькі актывістаў Партыі АГП, у тым лику старшыня партыі Анатоль Лябедзька і актывіст Дзяніс Красачка.
