Леанід Кулакоў абскардзіць штраф за пікет ў Менскім гарадскім судзе

Касацыйную скаргу актывіста “Еўрапейскай Беларусі” Леаніда Кулакова Менскі гарадскі суд разгледзіць 29 студзеня. Кулакоў не пагадзіўся з рашэннем  суда Першамайскага раёна, які 5 студзеня пастанавіў аштрафаваць яго на суму 30 базавых велічынь. Пачатак у 15.00.

“10 снежня быў Міжнародны дзень правоў чалавека, сваёй акцыяй я вырашыў проста павіншаваць нашых беларускіх праваабаронцаў і выказаць сваю салідарнасць ім у барацьбе за адмену смяротнага пакарання. У сваіх дзеяннях я не знаходжу складу злачынства, а судзяць мяне за іншадумства і маю актыўную пазіцыю” – паведаміў ён журналістам.

Леаніда Кулакова суддзя суда Першамайскага раёна Юрый Гарбатоўскі звінаваціў па арт. 23.34 “Парушэнне парадку арганізацыі ці правядзення масавых мерапрыемстваў” за адзіночны пікет, які актывіст правёў 10 снежня ў Міжнародны дзень правоў чалавека ў Менску і прыцягнуў да адказнасці ў выглядзе штрафу ў 30 базавых велічынь.